29th May2021

ສູນປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດ ນຳເຄື່ອງທີ່ໄດ້ຮັບຈາກ 3 ພາກສ່ວນ ມອບໃຫ້ຜູ້ເຂົ້າປິ່ນປົວ

by somchan

ໃນວັນທີ 26 ພຶດສະພາ 2021 ພັຕ ທະນົງສັກ ວົງໄກ່ສອນ ຮອງຫົວໜ້າສູນປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດ ຫ້ອງຕຳຫຼວດ ປກສ ນວ, ພ້ອມດ້ວຍຄະນະ  ໄດ້ມອບເຄື່ອງທີ່ໄດ້ຮັບຈາກ 3 ພາກສ່ວນ ມູນຄ່າ 29.650.000 ກີບ ໃຫ້ຜູ້ທີ່ປິ່ນປົວຢູ່ສູນສົມສະຫງ່າ ໃນໄລຍະສະກັດກັ້ນການແຜ່ລະບາດພະຍາດໂຄວິດ-19.

ພັຕ ທະນົງສັກ ວົງໄກ່ສອນ ໃຫ້ຮູ້ວ່າ: ເຄື່ອງທີ່ໄດ້ມອບປະກອບມີ: ແປ້ງນົວ 50 ໂລ, ນ້ຳຕານ 100 ໂລ, ນ້ຳປາ 12 ແກັດ, ນໍ້າມັນພຶດ 5 ແກັດ, ສະອິວ 12 ແກັດ, ໝີ່ 200 ແກັດ, ນໍ້າດື່ມ 100 ແພັກ, ເຂົ້າສານ 20 ເປົາ, ເກື່ອ 100 ໂລ, ປ໋ອງປາ 140 ແພັກ, ນໍ້າຢາລ້າງຫ້ອງນໍ້າ 27 ຕຸກ, ນໍ້າຢາລ້າງຈານ 27 ຕຸກ ເຄື່ອງທີ່ນຳມາມອບໃນຄັ້ງນີ້ ແມ່ນໄດ້ຈາກການອຸປະຖຳຂອງ 3 ພາກສ່ວນມີສະມາຄົມນັກທຸລະກິດຍິງ ແຫ່ງຊາດ, ສະມາຄົມຫັດຖະກໍາລາວ ແຫ່ງຊາດ ແລະ ສະມາຄົມນັກຂ່າວ ແຫ່ງຊາດ ເພື່ອມອບໃຫ້ຜູ້ທີ່ເຂົ້າມາບຳບັດ ແລະ ປິ່ນປົວຢູ່ສູນ ໄດ້ມີອາຫານ, ເຄື່ອງໃຊ້ທີ່ຈຳເປັນຫຼາຍຂຶ້ນກວ່າເກົ່າ ໂດຍສະເພາະແມ່ນຜູ້ທີ່ຍາດຢູ່ຫ່າງໄກ ແລະ ຂາດຍາດ ທັງເປັນການແບ່ງເບົາໃນວຽກງານປ້ອງກັນຄວາມສະຫງົບ ໃນໄລຍະຄວບຄຸມ, ປ້ອງກັນ ແລະ ສະກັດກັ້ນການແຜ່ລະບາດພະຍາດໂຄວິດ-19.

Off

Comments are closed.