06th Dec2013

ສປປ ລາວເປັນເຈົ້າພາບຈັດກອງປະຊຸມເຈົ້າ ໜ້າທີ່ອາວຸໂສກົດໝາຍອາຊຽນຄັ້ງທີ 15

by somchan

ກອງປະຊຸມເຈົ້າໜ້າທີ່ອາວຸໂສກົດໝາຍອາຊຽນ ຄັ້ງທີ15ໄດ້ໄຂຂື້ນຢ່າງເປັນທາງການໃນວັນທີ 4-5 ທັນວາ 2013ທີ່ໂຮງແຮມລາວພລາຊານະຄອນ ຫຼວງວຽງຈັນໂດຍການເປັນປະທານຂອງທ່ານ ສຈ ເກດ ກຽດຕິສັກ ລັດຖະມົນຕີຊ່ວຍວ່າການກະຊວງ ຍຸດຕິທຳ,ມີຜູ້ແທນຈາກກະຊວງຍຸດຕິທຳ,ອົງການໄອຍະການ ສູງສຸດແລະສານ ຂອງບັນດາປະເທດສະມາຊິກອາ ຊຽນ 10 ປະເທດເຂົ້າຮ່ວມ.

ໃນກອງປະຊຸມ,ຄະນະຜູ້ແທນໄດ້ປຶກສາຫາລືຄວາມຄືບໜ້າຂອງວຽກງານຕ່າງໆທີ່ໄດ້ປະຕິບັດກັນມາຢ່າງຕໍ່ເນື່ອງ ເຊັ່ນ:ການຊ່ວຍເຫຼືອເຊີ່ງກັນແລະກັນທາງດ້ານກົດໝາຍໃນ ເລື່ອງຄະດີອາຍາຂອງບັນດາປະເທດສະມາຊິກອາຊຽນ,ປຶກສາຫາລືສົນທິສັນຍາວ່າດ້ວຍການສົ່ງຜູ້ຮ້າຍຂ້າມແດນ,ການສ້າງຄວາມເຂັ້ມແຂງໃນການຊ່ວຍເຫຼືອເຊີ່ງກັນແລະກັນທາງດ້ານກົດໝາຍແພ່ງແລະກົດໝາຍການຄ້າລະ ຫວ່າງບັນດາປະເທດສະມາຊິກອາຊຽນແລະບັນຫາສຳຄັນອື່ນໆທີ່ກ່ຽວຂ້ອງກັບກົດໝາຍກໍ່ໄດ້ຍົກຂື້ນມາປຶກສາ ຫາລືແລະແລກປ່ຽນບົດຮຽນນຳກັນ.

ກອງປະຊຸມນີ້,ຈັດຂື້ນໂດຍສືບເນື່ອງມາຈາກກອງປະຊຸມເຈົ້າໜ້າທີ່ອາວຸໂສກົດໝາຍອາຊຽນຄັ້ງທີ 14 ແລະປະຕິບັດຕາມການມອບໝາຍຈາກກອງປະຊຸມລັດຖະມົນຕີອາຊຽນຄັ້ງທີ 9 ທີ່ຈັດຂື້ນຢູ່ນະຄອນຫຼວງພະນົມເປນ ຣາຊະອານາຈັກກຳປູເຈຍ ໃນປີ 2011 ນອກນັ້ນ,ກອງປະຊຸມຍັງໄດ້ພິຈາລະນາວັນ,ເວລາ ແລະ ສະຖານທີ່ການຈັດກອງປະຊຸມລະດັບເຈົ້າໜ້າທີ່ອາວຸໂສກົດໝາຍອາຊຽນຄັ້ງຕໍ່ໄປແລະພິຈາລະນາຮັບຮອງເອົາບົດບັນທຶກກອງປະຊຸມຄັ້ງນີ້ອີກດ້ວຍ ເຊີ່ງກອງປະຊຸມດັ່ງກ່າວຈະຈັດຂື້ນທຸກໆ 2 ປີ ໂດຍບັນດາປະເທດສະມາຊິກອາຊຽນຈະໄດ້ຜັດປ່ຽນກັນເປັນເຈົ້າພາບຕາມເງື່ອນໄຂຂອງແຕ່ລະປະເທດ.

Off

Comments are closed.