09th Jun2015

ຮັກສາການ ລມຕ ວ່າການກະຊວງ ປກສ ລາວ ຕ້ອນຮັບຜູ້ແທນກົມເຕັກນິກ ກະຊວງປກສ ປະຊາຊົນ ສປປເກົາຫຼີ

by somchan

ວັນທີ 5 ມິຖຸນານີ້ ທ່ານສົມແກ້ວ ສີລາວົງ ກຳມະການສູນກາງພັກ ຮັກສາການລັດຖະ ມົນຕີວ່າ ການກະຊວງປ້ອງກັນຄວາມສະ ຫງົບລາວ ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານພົຈັດຕະວາ ກິມຢອງຊອນ ຫົວໜ້າກົມເຕັກນິກກະຊວງປ້ອງກັນຄວາມ ສະຫົງບ ປະຊາຊົນ ສປປເກົາຫຼີ ພ້ອມຄະນະ ເນື່ອງໃນໂອກາດມາເຮັດວຽກແລະ ພົບປະແລກປ່ຽນບົດຮຽນກັບກົມເຕັກນິກ ກະຊວງປ້ອງກັນຄວາມສະຫງົບລາວ ໃນໂອກາດ ພົຈວ ສົມແກ້ວ ສີລາວົງ ໄດ້ສະແດງຄວາມຕ້ອນຮັບຢ່າງອົບອຸ່ນເຊິ່ງທ່ານໄດ້ກ່າວວ່າ: ໄລຍະຜ່ານມາ ສປປລາວ ແລະ ສປປເກົາຫຼີ ໄດ້ມີການຮ່ວມມືຊ່ວຍເຫຼືອເຊິ່ງກັນແລະກັນ ເວົ້າໂດຍເວົ້າສະເພາະກໍ່ຄືສອງກະຊວງປ້ອງກັນຄວາມສະຫງົບ ເຊິ່ງກະຊວງປ້ອງກັນຄວາມສະຫງົບປະຊາຊົນ ສປປເກົາຫຼີໄດ້ໃຫ້ການຊ່ວຍເຫຼືອວັດຖຸອຸປະກອນ ແລະຍົກລະດັບທາງດ້ານວຽກງານວິຊາສະເພາະໃຫ້ກຳລັງ ປ້ອງກັນຄວາມສະຫງົບລາວແລະຫວັງຢ່າງຍິ່ງໃນຕໍ່ໜ້າຈະສຶບຕໍ່ພົວພັນຮ່ວມມືໃຫ້ແໜ້ນແຟ້ນຍິ່ງໆຂຶ້ນ. ໂດຍສະເພາະແມ່ນດ້ານເຕັກນິກຂໍ້ມູນຂ່າວສານທີ່ພົວພັນເຖິງຂົງເຂດວຽກງານປ້ອງກັນຄວາມສະຫງົບ ໂອກາດດຽວກັນ ທ່ານ ພົຈວ ກິມຢອງຊອນ   ຫົວໜ້າກົມເຕັກນິກກະຊວງປ້ອງກັນຄວາມສະຫົງບ ປະຊາຊົນ ສປປເກົາຫຼີ  ໄກ້ກ່າວສະແດງຄວາມຂອບໃຈ ຕໍ່ການຕ້ອນຮັບໃນຄັ້ງໃນນີ້ແລະ ຍິນດີທີ່ຈະໃຫ້ການຊຸກຍູ້ອຸປະກອນເຕັກນິກທີ່ພົວພັນເຖິງວຽກງານປ້ອງກັນຄວາມສະຫງົບໃຫ້ແກ່ກະຊວງປ້ອງກັນຄວາມສະຫງົບລາວແລະ ເຊື່ອໝັ້ນວ່າສອງກະຊວງຈະສືບຕໍ່ຂະຫຍາຍການພັດທະນາດີຂຶ້ນເທື່ອລະກ້າວ.

Off

Comments are closed.