01st Jun2021

ປກສ ກຸ່ມສີຖານສຶກສາອົບຮົມຜູ້ລະເມີດ

by somchan

ວັນທີ 30 ພຶດສະພາ 2021 ປກສ ກຸ່ມ ສີຖານ ເມືອງສີໂຄດຕະບອງ ສົມທົບກັບ ປກສ ບ້ານ ນາຄຳ ເມືອງສີໂຄດຕະບອງ ນະຄອນຫຼວງວຽງຈັນ ໄດ້ສືບຕໍ່ເອົາໃຈໃສ່ກວດກາຂອບເຂດພື້ນທີ່ຄວາມຮັບຜິດຊອບຂອງຕົນ ເພື່ອຮັກສາຄວາມສະຫງົບ ຄວາມເປັນລະບຽບຮຽບຮ້ອຍ, ຜ່ານການກວດກາຕົວຈິງ ເຫັນໄດ້ວ່າ ຍັງມີກຸ່ມຄົນຈໍານວນໜຶ່ງ ທີ່ພັກເຊົ່າຢູ່ຫ້ອງແຖວ ເຂດບ້ານ ນາຄຳ ຍັງມີການຕັ້ງວົງຊຸມແຊວເຫຼົ້າ, ເບຍ ກັນເປັນກຸ່ມທັງໝົດມີ 6 ຄົນ ຍິງ 2 ຄົນ ຊາຍ 4 ຄົນ ເປັນຄົນສັນຊາດຈີນເຊິ່ງການກະທຳດັ່ງກ່າວ ເປັນການລະເມີດ ຄຳສັ່ງ ເລກທີ 15 /ນຍ  ແລະ ແຈ້ງການ ເລກທີ 02/ຈນວ. ກ່ຽວກັບການເພີ່ມທະວີມາດຕະການປ້ອງກັນ ຄວບຄຸມ, ສະກັດກັ້ນ ແລະ ແກ້ໄຂການລະບາດຂອງພະຍາດ ໂຄວິດ 19 ຢູ່ນະຄອນຫຼວງວຽງຈັນ ໄລຍະວັນທີ 21 ພຶດສະພາ ຫາ 4 ມີຖຸນາ 2021.

ຕໍ່ການປະພຶດຂອງພວກກ່ຽວ ເຈົ້າໜ້າທີ່ ປກສ ກຸ່ມສີຖານ ໄດ້ເຮັດບົດບັນທຶກສຶກສາອົບຮົມຕໍ່ຜູ້ມາພັກເຊົ່າຈຳນວນ 6 ຄົນ ໃຫ້ພວກກ່ຽວຢຸດເຊົ່າພຶດຕິກຳດັ່ງກ່າວ ແລະ ໄດ້ແນະນຳໃຫ້ພວກກ່ຽວຈົ່ງໃຫ້ການຮ່ວມມື ແລະ ປະຕິບັດຄຳສັ່ງ, ແຈ້ງການຢ່າງເຂັ້ມງວດ ແລະ ໄດ້ແນະນໍາໃຫ້ຜູ້ປະກອບການຫ້ອງແຖວຈົ່ງໄດ້ເອົາໃຈໃສ່ຕໍ່ການປະຕິບັດຄຳສັ່ງ, ແຈ້ງການ ຂອງຂັ້ນເທິງຢ່າງເຂັ້ມງວດ ທັງນີ້ກໍ່ເພື່ອເປັນການເຝົ້າລະວັງການແຜ່ລະບາດເຊື້ອພະຍາດໂຄວິດ 19 ທີ່ກຳລັງການລະບາດໃນສັງຄົມ.

 

Off

Comments are closed.