30th May2021

ປກສ ກຸ່ມວັງຊາຍ ສົມທົບແໜ້ນກັບອໍານາດການປົກຄອງບ້ານໜອງໜ່ຽງລົງແກ້ໄຂກຸ່ມຫຼິ້ນການພະນັນ ແລະ ມົ້ວສຸມຢາເສບຕິດ

by somchan

ວັນທີ 28 ພຶດສະພາ 2021, ພັທ ບົວຜັນ ພິພັກຂະວົງ ຮອງຫົວໜ້າ ປກສ ກຸ່ມ 5 ວັງຊາຍ ໄດ້ນໍາພາກໍາລັງ ປກສ-ປກຊ ສົມທົບກັບ ອໍານາດການປົກຄອງບ້ານໜອງໜ່ຽງ ເມືອງໄຊເຊດຖາ ນະຄອນຫຼວງວຽງຈັນ ລົງເຜີຍແຜ່ແຈ້ງການຂອງເຈົ້າຄອງນະຄອນຫຼວງວຽງຈັນເລກທີ02, ໃຫ້ປະຊາຊົນຮັບຮູ້, ເຂົ້າໃຈ ແລະ ພ້ອມກັນຈັດຕັ້ງປະຕິບັດ; ມາຮອດເຂດ ບ້ານໜອງໜ່ຽງໜ່ວຍ 2, ພົບເຫັນ ກຸ່ມຄົນຈຳນວນ 8 ຄົນ, ກຳລັງມົ້ວສຸມຫຼິ້ນການພະນັນ (ປິ່ງໂກ້) ຈຶ່ງໄດ້ເຊີນພວກກ່ຽວຂຶ້ນມາຫ້ອງການບ້ານໜອງໜ່ຽງ ເພື່ອສຶກສາອົບຮົມກ່າວເຕືອນ ແລະ ເຮັດບົດບັນທຶກໃຫ້ຢຸດເຊົາ; ພ້ອມນີ້ຍັງພົບເຫັນກຸ່ມມົ້ວສຸມເສບຢາເສບຕິດ ຢູ່ເຮືອນໃກ້ຄຽງ, ເຈົ້າໜ້າທີ່ຈຶ່ງໄດ້ເຂົ້າຄຸມຕົວມາສອບສວນ, ຈໍານວນ 3 ຄົນ, ພ້ອມຢາບ້າ 2 ເມັດ.

ພັທ ບົວຜັນ ພິພັກຂະວົງ ໃຫ້ຮູ້ວ່າ: ຜ່ານການເອົາຄຳໃຫ້ການເບື້ອງຕົ້ນ ພວກກ່ຽວທັງ 3 ແມ່ນຮັບສາລະພາບວ່າ: ໄດ້ຊື້ຢາເສບຕິດມາເສບແທ້ ເຈົ້າໜ້າທີ່ຈຶ່ງໄດ້ນໍາສົ່ງຕົວພວກກ່ຽວທັງ 3 ຄົນ ໄປສູນກັກກັນໂຄວິດ-19 ໂພນພະເນົາ ແລະ ດຳເນີນສືບສວນ-ສອບສວນ ເພີມເຕີມ ຫາກຸ່ມແກ້ງຮ່ວມຂະບວນການມາດຳເນີນຄະດີຕາມກົດໝາຍ.

 

Off

Comments are closed.