14th Jan2022

ກອງບັນຊາການປ້ອງກັນສູນກາງ ຈັດກອງປະຊຸມສະຫລຸບການເຄື່ອນໄຫວວຽກງານ ປະຈຳປີ 2021

by somchan

ກອງບັນຊາການປ້ອງກັນສູນກາງ ຈັດກອງປະຊຸມສະຫລຸບການເຄື່ອນໄຫວວຽກງານປະຈຳປີ 2021 ແລະ ວາງທິດທາງແຜນການຈຸດສຸມ ປີ 2022 ໃນວັນທີ 14 ມັງກອນ 2022 ນີ້ ໂດຍການເປັນປະທານຂອງ ພຈົວ ສົມພົງ ຂໍາວິລຸນ ຫົວຫນ້າ ກອງບັນຊາການປ້ອງກັນສູນກາງ ມີບັນດາຄະນະພັກຄະນະບັນຊາ ບັນດາຫ້ອງ ກອງພັນ ໂຮງຮຽນ ແລະພະນັກງານຂັ້ນນຳພາບັນຊາເຂົ້າຮ່ວມ.

ພັທ ສີນະຄອນ ສຸລິວົງ ຫົວຫນ້າຫ້ອງການ ໄດ້ຜ່ານບົດສະຫລຸບການເຄື່ອນໄຫວວຽກງານປະຈຳປີ 2021 ແລະ ວາງທິດທາງແຜນການຈຸດສຸມ ປີ 2022 ໄລຍະຜ່ານມາຄະນະພັກຄະນະບັນຊາໄດ້ເອົາໃຈໃສ່ການສຶກສາອົບຮົມການເມືອງນຳພາແນວຄິດໃຫ້ນາຍ ແລະ ພົນຕຳຫຼວດ ແຕ່ລະຂັ້ນໃຫ້ມີຄວາມໜັກແໜ້ນທາງດ້ານຄຸນທາດການເມືອງແນວຄິດ, ເຊື່ອມຊຶມບັນດາມະຕິ, ຄຳສັ່ງ, ແນວທາງນະໂຍບາຍຂອງພັກ ແລະ ປະຕິບັດກົດໝາຍຂອງລັດຢ່າງເຂັ້ມງວດ ເຮັດໃຫ້ນາຍ ແລະ ພົນຕຳຫຼວດ ທຸກຂັ້ນກຳແໜ້ນ ມີຄວາມຈົ່ງຮັກພັກດີຕໍ່ຊາດ, ຕໍ່ປະຊາຊົນ, ມີລະບຽບວິໄນເຂັ້ມງວດ ປະຕິບັດຫນ້າທີ່ດ້ວຍຄວາມຮັບຜິດຊອບສູງ,ເອົາໃຈໃສ່ຊີ້ນຳໆພາ ບັນດາກອງພັນປ້ອງກັນການນຳ, ປ້ອງກັນສຳນັກງານ ອົງການ ເຮັດໜ້າທີ່ປ້ອງກັນເວນຍາມ ປະຈຳການຕະຫຼອດ 24 ຊົ່ວໂມງ ໃນຂອບເຂດຄວາມຮັບຜິດຊອບຂອງຕົນ ກໍລະນີເກີດເຫດສາມາດແກ້ໄຂ ແລະ ລາຍງານສະພາບໃຫ້ຂັ້ນເທິງໄດ້ທັນເວລາ; ຕິດຕາມສະພາບການເຄື່ອນໄຫວ ເຮັດໜ້າທີ່ວິຊາສະເພາະຢ່າງເຂັ້ມງວດ ຮັບປະກັນຄວາມປອດໄພໃຫ້ແກ່ການນຳ ແລະ ແຂກຂັ້ນສູງ, ກວດກາສະຖານທີ່ຈັດງານສຳຄັນຕ່າງໆ ຕາມໜ້າວຽກວິຊາສະເພາະຢ່າງ ເປັນລະບົບ ສາມາດຮັບປະກັນຄວາມຫງົບປອດໄພໃຫ້ແກ່ການນຳ, ແຂກຂັ້ນສູງ ແລະ ງານສຳຄັນຕ່າງໆໄດ້ 100%; 1 ປີຜ່ານມາ ປ້ອງກັນວັນສຳຄັນຕ່າງໆ 54 ຄັ້ງ ມີ 1.085 ແຮງງານ, ປ້ອງກັນ ກອງປະຊຸມຕ່າງໆ 49 ຄັ້ງ ມີ 950 ແຮງງານ, ປ້ອງກັນແຂກຕ່າງປະເທດ 08 ຄັ້ງໃນນັ້ນແຂກຂັ້ນສູງ 01 ຄັ້ງລວມ 650 ແຮງງານ, ປ້ອງກັນການນຳຕ້ອນຮັບແຂກຕ່າງປະເທດເຂົ້າຢ້ຽມຂ່ຳນັບ ແລະ ທູດຍື່ນສານຕາຕັ້ງ 27 ຄັ້ງ ມີ 875 ແຮງງານ, ປ້ອງກັນການນຳໄປເຮັດວຽກຢູ່ຕ່າງປະເທດ 02 ຄັ້ງ 07 ແຮງງານ, ປ້ອງກັນການນຳລົງເຄື່ອນໄຫວເຮັດວຽກຢູ່ ທ້ອງຖິ່ນ 65 ຄັ້ງ ມີ 325 ແຮງງານ, ປ້ອງກັນເວນຍາມຕະຫຼອດ 24 ຊົ່ວໂມງ ກວດກາຄົນເຂົ້າ-ອອກສໍານັກງານ ອົງການ 16.270 ຄັ້ງ ມີ 23.260 ແຮງງານ ແລະ ປຸງແຕ່ງຮັບໃຊ້ການນໍາ 1.080 ຄັ້ງ ມີ 2.160 ແຮງງານ. ວຽກງານຫ້ອງການ ໄດ້ເອົາໃຈໃສ່ໃນການຄົ້ນຄວ້າ, ກວດກາ, ຄຸ້ມຄອງເອກະສານທີ່ພົວພັນເຖິງວຽກງານຢ່າງລວມສູນ ແລະ ຖືກຕ້ອງຕາມລະບຽບຫຼັກການ, ໄດ້ປັບປຸງລະບຽບການ, ວິທີການຄຸ້ມຄອງ, ບໍລິຫານເອກະສານ ເພື່ອໃຫ້ຖືກຕ້ອງ ສອດຄ່ອງກັບສະພາບການໃນໄລຍະໃໝ່,ເອົາໃຈໃສ່ປັບປຸງກໍ່ສ້າງພະນັກງານ ຕາມ 5 ຫລັກການ ແລະ 3 ທິດນໍາໂດຍຖຶເອົາຄຸນນະພາບເປັນກົກ ສົ່ງພະນັກງານໄປຍົກລະດັບທັງພາຍໃນແລະຕ່າງປະເທດ ຈຳນວນ 50 ສະຫາຍ ຍີງ 4 ສະຫາຍ,ຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ 62 ສະຫາຍ, ຍິງ 12 ສະຫາຍ, ເປີດຮຽນກົດລະບຽບ 03 ຊຸດ; ຈຳນວນ 52 ສະຫາຍ, ຮຽນສະໜັບສະໜູນ 03 ຊຸດ ຈຳນວນ 47 ສະຫາຍ,ຊີ້ນຳ-ນໍາພາ ອົງການຈັດຕັ້ງມະຫາຊົນ ເຄື່ອນໄຫວຕາມພາລະບົດບາດຂອງຕົນ ໃນການສ້າງຂະບວນການ ຂໍ້ແຂ່ງຂັນ 04 ບຸກ ຂອງຊາວໜຸ່ມ ແລະ ຂໍ້ແຂ່ງຂັນ 03 ດີ ຂອງສະຫະພັນແມ່ຍິງ ຊຸກຍູ້ຂະບວນການຂອງຊາວ ໜຸ່ມ-ແມ່ຍິງ ໃນການປະຕິບັດໜ້າທີ່ວຽກງານວິຊາສະເພາະ, ສ້າງຂະບວນການອອກແຮງງານເພີ່ມພູນຜະລິດຜົນ ແລະ ດຳລົງຊີວິດດ້ວຍຄວາມປອດໃສ ສາມາດກຸ້ມຕົນເອງ ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ,ໄດ້ເອົາໃຈໃສ່ວຽກງານຄຸ້ມຄອງງົບປະມານ, ລາຍຮັບ-ລາຍຈ່າຍ ທີ່ທາງກະຊວງໄດ້ອະນຸມັດໃຫ້ ສາມາດຕອບສະ ໜອງຮັບໃຊ້ວຽກງານວິຊາສະເພາະທັນເວລາ ແລະ ຖືກຕ້ອງຕາມລະບຽບຫຼັກການ.

ຈາກນັ້ນກອງປະຊຸມກໍ່ໄດ້ເຜີຍແຜ່ ຄຳສັ່ງວ່າດ້ວຍການເພີ່ມທະວີນຳພາ-ຊີ້ນຳ ຂອງຄະນະພັກແຕ່ລະຂັ້ນ ຕໍ່ການສະກັດກັ້ນ ແລະ ແກ້ໄຂບັນຫາຢາເສບຕິດ  ຄຳສັ່ງ ກ່ຽວກັບການຈັດຕັ້ງປະຕິບັດ ວາລະ ແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ,ວາລະແຫ່ງຊາດວ່າດ້ວຍການແກ້ໄຂບັນຫາ ຢາເສບຕິດ,ເຜີຍແຜ່ມະຕິວ່າດ້ວຍເພີ່ມທະວີການນຳພາຂອງພັກ ເພື່ອສ້າງການຫັນປ່ຽນຢ່າງແຂງແຮງ ແລະເລິກເຊິ່ງ ກ່ຽວກັບວຽກງານພະນັກງານ ໃນກໍາລັງ ປກສ,ຜ່ານຄຳສັ່ງວ່າດ້ວຍການປັບປຸງກົງຈັກການ ຈັດຕັ້ຂອງ ບັນດາກະຊວງ-ອົງການ ແລະ ທ້ອງຖິ່ນ ໃນກໍາລັງ ປກສ.ຈາກນັ້ນປະທານກອງປະຊຸມມີຄຳຖາມເຈາະຈີ້ມ, ແນະນໍາ ປະກອບຄຳຄິດຄຳເຫັນ ໃສ່ບົດສະຫຼຸບ ການເຄື່ອນໄຫວວຽກງານປະຈຳປີ 2021 ທິດທາງ ແຜນການຈຸດສຸມປີ 2022.

Comments are closed.