20th Aug2015

ກັກຕົວຕ້ອງຫາພ້ອມຢາບ້າ 11 ມັດ

by somchan

ວັນທີ 15 ສິງຫາ 2015 ເຈົ້າໜ້າທີ່ຕຳຫຼວດເມືອງລອງ ແຂວງຫຼວງນ້ຳທາ ໄດ້ກັກຕົວພວກຄ້າຂາຍຢາເສບຕິດ 2 ຄົນພ້ອມຢາບ້າ 11 ມັດ ເທົ່າກັບ 22.000ເມັດ ແລະ ລົດຈັກໜຶ່ງຄັນທີ່ນຳໃຊ້ເຂົ້າໃນການເຄື່ອນໄຫວ ຄ້າຂາຍຢາເສບຕິດ ຜູ້ກະທຳຜິດມີ ທ້າວໄໜ່ຄຳດີ ອາຍຸ 30 ປີ ປະຊາຊົນບ້ານຊຽງກົກເກົ່າ ແລະທ້າວຈ໋າຍ ອາຍຸ 28 ປີ ປະຊາຊົນບ້ານຈອມແຈ້ງທັງສອງຢູ່ເມືອງລອງ ແຂວງຫຼວງນ້ຳທາ.

ຜ່ານການສືບສວນ-ສອບສວນຂອງເຈົ້າໜ້າທີ່ພວກກ່ຽວໄດ້ໃຫ້ການວ່າ:ຢາເສບຕິດຈຳນວນດັ່ງກ່າວແມ່ນຂອງພວກກ່ຽວແທ້ ຊຶ່ງຊື້ມາແຕ່ປະເທດໃກ້ຄຽງເພື່ອຈະນຳໄປຂາຍຕໍ່ແຕ່ຖືກເຈົ້າໜ້າທີ່ກັກຕົວໄດ້ເດີກ່ອນ.ປະຈຸບັນທັງສອງພວມຢູ່ໃນຂັ້ນຕອນການດຳເນີນຄະດີ.

Off

Comments are closed.