31st May2021

ມູນນິທິຮ່ວມໃຈ ມອບເຄື່ອງປ້ອງກັນ ໂຄວິດ-19 ໃຫ້ກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ

by somchan

ໃນ​ວັນ​ທີ 28 ພຶດສະພາ 2021 ມູນ​ນິທິ​ຮ່ວມ​ໃຈ ໄດ້​ນຳ​ເອົາ​ຜ້າ​ອັດ​ປາກ-ດັງ, ​ເຈວລ້າງ​ມື, ສະ​ເປ​ຂ້າ​ເຊື້ອ, ​ເຫລົ້າ 90 ລວມມູນ​ຄ່າ 22 ລ້ານ​ກວ່າກີບ, ມາ​ມອບ​ໃຫ້​ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ​ເພື່ອ​ນຳ​ໃຊ້​ເຂົ້າ​ໃນ​ການ​ຕ້ານ ​ແລະ ສະກັດ​ກັ້ນ​ພະຍາດ​ໂຄ​ວິດ-19, ຕາງໜ້າ​ໃຫ້​ມູນ​ນິທິ ມອບ​ໂດຍ​ ທ່ານ ນາງ ດາລາ​ນີ ພົມມະ​ວົງສາ ຫົວໜ້າກົມ​ຄຸ້ມຄອງ​ການ​ທ່ອງ​ທ່ຽວ ​ແລະຮັບ​ໂດຍ​ ທ່າ​ນ ສະຫວັນ​ຄອນ ລາ​ຊະ​ມຸນຕີ ຮອງລັດຖະມົນຕີ​ກະຊວງຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ​ໂດຍ​ມີ​ພາກສ່ວນ​ກ່ຽວ​ຂ້ອງ​​ທັງ​ສອງ​ຝ່າຍ ​ເຂົ້າ​ຮ່ວມ​ເປັນ​ສັກຂີ​ພິຍານ.

ໂອກາດນີ້ທ່າ​ນ ສະຫວັນ​ຄອນ ລາ​ຊ​ະມຸນຕີ ​ໄດ້​ສະ​ແດງ​ຄວາມ​ຂອບ​ໃຈ ຕໍ່​ມູນ​ນິທິ​ຮ່ວມ​ໃຈ ທີ່​ເຫັນ​ໄດ້​ຄວາມ​ສຳຄັນ ນຳ​ເອົາ​​ເຄື່ອງ​ຊ່ວຍ​ເຫລືອ​ ຕ້ານ​ໂຄ​ວິດ-19 ມາ​ມອບ​ໃຫ້​ໃນ​ຄັ້ງ​ນີ້, ພ້ອມ​ທັງ​ຢືນຢັນຈະ​ນຳ​ເອົາ​​ເຄື່ອງຊ່ວຍ​ເຫ​ລື​ອດັ່ງກ່າວ ​ໄປ​ນຳ​ໃຊ້​ໃຫ້​ເກີດ​ຜົນ​ປະ​ໂຫຍ​ດສູງ​ສຸດ ​ເພື່ອ​ຕ້ານ ​ແລະ ສະກັດ​ກັ້ນ ການ​ແຜ່ລະບາດ​ ຂອງ​ພະຍາດ​ໂຄ​ວິດ-19 ຢູ່ ສປປ ລາວ ​ໃຫ້​ຫລຸດ​ລົງ ​ແລະ ກັບ​ຄືນ​ສູ່​ສະພາບ​ປົກກະຕິ​ໂດຍ​ໄວ. ​ເວົ້າ​ລວມ, ​ເວົ້າ​ສະ​ເພາະ ນຳ​ໃຊ້​ຢູ່ກະຊວງຖະ​ແຫລ​ງຂ່າວ, ວັດທະ​ນະ​ທຳ ​ແລະ ທ່ອງ​ທ່ຽວ ​ແນ​ໃສ່​ເຮັດ​ໃຫ້​ພະນັກງານ​ ພາຍ​ໃນ​ກະຊວງ ປາສະ​ຈາກ ​ແລະ ປອດ​ໄພຈາກ​ພະຍາດ​ໂຄ​ວິດ-19.

 

Off

Comments are closed.