02nd Jun2021

ວິທະຍາຄານຕຳຫຼວດປະຊາຊົນ ກະຊວງ ປກສ ປູກຕົ້ນໄມ້

by somchan

ໃນວັນທີ 1 ມິຖຸນາ 2021 ວິທະຍາຄານຕຳຫຼວດປະຊາຊົນ ກະຊວງປ້ອງກັນຄວາສະຫງົບ, ປູກຕົ້ນໄມ້ ເນື່ອງໃນ ໂອກາດວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ນໍາໂດຍມີ ທ່ານ ພົຈວ ປອ ວົງເຊໂດນ ພັນທະແກ້ວ ຜູ້ອຳນວຍການວິທະຍາຄານຕຳຫຼວດປະຊາຊົນ ກະຊວງປ້ອງກັນຄວາມສະຫງົບ, ມີ ຄະນະພັກ, ຄະນະອຳນວຍການ, ພະນັກງານຄູ-ອາຈານ ພ້ອມດ້ວຍພະນັກງານຫຼັກແຫຼ່ງ ແລະ ນັກສຶກສາເຂົ້າຮ່ວມ.

ການປູກຕົ້ນໄມ້ຄັ້ງນີ້ ເພື່ອເປັນການສ້າງບັນຍາກາດແຫ່ງຄວາມສາມັກຄີມິດຕະພາບ ລະຫວ່າງ ພະນັກງານພາຍໃນວິທະຍາຄານຕຳຫຼວດປະຊາຊົນ ທັງເປັນການປະກອບສ່ວນ ຟື້ນຟູ ເນື້ອທີ່ດິນອ້ອມຂ້າງວິທະຍາຄານ ໃຫ້ກາຍເປັນພື້ນທີ່ສີຂຽວ ເພີ່ມຄວາມອຸດົມສົບູນໃຫ້ແກ່ທຳມະຊາດ ແລະ ກໍຍັງເປັນການຈັດຕັ້ງປະຕິບັດຄາດໝາຍດ້ານສິ່ງແວດລ້ອມ ແລະ ຍຸດທະສາດພັດທະນາ ປ່າໄມ້ ໃນການເພີ່ມທະວີການປົກຫຸ້ມປ່າໃຫ້ໄດ້ 70% ເພື່ອປົກປັກຮັກສາ ແລະ ພັດທະນາ ຊັບພະຍາກອນທຳມະຊາດ, ສິ່ງແວດລ້ອມໃຫ້ມີຄວາມອຸດົມສົມບຸນ, ກາຍເປັນອົງປະກອບທີ່ສຳຄັນ ໃນໂຄງປະກອບເສດຖະກິດແຫ່ງຊາດ ທັງເປັນການປະຕິບັດຄຳຂວັນ  ສີຂຽວ ຂອງອົງການປົກຄອງນະຄອນຫຼວງວຽງຈັນ ວາງອອກ.

ຕົ້ນໄມ້ທີ່ນຳມາປູກຄັ້ງນີ້ ປະກອບມີໄມ້ໃຫ້ໝາກ ແລະ ໄມ້ປະດັບ ພາຍຫຼັງປູກແລ້ວ ແມ່ນ ມອບໃຫ້ພາກສ່ວນກ່ຽວຂ້ອງ ປົກປັກຮັກສາ ແລະ ບົວລະບັດໃຫ້ຕົ້ນໄມ້ດັ່ງກ່າວ ເຕີບໃຫຍ່ເຕັມໄປ ດ້ວຍພື້ນທີ່ສີຂຽວ, ມີຄວາມສວຍສົດງົດງາມ ຮັກສາໄດ້ສິ່ງແວດລ້ອມ ລະບົບນິເວດວິທະຍາໃຫ້ມີຄວາມສົມດຸນ ແລະ ຍືນຍົງຕະຫຼອດໄປ.

Off

Comments are closed.