03rd Jun2021

ດ່ານສາກົນນ້ໍາໂສຍ ສ້າງຂະບວນການປູກຕົ້ນໄມ້ທົດແທນ ເນື່ອງໃນໂອກາດວັນປູກຕົ້ນໄມ້ແຫ່ງຊາດ.

by somchan

ໃນວັນທີ 01 ມີຖຸນາ 2021, ດ່ານຕຳຫຼວດກວດຄົນເຂົ້າ-ອອກເມືອງ ດ່ານສາກົນນ້ໍາໂສຍ ແຂວງຫົວພັນ ໄດ້ສ້າງຂະບວນການປູກຕົ້ນໄມ້ ເນື່ອງໃນວັນປູກຕົ້ນໄມ້ແຫ່ງຊາດ ເປັນກຽດເຂົ້າ ຮ່ວມໂດຍ ພົຈວ ແອນ ອຸ່ນອານົງນຸດ ຫົວຫນ້າກອງບັນຊາການ ປກສ ແຂວງຫົວພັນ, ມີຄະນະ ພະແນກການທີ່ກ່ຽວຂ້ອງພາຍໃນດ່ານ ແລະ ພະນັກງານ-ນັກຮົບປະຈໍາດ່ານສາກົນນ້ໍາໂສຍ ເຂົ້າ ຮ່ວມ.

ພັທ ໜູກອນ ແສງວິໄລພອນ ຫົວຫນ້າຕໍາຫຼວດກວດກາຄົນເຂົ້າ-ອອກເມືອງ ປະຈໍາດ່ານ ສາກົນນ້ໍາໂສຍໄດ້ກ່າວວ່າ: ການປູກຕົ້ນໄມ້ໃນຄັ້ງນີ້ ກໍ່ເພື່ອເປັນການສ້າງຂະບວນການ ໃນວັນປູກ ຕົ້ນໄມ້ແຫ່ງຊາດ ທີ 01 ມີຖຸນາ ເຊິ່ງຕົ້ນໄມ້ທີ່ນໍາມາປູກ ມີຈໍານວນ 100 ກວ່າຕົ້ນ ເຊິ່ງມີຕົ້ນໄມ້ໃຫ້ ຫມາກ ແລະ ຕົ້ນໄມ້ປະດັບ.

ເພື່ອເປັນການສ້າງຂະບວນການ ໃນວັນປູກຕົ້ນໄມ້ແຫ່ງຊາດ ໃຫ້ມີຄວາມຫມາຍຄວາມສໍາຄັນ ຢ່າງເລິກເຊິ່ງ, ທັງເປັນການສໍານຶກໃຫ້ພະນັກງານ-ນັກຮົບ ໃນທົ່ວດ່ານສາກົນນ້ໍາໂສຍ ມີຄວາມ ສາມັກຄີ, ພ້ອມກັນປູກຕົ້ນໄມ້ ເພື່ອທົດແທນຕົ້ນໄມ້ທີ່ສູນເສຍໄປຈາກການຕັດທໍາລາຍ ໃນແຕ່ລະ ປີ, ສ້າງ ໃຫ້ດ່ານສາກົນນ້ໍາໂສ່ຍເປັນພື້ນທີ່ສີຂຽວ ສະອາດງາມຕາ ທີ່ເຕັມໄປດ້ວຍຕົ້ນໄມ້ປົກຫຸ້ມພື້ນທີ່ ຢ່າງເປັນຮູບປະທໍາ ແລະ ຍືນຍົງຕະຫຼອດໄປ.

ໃນໂກາດດຽວກັນ ຮາກຖານຊາວຫນຸ່ມ, ຮາກຖານແມ່ຍິງ ແລະ ບັນດາຫນ່ວຍຊາວຫນຸ່ມ, ຫນ່ວຍ ແມ່ຍິງ ກອງບັນຊາການ ປກສ ແຂວງຫົວພັນ ໄດ້ປູກຕົ້ນໄມ້ທົນແທນປ່າຢູ່ທີ່ເມືອງວຽງໄຊ ແລະ ອອກແຮງງານລວມ ເພື່ອອະນາໄມສະຖານທີ່ອ້ອມຂ້າງກອງບັນຊາການ ປກສ ແຂວງຫົວພັນ ໃຫ້ມີ ຄວາມສະອາດຈົບງາມ ເນື່ອງໃນໂອກາດວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ທີ່ຫນູ ນວຽນມາອີກວາລະຫນື່ງ ໃຫ້ເຕັມໄປດ້ວຍຄວາມຫມາຍສໍາຄັນອັນເລີກເຊີ່ງ; ສໍາລັບການປູກຕົ້ນໄມ້ ໃນຄັ້ງນີ້ແມ່ນປູກຢູ່ເດີ່ນດີນປັບໃຫມ່ຂອງກອງບັນຊາການ ປກສ ເມືອງວຽງໄຊ ທັງນີ້ກໍ່ເພື່ອເປັນ ການສ້າງຂະບວນການໃຫ້ມີບັນຍາກາດຟົດຟື້ນກ້ວາງຂວາງ ນໍາພາ ໂດຍ ພັຕ ນາງ ອຸດ ບຸນມີໄຊ ຄະນະຮາກຖານແມ່ຍິງ ປກສ ແຂວງຫົວພັນ ຕະຫຼອດຮອດຫນ່ວຍຊາວຫນຸ່ມ ຫນ່ວຍແມ່ຍິງ ແລະ ສະມາຊິກຊາວຫນຸ່ມ ແມ່ຍິງທົ່ວກອງບັນຊາການ ປກສ ແຂວງຫົວພັນເຂົ້າຮ່ວມ.

Off

Comments are closed.