05th Aug2015

ປກສ ນະຄອນຫຼວງ ປະກາດການຈັດຕັ້ງໃຫມ່.

by somchan

ພິທີປະແຕ່ງຕັ້ງຫົວໜ້າກອງບັນຊາການ ປກສ ນະຄອນຫຼວງວຽງຈັນຜູ້ໃໝ່ໄດ້ຈັດຂຶ້ນໃນວັນທີ 3 ສິງຫາ 2015 ນີ້ ໂດຍເຂົ້າຮ່ວມເປັນປະທານຂອງພົຈວ ສົມແກ້ວ ສີລາວົງກຳມະການສູນກາງພັກລັດຖະມົນຕີວ່າການ ກະຊວງປ້ອງກັນສະຫງົບ, ທ່ານ ສີຫຸນ ສິດທິລືໄຊ ຮອງເລຂາຄະນະພັກນະຄອນຫຼວງວຽງຈັນ ຄະນະປ້ອງກັນຊາດ-ປ້ອງກັນຄວາມສະຫງົບ ນະຄອນຫຼວງວຽງຈັນ, ມີຄະນະພັກ ພະນັກງານຫຼັກແຫຼ່ງກົມກອງອ້ອມຂ້າງ ປກສ ນະຄອນຫຼວງວຽງຈັນ ແລະແຂກຖືກເຊີນເຂົ້າຮ່ວມ.

ພັອ ຄຳກິ່ງ ຜິວຫຼ້າມະນີວົງ ຮອງຫົວໜ້າກົມໃຫຍ່ການເມືອງປ້ອງກັນຄວາມສະຫງົບໄດ້ຜ່ານຂໍ້ຕົກລົງຂອງລັດຖະມົນຕີວ່າການກະຊວງປ້ອງກັນຄວາມສະຫງົບວ່າດ້ວຍການແຕ່ງຕັ້ງພັອ ອິນທະວົງ ໄຊຍະບຸດສີ ເປັນຫົວໜ້າກອງບັນຊາການ ປກສ ນະຄອນຫຼວງວຽງຈັນຜູ້ໃຫຍ່ ແລະ ຍົກຍ້າຍ ພົວຈ ດຣ ບຸນຊູ ນາມມະຈັກ ຫົວໜ້າກອງບັນຊາການ ປກສ ນະຄອນຫຼວງວຽງຈັນຜູ້ເກົ່າໄປຮັບໜ້າທີ່ໃໝ່ຢູ່ກະຊວງປ້ອງກັນຄວາມສະຫງົບ.

ການແຕ່ງຕັ້ງຍົກຍ້າຍໜ້າທີ່ຕຳແໜ່ງໃນຄັ້ງນີ້ແມ່ນເພື່ອເປັນການປັບປຸງການຈັດຕັ້ງໃຫ້ສອດຄອງກັບສະພາບການຕົວຈິງສາມາດຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃຫມ່ ແລະ ສ້າງໃຫ້ກຳລັງປ້ອງກັນຄວາມສະຫງົບມີຄວາມໜັກແໜ້ນ ເຂັ້ມແຂງທາງດ້ານການຈັດຕັ້ງ ມີລະບຽບວິໄນເຂັ້ມງວດ ຮັບປະກັນດ້ານປະລິມານ ແລະ ຄຸນນະພາບ.

Off

Comments are closed.