28th May2021

ສູນຝືກອົບຮົມກົມໃຫຍ່ການເມືອງ ກະຊວງປ້ອງກັນຄວາມສະຫງົບ ບໍລິຈາກເລຶອດຊ່ວຍເຫຼືອສັງຄົມ

by somchan

ໃນວັນທີ 28 ພຶດສະພາ 2021 ສູນຝືກອົບຮົມກົມໃຫຍ່ການເມືອງ ກະຊວງປກສ ບໍລິຈາກເລືອດຊ່ວຍເຫຼືອເພື່ອນມະນຸດດ້ວຍກັນ ທີ່ກຳລັງຕ້ອງການເລືອດໃນການປີ່ນປົວຮັກສາສຸຂະພາບ ໂດຍການນຳພາຂອງທ່ານ ດຣ ຄຳຈັນ ຄຳມະນີວົງ ຫົວໜ້າພະແນກປຸກລະດົມຂົນຂວາຍ ບໍລິຈາກເລືອດ ຈາກສູນບໍລິຈາກເລືອດແຫ່ງຊາດ,ມີທ່ານ ພັທ ພາແກ້ວ ວິພົນຮຽນ ຫົວໜ້າສູນຝືກອົບຮົມກົມໃຫຍ່ການເມືອງ ປກສ,ພ້ອມດ້ວຍພະນັກງານແພດໜໍ ຈາກສູນບໍລິຈາກເລືອດແຫ່ງຊາດ ແລະ ນັກຮຽນພາຍໃນສູນຝືກອົບຮົມເຂົ້າຮ່ວມ.

 

ທ່ານ ດຣ ຄໍາຈັນ ຄໍາມະນີວົງ ຫົວໜ້າພະແນກປຸກລະດົມຂົນຂວາຍ ບໍລິຈາກເລືອດ ໄດ້ກ່າວວ່າ:​ ສໍາລັບການບໍລິຈາກເລືອດໃນຄັ້ງນີ້ ແມ່ນມີຄວາມໝາຍຄວາມສໍາຄັນຫຼາຍຕໍ່ກັບຄົນເຈັບທີ່ກຳລັງຕ້ອງການເລືອດ ໂດຍສະເພາະຜູ້ທີ່ກຳລັງໄດ້ຮັບການປີ່ນປົວຢູ່ຕາມໂຮງໜໍຕ່າງໆ ທີ່ໄດ້ໃສ່ເລືອດເປັນປະຈຳ ເປັນຕົ້ນແມ່ນ ຟອກໝາກໄຂ່ຫຼັງ,ຂາດເລືອດມາແຕ່ກຳເນີດ,ຄົນເຈັບທີ່ຜ່າຕັດ,ຄົນເຈັບເກີດຈາກອຸບປະຕິເຫດ,ເກີດລູກ ແລະ ຄົນເຈັບອື່ນໆທີ່ກຳລັງຕ້ອງການເລືອດ ຜູ້ທີ່ຈະບໍລິຈາກເລືອດໄດ້ຕ້ອງມີນໍ້າໝັກ 45 ກິໂລຂື້ນໄປ,ມີອາຍຸແຕ່ 17 ຫາ 60 ປີ ມີສຸຂະພາບແຂງແຮງດີ ຈື່ງສາມາດບໍລິຈາກເລືອດໄດ້.

 

ທ່ານ ພັທ ພາແກ້ວ ວິພົນຮຽນ ຫົວໜ້າສູນຝືກອົບຮົມກົມໃຫຍ່ການເມືອງ ປກສ ໄດ້ກ່າວວ່າ:​ ສູນຝືກອົບຮົມກົມໃຫຍ່ການເມືອງ ປກສ ມີຄວາມພາກພູມໃຈເປັນຢ່າງຍີ່ງ ທີ່ໄດ້ມີການປະກອບສ່ວນ ຊ່ວຍເຫຼືອເພື່ອນມະນຸດດ້ວຍກັນ ເພາະເລືອດເປັນປັດໃຈທີ່ສຳຄັນ ຕໍ່ກັບຄົນເຈັບທີ່ກຳລັງຕ້ອງການເລືອດ ໃນການປີ່ນປົວສຸພາບ ຂອງແຕ່ລະທ່ານທີ່ກຳລັງນອນປີ່ນປົ່ວຢູ່ຕາມໂຮງໜໍຕ່າງໆ ແລະ ເລືອດກໍ່ເປັນອີກສ່ວນໜື່ງທີ່ສຳຄັນຫຼາຍຕໍ່ກັບຮ່າງກາຍຂອງຄົນເຮົາ ແລະ ທ່ານກໍ່ໄດ້ຝາກເຖິງຜູ້ທີ່ກຳລັງປີ່ນປົວຢູ່ໂຮງໜໍໆ ແລະ ກຳລັງຕ້ອງການເລືອດ ຂໍໃຫ້ມີສຸຂະພາບແຂງແຮງ ແລະ ຫາຍດີຈາກພະຍາດໂດຍໄວ.

 

Off

Comments are closed.