29th May2021

ສປປ ລາວ ພົບຜູ້ຕິດເຊື້ອໂຄວິດ-19 ເພີ່ມ 3 ຄົນ

by somchan

ດຣ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກ ໄດ້ຕາງໜ້າກອງເລຂາຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ຖະແຫຼງຂ່າວສະພາບການການລະບາດຂອງພະຍາດ  COVID-19  ຢູ່ ສປປ ລາວ ໃນວັນທີ 29 ພຶດສະພາ 2021 ວ່າ:ຜ່ານການກວດວິເຄາະຫາເຊື້ອພະຍາດໂຄວິດ-19 ຈາກການເກັບຕົວຢ່າງກຸ່ມສ່ຽງໃນຂອບເຂດທົ່ວປະເທດ ໃນວັນທີ 28 ພຶດສະພາ 2021 ມີທັງຫມົດ 2216 ຕົວຢ່າງ; ພົບມີຜູ້ຕິດເຊື້ອໃຫມ່ເພີ່ມ 3 ຄົນ; ໃນນັ້ນ ຢູ່ນະຄອນຫຼວງວຽງຈັນ 1 ຄົນ, ຈຳປາສັກ 1 ຄົນ, ສະຫວັນນະເຂດ 1 ຄົນ ປະຈຸບັນ ທົ່ວປະເທດ ມີຜູ້ຕິດເຊື້ອສະສົມ  1,908   ຄົນ ເສຍຊີວິດ 3 ຄົນ, ໃນນະຄອນຫລວງວຽງຈັນມີບ້ານສີແດງທັງຫມົດ 26 ບ້ານ ຢູ່ໃນ 7 ເມືອງ.

ໂອກາດນີ້ ທ່ານ ນາງ ວັນມະນີ ພິມມະສານ ຫົວໜ້າພະແນກອຸດສາຫະກໍາ ແລະ ການຄ້າ ນະຄອນຫຼວງວຽງຈັນ ໄດ້ລາຍງານກ່ຽວກັບ ການຈັດຕັ້ງປະຕິບັດ ມາດຕະການປອ້ງກັນ ແລະ ຄວບຄຸມພະຍາດໂຄວິດ -19 ຢູ່ຫົວໜ່ວຍທຸລະກິດ ໂຮງຈັກໂຮງງານ ແລະ ຕະຫຼາດໃນນະຄອນຫຼວງວຽງຈັນ

Off

Comments are closed.