10th Jun2015

ພົບສົບທີ 10 ສິ້ນສຸດພາລະກິດການຄົ້ນຫາ.

by somchan

ໃນວັນທີ 6 ມິຖຸນານີ້ ພາລະກິດການເກັບກູ້ ຊາກສົບນັກຮຽນ 10 ຄົນທີ່ສູນຫາຍຈາກ ເຫດການເຮືອຂ້າມພາກຫຼົ້ມທີ່ທ່ານ້ຳບ້ານ ນາບົງ (ນ້ຳງື່ມ)ເມືອງປາກງື່ມ ນະຄອນຫຼວງ ວຽງຈັນໄດ້ສິ້ນສຸດພາຍຫຼັງມີປະຊາຊົນໄປ ໄຫຼມອງພົບເຫັນສົບທີ 10 ຈຶ່ງໄດ້ແຈ້ງ ອຳນາດການປົກຄອງຮັບຊາບເພື່ອປະສານ ຫາເຈົ້າໜ້າທີ່່ທີ່ກ້ຽວຂ້ອງທຳການເກັນກູ້ສົບ ຂຶ້ນມາທຳພິທີທາງສາສະໜາ.

ເຈົ້າໜ້າທີ່ເມືອງປາກງື່ມໄດ້ລາຍງານວ່າ:ສົບດັ່ງກ່າວໄດ້ພົບເຫັນຢູ່ໜ້ານ້ຳເຂດບ້ານນາປາກວາງເມືອງປາກງຶ່ມຫ່າງຈາກຈຸເກີດເຫດ 10 ກິໂລແມັດ, ເຊິ່ງເປັນສົບຂອງທ້າວແສງຈັນ ອາຍຸ 11 ປີ ຢູ່ບ້ານຫົວນາທົ່ງເມືອງປາກງຶ່ມ. ພາຍຫຼັງທີ່ເກັບກູ້ຂຶ້ນມາ ພໍ່ແມ່ ແລະ ຍາດຕິພີ່ນ້ອງພ້ອມດ້ວຍອຳນາດການປົກຄອງກໍໄດ້ນຳເອົາສົບໄປປະກອບພິທີທາງສາສະໜາຕາມຮີດຄອງປະເພນີ ຢູ່ທີ່ປ່າຊ້າບ້ານຫົວນາທົ່ງໃນຕອນບ່າຍຂອງວັນດຽວກັນ.

ສ່ວນການຊ່ວຍເຫຼືອໃນເບື່ອງຕົ້ນໃຫ້ແກ່ຄອບຄົວຜູ້ເສຍຊີວິດໃນເຫດການເຮືອພາກຫຼົ້ມໃນຄັ້ງນີ້ ທ່ານສາຍທອງ ແກ້ວດວງດີ ຮອງເຈົ້າຄອງນະຄອນຫຼວງວຽງຈັນໄດ້ນຳເງິນຈຳນວນ 350ລ້ານກີບທີ່ໄດ້ມາຈາກການບໍລິຈາກທາງພາກລັດ,ເອກຊົນແລະ ພໍ່ແມ່ປະຊາຊົນ ໄປມອບໃຫ້ຄອບຄົວຂອງເດັກນັກຮຽນທີ່ເສຍຊີວິດຈຳນວນ 9 ຄອບຄົວໃນນີ້ມີ 8ຄອບຄົວໄດ້ຮັບການຊ່ວຍເຫຼືອຄອບຄົວລະ 35 ລ້ານກີບ ແລະມີ01 ຄອບຄົວທີ່ເສຍຊິວິດສອງຄົນໄດ້ຮັບການຊ່ວຍເຫຼືອ 70 ລ້ານກີບ ໃນວັນທີ 04ມິຖຸນາທີ່ຜ່ານມາ.

------10-----------------abc

Off

Comments are closed.