28th May2021

ຫຼາຍພາກສ່ວນໄດ້ນໍາເອົາເງິນ ແລະ ອຸປະກອນປ້ອງກັນພະຍາດ ໂຄວິດ-19 ມອບໃຫ້ສູນກາງແນວລາວສ້າງຊາດ

by somchan

ໃນ​ວັນ​ທີ 28 ພຶດສະພາ 2021 ຫຼາຍ​ພາກສ່ວນ​ໄດ້​ນໍາ​ເອົາ​ເງິນ ​ແລະ ອຸປະກອນ​ປ້ອງ​ກັນພະຍາດ ໂຄວິດ-19 ມອບ​ໃຫ້​ສູນ​ກາງ​ແນວ​ລາວ​ສ້າງ​ຊາດ ເພື່ອເປັນການປະກອບສ່ວນເຂົ້າໃນການສະກັດກັ້ນ ແລະ ຕ້ານກັບພະຍາດໂຄວິດ 19 ທີ່ຍັງລະບາດຢູ່ໃນ ສປປລາວ ​ເຊິ​່ງ​ເປັນ​ກຽດ​ກ່າວ​ມອບ​ໂດຍ ທ່ານ ອາລຸນໄຊ ສູນນະລາດ, ກໍາມະການສູນກາງພັກ ເລຂາຄະນະບໍລິຫານງານ ສູນກາງຊາວຫນຸ່ມປະຊາຊົນປະຕິວັດລາວ ຮ່ວມກັບ ອົງການ​ພຸດທະ​ສາສະໜາ​ສໍາພັນ​ລາວ ​ແລະ ມູນນິທິຊ່ວຍເຫຼືອຄົນທຸກຍາກ ນະຄອນຫລວງວຽງຈັນ ຈໍານວນ​ 135.000.000 ກີບ (ໜຶ່ງ​ຮ້ອຍ​ສາມ​ສິບຫ້າ​ລ້ານ​ກີບ),

ກຸ່ມບໍລິສັດ ພົງສະຫວັນ ນໍາ​​ໂດຍ​ທ່ານ ພົນຈັດຕະວາ ຄຳຜາຍ ຈັນສີສະຫມຸດ ຮອງປະທານກຸ່ມ​ ບໍລິສັດ ພົງສະຫວັນ ຈໍານວນ 50.000.000 ລ້ານກີບ, ບໍລິສັດ ກຣິດຕະພົງ ກຣຸບຈຳກັດ ໂຮງແຮມແລນມາກແມ່ຂອງລີເວີໄຊ໌ ນຳໂດຍ ທ່ານ ນາງ ອໍລະໄທ ສັນຕິຄົງຄາ ຜູ້ອຳນວຍການໃຫຍ່ ບໍລິສັດ ກຣິດຕະພົງ ກຣຸບ ຈຳກັດ ໂຮງແຮມແລນມາກແມ່ຂອງລີເວີໄຊ໌ ມອບອຸປະກອນ ປ້ອງກັນພະຍາດໂຄວິດ-19 ມູນຄ່າ 23.000.000 ລ້ານ​ກວ່າ​ກີບ ​ແລະ  ມູນນິທິຊ່ວຍເຫຼືອຄົນທຸກຍາກ ສາຂານະຄອນຫຼວງ ມອບໂດຍທ່ານ ນາງ ພອນວິໄລ ແສນປະເສີດ ມູນຄ່າ 11.000.000 ລ້ານກີບ ​ແລະ ທ່ານ ໄຊບັນດິດ ລາຊະພົນ ມອບເງິນຈຳນວນສົດ 10.000.000 ລ້ານກີບ,

ເປັນ​ກຽດ​ກ່າວ​ຮັບໂດຍ ທ່ານ ປອ. ສີນລະວົງ ຄຸດໄພທູນ, ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ມີ​ຮອງ​ປະທານ, ຫົວໜ້າ​ຫ້ອງການ, ຫົວໜ້າ​ກົມ ​​ແລະ ພາກສ່ວນ​ກ່ຽວຂ້ອງ​ ສອງ​ຝ່າຍ​ເຂົ້າ​ຮ່ວມ​ເປັນ​ສັກ​ຂິພິຍ້ານ.

​ໃນໂອກາດດຽວກັນ ທ່ານ ປອ. ສີນລະວົງ ຄຸດໄພທູນ, ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ ກໍ່ໄດ້ສະແດງຄວາມຂອບອົກຂອບໃຈ ຕໍ່ກັບທຸກພາກສ່ວນທີ່ເຫັນໄດ້ຄວາມໝາຍ,ຄວາມສຳຄັນ ຕໍ່ວຽກງານສະກັດກັ້ນ ແລະ ຕ້ານການແຜ່ລະບາດພະຍາດໂຄວິດ-19 ໃນຄັ້ງນີ້ ພ້ອມທັງອວຍພອນໄຊ ໃຫ້ກັບທຸກພາກສ່ວນຈົ່ງມີສຸຂະພາບແຂງແຮງ,ທຸລະກິດຈະເລີນກ້າວໜ້າ ແລະ ປອດໄພຈາກພະຍາດໂຄວິດ 19 ທ່ານຍັງໄດ້ກ່າວຕື່ມອີກວ່າສຳລັບ​ເງິນ ​ແລະ ອຸປະກອນ​ດັ່ງກ່າວ​ແມ່ນ​ຈະ​ໄດ້​ນໍາ​ໃຊ້​ເຂົ້າ​ໃນ​ວຽກ​ງານ​ສະກັດ​ກັ້ນ ​ແລະ ປ້ອງ​ກັນພະຍາດ​ ໂຄວິດ-19 ​​ໃຫ້​ມີ​ຜົນ​ປະ​ໂຫຍ​ດສູງ​ສຸດພ້ອມທັງ​ມອບ​ໃບ​ຍ້ອງຍໍ ​ໃຫ້​ບັນດາ​ພາກສ່ວນ​ຕ່າງໆ ​ເພື່ອ​ເປັນ​ການ​ລາ​ລຶກບຸນຄຸນ.

Off

Comments are closed.