30th May2021

ສຶກສາອົບຮົມ ເຈົ້າຂອງກິດຈະການເດີ່ນບານເຕະ ທີ່ລະເມີດຄໍາສັ່ງເລກທີ 15/ນຍ

by somchan

ໃນວັນທີ 28 ພຶດສະພາ 2021 ປກສ ກຸ່ມທ່າງ່ອນສົມທົບກັບເຈົ້າໜ້າທີ່ ສະຖານີຮັບແຈ້ງ ແລະ ແກ້ໄຂເຫດສຸກເສີນ 1191 ດອນຕິ້ວ ແລະ ອໍານາດການປົກຄອງບ້ານອຸດົມຜົນ ເມືອງໄຊທານີ ນະຄອນຫຼວງວຽງຈັນ ລົງເຮັດບົດບັນທຶກກ່າວຕັກເຕືອນ, ສຶກສາອົບຮົມເຈົ້າຂອງເດີ່ນບານເຕະ ຢູ່ເຂດບ້ານອຸດົມຜົນ ທີ່ລະເມີດຄໍາສັ່ງເລກທີ15/ນຍ ແລະ ແຈ້ງການເລກທີ 02/ຈນວ.

ພັທ ຈັນເພັງ ແກ້ວປະເສີດ ຮອງຫົວຫນ້າກອງບັນຊາການ ປກສ ເມືອງໄຊທານີ ໃຫ້ຮູ້ວ່າ: ພາຍຫລັງໄດ້ຮັບແຈ້ງຈາກປະຊາຊົນ ຈຶ່ງໄດ້ມອບໃຫ້ ປກສ ກຸ່ມ ສົມທົບກັບພາກສ່ວນກ່ຽວຂ້ອງລົງກວດກາ ພົບເຫັນເດີ່ນບານເຕະດັ່ງກ່າວເປີດໃຫ້ບໍລິການ ຈຶ່ງໄດ້ສຶກສາອົບຮົມກ່າວເຕືອນ ເນື່ອງຈາກວ່າການຫຼິ້ນກິລາບານເຕະທີ່ມີຄົນຈໍານວນຫຼາຍ ແມ່ນມີຄວາມສ່ຽງສູງໃນການແຜ່ລະບາດຂອງພະຍາດໂຄວິດ -19 ແລະ ຍັງໄດ້ຮຽກຮ້ອງໃຫ້ບັນດາຜູ້ປະກອບການ, ຫົວຫນ່ວຍທຸລະກິດ ຈົ່ງເອົາໃຈໃສ່ປະຕິບັດຄໍາສັ່ງເລກທີ 15/ນຍ ແລະ ແຈ້ງການ ເລກທີ 02/ຈນວ ກ່ຽວກັບການເພີ່ມທະວີມາດຕະການປ້ອງກັນຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດໂຄວິດ -19 ເພື່ອບໍ່ເຮັດໃຫ້ພະຍາດດັ່ງກ່າວລະບາດຢູ່ພາຍໃນເມືອງໄຊທານີອອກເປັນວົງກ້ວາງ .

 

Off

Comments are closed.