09th Jun2015

ກັກຕົວຜູ້ຄ້າຂາຍຢາເສບຕິດພ້ອມຂອງກາງຢາບ້າ ນ້ຳໜັກ 334 ກິໂລກຣາມ

by somchan

ວັນທີ 7 ມິຖຸນາ 2015 ເຈົ້າໜ້າທີ່ກົມສະກັດກັ້ນ ແລະ ຕ້ານຢາເສບຕິດ ໄດ້ຮັບການລາຍງານວ່າ: ມີລົດປຣາໂດສີດຳໝາຍເລກ ທະບຽນ ຄຫ 8777 ກຳແພງນະຄອນ ສົງໄສເປົ້າໝາຍ ຄ້າ-ຂາຍຢາເສບຕິດໄດ້ເກີດອຸບັດຕິເຫດເສຍຫຼັກໄປຕຳເອົາຄູກາງຂອງ ທາງເຮັດໃຫ້ລໍ້ນໜ້າເບື້ອງຊ້າຍຫຼຸດອອກບໍ່ສາມາດໄປຕໍ່ໄດ້ ເຊິ່ງເຫດເກີດຂຶ້ນຢູ່ເຂດບ້ານໂພນຕ້ອງ ຈອມມະນີ ເມືອງຈັນທະບູລີ ນະຄອນຫຼວງວຽງຈັນ. ຈາກນັ້ນເຈົ້າໜ້າທີ່ກົມຕຳຫຼວດສະກັດກັ້ນ ແລະ ຕ້ານຢາເສບຕິດ ຈຶ່ງໄດ້ແຕ່ງຕັ້ງພະນັກງານວິຊາສະເພາະລົງພິສູດສະຖານທີ່ເກີດຕົວຈິງ ໂດຍປະສານສົມທົບກັບພະແນກຕຳຫຼວດສະກັດກັ້ນ ແລະ ຕ້ານຢາເສບຕິດນະຄອນຫຼວງວຽງຈັນ, ຕຳຫຼວດກຸ່ມ ແລະ ອຳນາດການປົກຄອງບ້ານໂພນຕ້ອງຈອມມະນີ, ພ້ອມກັນກວດຄົ້ນລົດຄັນດັ່ງກ່າວຈິ່ງພົບເຫັນຢາເສບຕິດປະເພດຢາເສບຕິດປະຢາບ້າຈຳນວນ10 ເປົ່າ, ມີ1.480 ມັດ, ນ້ຳໜັກ 334 ກິໂລກຣາມກັກຕົວຜູ້ຖຶກຫາໄດ້ 01 ຄົນ ລົດໃຫຍ່ 01ຄັນ. ຜູ້ຖືກຫາຊື່ທ້າວ ເຈີປໍ ວາງ ອາຍຸ 40 ປີ ປະຊາຊົນ ຢູ່ບ້ານດອນໄຊ ແຂວງອຸດົມໄຊ.

ຜ່ານການສືບສວນ-ສອບສວນ ຂອງເຈົ້າໜ້າທີ່ຜູ້ກ່ຽວໄດ້ໃຫ້ການຮັບສາລະພາບວ່າ: ຢາບ້າທີ່ເຈົ້າໜ້າທີ່ຢຶດມາໄດ້ແມ່ນຂອງຜູ້ກ່ຽວແທ້ ຕໍ່ກັບຄະດີດັ່ງກ່າວເຈົ້າໜ້າທີ່ກົມຕຳຫຼວດສະກັດກັ້ນແລະ ຕ້ານຢາເສບຕິດ ພວມດຳເນີນການສືບສວນ-ສອບສວນ ຂະຫຍາຍຜົນຫາກຸ່ມແກ້ງເຂື່ອຄ່າຍພັກພວກເພື່ອມາດຳເນີນຄະດີຕາມລະບຽບກົດໝາຍຢ່າງເຂັ້ມງວດ.

 

1.480----

Off

Comments are closed.