28th May2021

ເຈົ້າແຂວງອັດຕະປື ເຄື່ອນໄຫວຢ້ຽມຢາມພະນັກງານປະຈໍາຈຸດກວດຄັດກອງຄົນເຂົ້າ-ອອກແຂວງ.

by somchan

ໃນວັນທີ 27 ພຶດສະພາ 2021 ທ່ານ ເລັດ ໄຊຍະພອນ ເຈົ້າແຂວງໆອັດຕະປື ພ້ອມຄະນະ ໄດ້ລົງຢ້ຽມຢາມ ແລະ ໃຫ້ກໍາລັງໃຈ ພະນັກງານທີ່ປະຈໍາການ ຢູ່ຈຸດກວດຄັດກອງຄົນເຂົ້າ-ອອກແຂວງ ເພື່ອປ້ອງກັນພະຍາດໂຄວິດ-19 ຈຸດຂົວເຊນໍ້ານ້ອຍ ( ເຂດເຊື່ອມຕໍ່ລະ ຫວ່າງແຂວງອັດຕະປື – ແຂວງເຊກອງ ),

ຈຸດຫລັກ 56 ( ເຂດເຊື່ອມຕໍ່ລະຫວ່າງແຂວງອັດຕະປື – ແຂວງຈໍາປາສັກ ) ແລະ ຢ້ຽມຢາມໃຫ້ກໍາລັງໃຈພະນັກງານທີ່ປະຈໍາການ ຢູ່ສູນກັກກັນໂຮງຮຽນປະຖົມເຊກອງ ເມືອງສາມັກຄີໄຊ ແຂວງອັດຕະປື.

 

ໃນການລົງແຕ່ລະຈຸດ ທ່ານ ເຈົ້າແຂວງ ພ້ອມຄະນະ ກໍ່ໄດ້ຮັບຟັງການລາຍງານຫຍໍ້ ກ່ຽວກັບສະພາບການປະຕິ ບັດໜ້າທີ່ຂອງພະນັກງານໃນໄລຍະຜ່ານມາ ເປັນຕົ້ນ: ຂໍ້ສະດວກ, ຂໍ້ຫຍຸ້ງຍາກ ແລະ ບັນດາຂໍ້ສະເໜີຕ່າງໆ ຕໍ່ການຈັດຕັ້ງຂັ້ນເທິງ. ພ້ອມກັນນີ້ທ່ານ ຍັງໄດ້ມີຄໍາເຫັນໂອ້ລົມ ແລະ ຊີ້ນໍາ ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຄວາມເອົາໃຈໃສ່ປະຕິບັດໜ້າທີ່ວຽກງານ ທີ່ໄດ້ຮັບມອບໝາຍ ດ້ວຍຄວາມຮັບຜິດຊອບສູງ ເພື່ອຊ່ວຍກັນ ສະກັດກັ້ນ ແລະ ຕ້ານການແຜ່ລະບາດຂອງພະຍາດໂຄວິດ-19 .

 

ພ້ອມກັນນັ້ນ ກໍໃຫ້ສືບຕໍ່ປະຕິບັດບັນດາມາດຕະການຕ່າງໆ ກ່ຽວກັບການເພີ່ມທະວີມາດຕະການສະກັດກັ້ນ, ຄວບຄຸມ ແລະ ຕ້ານພະຍາດໂຄວິດ-19 ຢ່າງເຂັ້ມງວດ ເພື່ອບໍ່ໃຫ້ພະຍາດດັ່ງກ່າວ ລະບາດຢູ່ໃນແຂວງອັດຕະປື.

 

Off

Comments are closed.