04th Jul2014

ປກສ ແຂວງ ອຸດົມໄຊ ຈັບພວກຄ້າຂາຍຂົນສົ່ງຢາເສບຕິດພ້ອມທັງຢຶດຢາເສບຕິດໄດ້ 200 ກ່ວາກິໂລ

by somchan

​ໃນ​ທ້າຍ​ເດືອນ ມິຖຸນາ ຜ່ານ​ມາ​ນີ້ ​ເຈົ້າໜ້າ​ທີ​ຕຳຫຼວດ  ​ພະ​ແນ​ກກສະກັດ​ກັ້ນ ​ແລະ ຕ້ານ​ຢາ​ເສບ​ຕິດ  ປກສ ​ແຂວງ​ອຸດົມ​ໄຊ ​ໄດ້​ຈັບ​ຕົວ​ຜູ້​ຕ້ອງ​ຫາ​ຂົນ​ ສົ່ງ​ຢາ​ເສບ​ຕິດ​ໄດ້​ 2 ຄົນ ​​ພ້ອມ​ຂອງ​ກາງ​ປະ​ເພດ​ຢາ​ ບ້າ​ 873 ມັດ ​ເທົ່າ​ກັບ194 Kg ​ແລະ ​ເຮ​ໂລ​ອິນຈຳນວນ 99 ​ແທ່ງ ກັບ​ອີກ 1 ກິ່ງ ​ເທົ່າ​ກັບ 37 Kg.  ຜູ້​ຕ້ອງ​ຫາ​ທັງ​ສອງຄື:ທ້າວ ສຸກ​ສະຫວັດ ​ໄຊ​ຍະ​ວົງ ອາຍຸ 24 ປີ ຢູ່​ບ້ານ ນ້ຳ​ເກິ່ງ​ໃໝ່ ​

 ​ແລະ ທ້າວ ຊາຍ​ຄອນ ພອນ​ປະດິດ ອາຍຸ 28 ປີ ຢູ່​ບ້ານ ຫ້ວຍຊາຍ​ໃຕ້ ​ເມືອງ ຫ້ວຍ​ຊາຍ ​ແຂວງ ບໍ່​ແກ້ວ. ພວກ​ກ່ຽວ​ໄດ້​ຂັບ​ຂີ່ ລົດ​ວີ​ໂກ້ ສີ​ປອນ​ເງີ​ນ ໝາຍ​ເລກ​ທະບຽນ ກຕ 2838 ​ກຳ​ແພງ​ນະຄອນ  ​ແລະ ລົດ​ບັນທຸກ​ຫີນ​ຊາຍສີຟ້າ​ຍີ່​ຫໍ້ ອີ​ຊຸ​ຊຸ ໝາຍ​ເລກ​ທະບຽນ ບຂ 0056 ກໍາ​ແພງ​ນະຄອນ. ​​ເຈົ້າໜ້າ​ທີ​ຕຳຫຼວດ​ໄດ້ກວດຄົ້ນລົດ​ທັງ​ສອງ​ຄັນ​ຈຶ່ງ​ພົບ​ເຫັນ​ຂອງ​ກາງ​ຢາ​ເສບ​ຕິດ​ດັ່ງກ່າວ. ຜ່ານການ​ສືບສວນ-​ສອບ​ສວນ ພວກ​ກ່ຽວ​ທັງ​ສອງ​ໄດ້​ຮັບ​ສາລະພາບ​ວ່າ: ຢາ​ເສບ​ຕິດ​ຈຳນວນ​ດັ່ງກ່າວ ​ແມ່ນ​ຮັບຈ້າງ​ຂົນ​ສົ່ງ​ໃຫ້​ກັບ​ພໍ່ຄ້າ​ຜູ້​ໜຶ່ງ ( ບໍ່​ຮູ້​ຊື່ ) ​ເປັນ​ຄົນ​ປະ​ເທດ​ມຽນມາ ​​ນຳ​ມາ​ພັກ​ໄວ້​ຢູ່​ເມືອງ​ປາກ​ແບ​ງ ​ແຂວງ ອຸດົມ​ໄຊ ​ເພື່ອລໍຖ້າ​ການ​ສົ່ງ​ຕໍ່ອີກ​ເທື່ອ​ໜຶ່ງ ​ໂດຍ​ໄດ້​ຮັບ​ຄ່າ​ຂົນ​ສົ່ງ​ເປັນ​ເງີ​ນ 1 ​ແສນ​ບາດ.

 ປະຈຸ​ບັນ​ທາງ​ເຈົ້າໜ້າ​ທີ​​ໄດ້​ກັກ​ຕົວພວກ​ກ່ຽວ​ທັງ​ສອງ​ຄົນ ​ແລະ ພາຫະນະ​ຂົນ​ສົ່ງ​ຢາ​ເສບ​ຕິດດັ່ງກ່າວ​ໄວ້ ​ດຳ​ເນີນ​ຄະດີ​ຕາມ​ລະບຽບ​ກົດໝາຍ.

ຢາເສບຕິດ ແຂວງ ອຸດົມໄຊ

Off

Comments are closed.