30th May2021

ຊົມເຊີຍພົນລະເມືອງດີ ຈິງໃຈແຈ້ງຂໍ້ມູນ ຈົນສາມາດຈັບຕົວຜູ້ມົ້ວສຸມຢາເສບຕິດໄດ້

by somchan

ໃນວັນທີ 28 ພຶດສະພາ 2021, ປກສ ກຸ່ມ 5 ວັງຊາຍ ເມືອງໄຊເຊດຖາ ນະຄອນຫຼວງວຽງຈັນໄດ້ຮັບການແຈ້ງຄວາມຈາກພົນລະເມືອງດີ ວ່າມີພວກມົ້ວສຸມຢາເສບຕິດຢູ່ເຂດບ້ານແສງສະຫວ່າງ, ດັ່ງນັນ ທາງປກສ ກຸ່ມ 5 ວັງຊາຍ ໄດ້ສົມທົບກັບ ປກສ-ກອງຫຼອນ ບ້ານແສງສະຫວ່າງ ລົງເກັບກຳຂໍ້ມູນ ແລະ ເຂົ້າກັກຕົວຊາຍຄົນໜຶ່ງກຳລັງເສບຢາ, ພ້ອມຂອງກາງຢາບ້າ 41 ເມັດ.

ພັຕ ຄໍາປາຄອງ ວໍລະຈັກ ຮອງຫົວໜ້າ ປກສ ກຸ່ມ 5 ວັງຊາຍ ໃຫ້ຮູ້ວ່າ: ຜ່ານການເອົາຄຳໃຫ້ການເບື້ອງຕົ້ນຜູ້ຖືກຫາແມ່ນ ທ້າວ ອານົນ ອາຍຸ 35 ປີ, ກໍາມະກອນ ພັກເຊົາຢູ່ຫ້ອງແຖວບ້ານແສງສະຫວ່າງ, ປະຈຸບັນໄດ້ນຳສົ່ງໃຫ້ ປກສ ເມືອງໄຊເສດຖາ ດຳເນີນຄະດີຕາມກົດໝາຍ.

 

Off

Comments are closed.