14th Jan2022

ກັກຜູ້ຄ້າຂາຍຢາເສບຕິດ ແລະ ຜູ້ຮ່ວມຂະບວນການ 4 ຄົນ.

by somchan

ວັນທີ 10 ມັງກອນ 2022, ພະແນກຕຳຫຼວດ ກອງບັນຊາການ ປກສ ເມືອງຫາດຊາຍຟອງ ນະຄອນຫຼວງວຽງຈັນ ສົມທົບກັບພາກສ່ວນທີ່ກ່ຽວຂ້ອງ ເຂົ້າແກ້ໄຂເປົ້າໝາຍຄ້າຂາຍ ຢາເສບຕິດ ແລະ ຜູ້ຮ່ວມຂະບວນການ 4 ຄົນ ພ້ອມຂອງກາງຢາບ້າ 1960 ເມັດ.

ພັທ ເກດສະໜາ ພິຈິດ ຫົວໜ້າພະແນກຕຳຫຼວດ ກອງບັນຊາການ ປກສ ເມືອງຫາດຊາຍ ຟອງ ໃຫ້ຮູ້ວ່າ: ພາຍຫຼັງໄດ້ຮັບແຫຼ່ງຂ່າວວ່າ: ໄດ້ມີກຸ່ມຄົນບໍ່ດີ ເຄື່ອນໄຫວຄ້າຂາຍຢາເສບຕິດ ຈິ່ງໄດ້ ຕິດຕາມ, ກວດກາ ຮອດວັນທີ 10 ມັງກອນ 2022  ໄດ້ເຂົ້າກັກຕົວ ທ້າວ ທອງຄຳ ອາຍຸ 31 ປີ ອາຊີບກຳມະກອນ ຢູ່ບ້ານນາໄຫ ເມືອງຫາດຊາຍຟອງພ້ອມຂອງກາງຍາບ່າ 177 ເມັດຕໍ່ມາໄດ້ ສືບຕໍ່ກັກ ຕົວ ນາງ ເກດສະຫຍາມ ອາຍຸ 32 ປີ ຢູ່ບ້ານດົງຄຳຊ້າງ ແລະ ໄດ້ສືບຕໍ່ເຂົ້າກັກຕົວ ທ້າວ ເພັງສະຫວັນ ອາຍຸ 38 ປີ ອາຊີບກຳມະກອນ ຢູ່ບ້ານພະຂາວ ເມືອງໄຊທານ ແລະ ໄດ້ເຂົ້າກັກຕົວ ທ້າວ ສົມສະຫວັນ ອາຍຸ 36 ປີ ອາຊີບກຳມະກອນ ຢູ່ບ້ານດົງຄຳຊ້າງ ມີຂອງກາງຢາບ້າ 1783 ເມັດ.

ຜ່ານການສອບສວນ ເບື້ອງຕົ້ນພວກກ່ຽວຮັບສາລະພາບວ່າ: ໄດ້ຮ່ວມກັນຄ້າຂາຍຢາເສບຕິດ(ຢາບ້າ). ປັດຈຸບັນ ເຈົ້າໜ້າທີ່ພວມເລັ່ງສືບສວນ-ສອບສວນ ເພື່ອຂະຫຍາຍຜົນຊອກ ຫາກຸ່ມແກ້ງທີ່ຮ່ວມຂະບວນການ ມາດຳເນີນຄະດີຕາມລະບຽບກົດໝາຍ.

Comments are closed.