10th Oct2014

ເລຂາທິການໃຫ່ຍ ພົບປະໂອ້ລົມການນຳ ຂັ້ນສູງກະຊວງ ປກສ.

by somchan

ພະນະ​ທ່ານ ຈູມ​ມະ​ລີ ​ໄຊ​ຍະ​ສອນ ​ເລຂາທິການ​ໃຫ່ຍ ຄະນະ​ບໍລິຫານ​ງານ​ສູນ​ກາງ​ພັກ ປະຊາຊົນ​ປະຕິວັດ​ລາວ ປະທານ​ປະ​ເທດ​ແຫ່ງ ສປປລາວ ​ໄດ້​ພົບ​ປະ​ໂອ້​ລົມ ພະນັກງານ​ການ​ນຳ​ຂັ້ນ​ສູງ ຂອງ​ກະຊວງ ປກສ ​ໃນ​ວັນ​ທີ 29 ກັນຍາ ນີ້ ​ໂດຍ​ການ​ຕ້ອນຮັບ​ຂອງ ​ພົຈວ ສົມ​ແກ້ວ ສີ​ລາ​ວົງ ກຳມະການ​ສູນ​ກາງພັກ ຮັກສາ​ການ ລັດຖະມົນຕີ​ວ່າການ​ກະຊວງ ປກສ ມີ​ຄະນະ​ພັກ​ກະຊວງ ​ແລະ ພະນັກງານ​ຫຼັກ​ແຫຼ່ງຂອງ​ກະຊວງ ປກສ ​ເຂົ້າ​ຮ່ວມ.

      ການ​ພົບ​ປະການ​ນຳ​ຂັ້ນ​ສູງ ກະຊວງ ປກສ ຄັ້ງ​ນີ້ ພະນະ​ທ່ານ ຈູມ​ມະ​ລີ ​ໄຊ​ຍະ​ສອນ ​ໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ຕໍ່​ກຳລັງ ປກສ ທີ່​ໄດ້​ສຸມ​ເຫື່ອ​ແຮງ ສະຕິ​ປັນຍາ ​ເຂົ້າ​ໃນ​ການ​ປົກ​ປັກ​ຮັກສາ​ຄວາມ​ສະຫງົບ​ໃນ​ທົ່ວ​ສັງຄົມ ​ເປັນ​ກຳລັງປະກອບ​ອາວຸດ​ຂອງ​ພັກ ​ເປັນ​ກຳລັງ​ຫຼັກ​ແຫຼ່ງ ​ໃນ​ການ​ປະຕິບັດ​ໜ້າ​ທີ່ ປົກ​ປັກ​ຮັກສາປະ​ເທດ​ຊາດ ​ເຮັດ​ໃຫ້​ປະ​ເທດ​ຊາດ ມີ​ຄວາມ​ສະ​ຖຽນ​ລະ​ພາບ ທາງ​ດ້ານ​ການ​ເມືອງ, ສັງຄົມ​ມີ​ຄວາມ​ສະຫງົບ, ​ເປັນ​ລະບຽບ​ຮຽບຮ້ອຍ ​ແລະ ປອດ​ໄພ​ໂດຍ​ພື້ນຖານ. ພ້ອມກັນ​ນີ້​ທ່ານ​ກໍ່​ໄດ້​ເນັ້ນ​ໜັກ​ໃຫ້ກຳລັງ ປກສ ຕ້ອງ​ໄດ້​ເອົາ​ໃຈ​ໃສ່ ບຸກບືນ​ສູ້​ຊົນ​ຫຼາຍ​ທີ່​ສຸດ ​ເພື່ອ​ຮັບປະກັນ​ໃຫ້​ປະ​ເທດ​ຊາດ ສັງຄົມມີຄວາມສະຫງົບ ມີສະຖຽນນະພາບໜັ້ນຄົງ ແລະ ໜັກແໜ້ນ, ເຂັ່ມແຂງ ປະຊາຊົນມີເງື່ອນໄຂດຳລົງຊີວິດ ແລະ ສ້າງສາພັດທະນາປະເທດຊາດ ຢ່າງສະຫງົບ ສັນຕິ. ກຳລັງ ປກສ ຕ້ອງມີການພັດທະນາ ໃຫ້ມີຄວາມເຕີບໃຫ່ຍເຂັ່ມແຂງ ໃນທຸກດ້ານ ສ້າງໄດ້ຄວາມຮັກແພງ, ຄວາມໄວ້ເນື້ອເຊື່ອໃຈຈາກປະຊາຊົນ ແລະ ພ້ອມກັນສຶບຕໍ່ສ້າງກຳລັງ ໃຫ້ມີຄວາມເຕີບໃຫ່ຍເຂັ້ມແຂງ ຮອບດ້ານ ເປັນຕົ້ນ ການກໍ່ສ້າງບຸກຄະລາກອນ ວິຊາການ ໃຫ້ມີຄວາມຊຳນານ ດ້ານວິຊາການສະເພາະ ເພຶ່ອກຽມພ້ອມເຂົ້າຮ່ວມປະຊາຄົມ ເສດຖະກິດອາຊຽນໃນປີ 2015 ແລະ ສືບຕໍ່ເຮັດວຽກງານ ປ້ອງກັນຄວາມສະຫງົບ ພ້ອມທັງສືບຕໍ່ ແກ້ໄຂປະກົດການຫຍໍ້ທໍ້ໃນສັງຄົມ.ເປັນເຈົ້າການຮັກສາຄວາມສະຫງົບຮອບດ້ານ ເຮັດໃຫ້ສັງຄົມມີຄວມສະຫງົບສຸກ ປະຊາຊົນດຳລົງຊີວິດດ້ວຍຄວາມເປັນລະບຽບຮຽບຮ້ອຍ ແລະ ປອດໄພ.

ໂອ້ລົມ

Off

Comments are closed.