31st May2021

ເມືອງສັງທອງ ນະຄອນຫຼວງວຽງຈັນ ເພີ່ມມາດຕະການເພື່ອຮັກສາພື້ນທີ່ສີຂຽວ

by somchan

ເພື່ອປ້ອງກັນບໍ່ໃຫ້ພະຍາດໂຄວິດ-19 ມາລະບາດພາຍໃນເມືອງ ເຮັດໃຫ້ເມືອງສັງທອງ ຮັກສາໄດ້ພື້ນທີ່ສີຂຽວນັນ ຄະນະສະເພາະກິດຂັ້ນເມືອງໄດ້ເພີ່ມມາດຕະການກວດກາ ສະກັດກັ້ນ, ຄວບຄຸມ ປ້ອງກັນແຜ່ລະບາດຂອງພະຍາດໂຄວິດ -19 ໂດຍປະຕິບັດຄໍາສັ່ງເລກທີ 15/ນຍ, ແຈ້ງການເລກທີ 528/ຫສນຍ ແລະ ແຈ້ງການເລກທີ 02/ຈນວ ເພື່ອໃຫ້ປະຊາຊົນທີ່ຢູ່ພື້ນທີ່ສີຂຽວມີສະຕິລະວັງຕົວ ປ້ອງກັນການແຜ່ລະບາດຂອງພະຍາດໂຄວິດ-19.

ເພື່ອສືບຕໍ່ປ້ອງກັນ, ສະກັດກັ້ນ ຄະນະສະເພາະກິດຂັ້ນເມືອງຈິງໄດ້ເພີ່ມຈຸດຕັ້ງດ່ານກວດກາອີກ 1 ຈຸດ ຢູ່ທີ່ຂອບເຂດຄ້ອຍແລນມານ ຊາຍແດນລະຫວ່າງເມືອງສີໂຄດຕະບອງ ຫາ ເມືອງສັງທອງນະຄອນຫຼວງວຽງຈັນ ລວມເປັນ 3 ຈຸດໃຫຍ່ ໄດ້ມີການອອກກວດກາລາດຕະເວນຕະຫຼອດ 24 ຊົ່ວໂມງ ທັງທາງບົກ ແລະ ທາງນໍ້າໂດຍສົມທົບກັບທະຫານຊາຍແດນ. ໃນນີ້, ໄດ້ລົງສົມທົບກວດກາຄືນການນຳໃຊ້ເຮືອໃນ 13 ບ້ານ, ເຂດຊາຍແດນແມ່ນ້ຳຂອງຈໍານວນ 482 ລໍາ, ພ້ອມທັງໄດ້ມອບໃຫ້ນາຍບ້ານ ປກສ-ກອງຫຼອນ ພະນັກງານປະຈຳບ້ານຕິດຕາມການນຳໃຊ້ເຮືອຕະຫຼອດ 24 ຊົ່ວໂມງ. ກວດກາສຶກສາອົບຮົມກ່າວເຕືອນບັນດາຄອບຄົວ-ບຸກຄົນ, ຫ້າງຮ້ານ ແລະ ສະຖານທີ່ສາທາລະນະຕ່າງໆທີ່ຍັງມີການຊຸມແຊວ ບໍ່ປະຕິບັດຄໍາສັ່ງ, ແກ້ໄຂປະກົດການຫຍໍ້ທໍ້ທີເກີດຂື້ນຢ່າງຮີບດ່ວນວ່ອງໄວທັນການເພື່ອຮັບປະກັນໄດ້ຄວາມສະຫງົບ ແລະ ເປັນລະບຽບຮຽບຮ້ອຍ.

 

Off

Comments are closed.