31st May2021

ຄະນະສະເພາະກິດເມືອງຫາດຊາຍຟອງ  ລົງເກັບກຳຂໍ້ມູນຜູ້ທີ່ມີຄວາມສ່ຽງຢູ່ບ້ານສົມຫວັງໃຕ້

by somchan

ວັນທີ 29 ພຶດສະພາ 2021 ໜ່ວຍສະເພາະກິດເມືອງຫາດຊາຍຟອງ ນຳໂດຍທ່ານ ຖາວອນ ສີຫາມາຍາ ຮອງເຈົ້າເມືອງຫາດຊາຍຟອງ ນະຄອນຫຼວງວຽງຈັນ ພ້ອມດ້ວຍ ຫ້ອງຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ກອງບັນຊາການ ປກສ ນະຄອນຫຼວງວຽງຈັນ ແລະ ໜ່ວຍສະເພາະກິດ ກອງບັນຊາການ ປກສ ເມືອງຫາດຊາຍຟອງລົງເກັບກຳຂໍ້ມູນຢູ່ບ້ານ ສົມຫວັງໃຕ້ ຊຶ່ງເປັນບ້ານພື້ນທີ່ສີແດງທີ່ມີຄົນຕິດເຊື້ອໂຄວິດ-19.

ຜ່ານການຈັດຕັ້ງປະຕິບັດສາມາດຮູ້ໄດ້ວ່າ: ພາຍໃນບ້ານມີຜູ້ຕິດເຊື້ອທັງໝົດ 3 ຄົນ, ຍິງ 2 ຄົນ, ສາມາດເກັບກໍາຂໍ້ມູນຜູ້ທີ່ຢູ່ໃນກຸ່ມສ່ຽງທີ່ໃກ້ຊິດ ຈໍານວນ 19 ຄົນ, ຍິງ 16 ຄົນ; ໃນຈໍານວນດັ່ງກ່າວແມ່ນໄດ້ສຶກສາອົບຮົມໃຫ້ພວກກ່ຽວເຂົ້າໄປເກັບຕົວຢ່າງ, ກວດກາຫາເຊື້ອ ພ້ອມທັງເຂົ້າສູ່ຂະບວນການປິ່ນປົວ.

ໃນໂອກາດນີ້ ທ່ານ ຮອງເຈົ້າເມືອງຫາດຊາຍຟອງ ໄດ້ເນັ້ນໜັກໃຫ້ອຳນາດການປົກຄອງບ້ານສືບຕໍ່ປ້ອງກັນເວນຍາມ,  ໃຫ້ປະຕິບັດຕາມຄໍາແນະນໍາຂອງຄະນະສະເພາະກິດວາງອອກຢ່າງເຂັ້ມງວດ ເພື່ອເປັນການຄວບຄຸມ, ສະກັດກັ້ນບໍ່ໃຫ້ມີການແຜ່ລະບາດຂອງເຊື້ອພະຍາດຂະຫຍາຍເປັນວົງກວ້າງ.

 

Off

Comments are closed.