10th Oct2014

ເຈົ້າໜ້າທີກົມຕຳຫຼວດສະກັດກັ້ນ ແລະ ຕ້ານຢາເສບຕິດ

by somchan

ວັນ​ທີ 5 ຕຸລາ 2014 ​ເຈົ້າໜ້າ​ທີ​ກົມ​ຕຳຫຼວດສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ກົມ​ໃຫຍ່​ຕຳຫຼວດ ກະຊວງ ປກສ ຈັບ​ພວກ​ຄ້າຂາຍ​ຢາ​ເສບ​ຕິດ​ໄດ້ 5 ຄົນ ຍິງ 3 ຄົນ ຢູ່​ບ້ານ​ຕານ​ມີ​ໄຊ ​ເມືອງ ​ໄຊ​ທານີ ນະຄອນຫຼວງ​ວຽງ​ຈັນ ​ພ້ອມ​ທັງ​ຍຶດຢາ​ບ້າ​ໄດ້ 462 ມັດ ​ເທົ່າ​ກັບ 924.000 ​ເມັດ ນ້ຳໜັກ 104 Kg, ຝຸ່ນ​ສີຂາວ​ນ້ຳໜັກ 33 Kg ຝຸ່ນ​ສີ​ແດງນ້ຳໜັກ 0,2 Kg, ປືນສັ້ນ 1 ກະບອກ, ລົດ​ໃຫຍ່ 5 ຄັນ, ​ໂທລະສັບ​ມື​ຖື 5 ໜ່ວຍ, ​ເງີ​ນກີບ​ທະນາຄານ 86.945.000 ກີບ, ​ເງີ​ນບາດ 259.000 ບາດ, ຄຳ​ຮູບ​ປະພັນ 1.140,0 ກຼາມ, ປື້​ມ​ເງີ​ນຝາກ​ທະນາຄານ 11 ຫົວ ​ແລະ ​ໃບ​ຕາດິນ 11 ​ໃບ.

      ພວກ​ຄ້າຂາຍ​ຢາ​ເສບ​ຕິດ​ຄັ້ງນີ້​ມີ: ທ້າວ ບຸນ​ສະ​ຫຼີ ອາຍຸ 40 ປີ​ອາຊີບ​ຄ້າຂາຍ, ນາງ ກິ່ງ​ຄຳ ອາຍຸ 41 ປີ ອາຊີບ​ຄ້າ​ຂາຍ ທັງ​ສອງ​ຢູ່​ບ້ານ ສະຫຼອງ​ໄຊ ​ເມືອງ ຂວາ ​ແຂວງ ຜົ້ງສາລີ, ທ້າວ ຕຸ້ຍ ອາຍຸ 27 ປີ ນັກ​ສຶກສາ, ນາງ ​ແພງ ອາຍຸ 30 ປີ ປະຊາຊົນ. ປະຈຸ​ບັນ​ທັງ 4 ຢູ່​ບ້ານ​ຕານ​ມີ​ໄຊ ​ເມືອງ ​ໄຊ​ທານີ ນະຄອນຫຼວງ​ວຽງ​ຈັນ, ນາງ ຍົກ ອາຍຸ 35 ປີ ປະຊາຊົນ​ຢູ່​ບ້ານ​ນາ​ສ້ຽວ ​ເມືອງ ນາ​ຊາຍ​ທອງ ນະຄອນຫຼວງ​ວຽງ​ຈັນ.

      ຜ່ານ​ການ​ສຶບສວນ-​ສອບ​ສວນ ຂອງ​ເຈົ້າໜ້າ​ທີ ທ້າວ ບຸນ​ສະ​ຫຼີ ​ໄດ້​ໃຫ້ການ​ວ່າ: ຢາ​ບ້າ, ​ແປງ​ຝຸ່ນ​ສີ​ແດງ ​ແລະ ສີຂາວ ຜູ້ກ່ຽວ​ໄດ້​ໂທລະສັບ​ຕິດ​ຕໍ່​ຊື້​ນຳ​ຄົນ​ຈີນ ຢູ່​ເຂດ​ບ້ານ​ຊຽງ​ຮຸ່ງ ສປ ຈີນ. ວັນ​ທີ 15 ກັນຍາ 2014​ໄດ້​ມີ​ຜູ້​ຊາຍ​ບໍ່​ຮູ້​ບ່ອນຢູ່​ເອົາ​ຢາ​ບ້າ 462 ມັດ ມາ​ສົ່ງ​ໃຫ້​ຢູ່​ເຮືອນ ​ແລ້ວ​ຜູ້ກ່ຽວ​ກໍ່​ເອົາ​ໄປ​ຊຸກ​ເຊື່ອງ​ໄວ້​ໃນ​ຫ້ອງ​ມ້ຽນ​ເຄື່ອງ​ຕົນ​ເພື່ອ​ລໍຖ້າ​ຈຳ​ໜ່າຍ. ປະຈຸ​ບັນ​ເຈົ້າໜ້າ​ທີ​ພວມ​ດຳ​ເນີນ​ຄະດີ​ຕາມ​ລະບຽບ​ກົດໝາຍ.   

ຢາເສບຕິດຕານມີໄຊ

 

Off

Comments are closed.