16th Sep2015

ສະມາຄົມນັກຂ່າວແຫ່ງປະເທດໄທ ຢ້ຽມຢາມຄະນະບັນນາທິການຂ່າວສານ ປກສ

by somchan

ທ່ານ ວັນໄຊ ວົງມີໄຊ ປະທານສະມາຄົມນັກຂ່າວ ໜັງສືພິມແຫ່ງປະເທດໄທພ້ອມຄະນະໄດ້ເດີນທາງ ມາພົບປະຢ້ຽມຢາມຄະນະບັນນາທິການຂ່າວສານ ປກສ ກົມໃຫຍ່ການເມືອງ ປກສ ກະຊວງປ້ອງກັນຄວາມສະຫງົບ ໃນວັນທີ 15 ກັນຍາ 2015ນີ້ ເນື່ອງໃນໂອກາດທີ່ຄະນະ ດັ່ງກ່າວໄດ້ເດີນທາງມາພົບປະແລກປ່ຽນບົດຮຽນ ກັບສະມາຄົມນັກຂ່າວແຫ່ງສປປລາວ ແຕ່ວັນທີ 14 ກັນຍາທີ່ຜ່ນມາ, ໂດຍການຕ້ອນຮັບຂອງ ພັທ ພອນສະຫວັນ ອຸດົມເພັດ ຮອງຫົວໜ້າຄະນະບັນນາທິການຂ່າວສານ ປກສ ພ້ອມດ້ວຍຄະນະ.

ການຢ້ຽມຢາມຄັ້ງນີ້ທັງສອງຝ່າຍໄດ້ມີການລາຍງານເຖິງສະພາບການຕ່າງໆຂອງຕົນກ່ຽວກັບການເຄື່ອນໄຫວວຽກງານວິສາສະເພາະ ແລະ ລະບົບກົງຈັກການຈັດຕັ້ງຂອງທັງສອງຝ່າຍໃຫ້ກັນໄດ້ຮັບຮູ້, ພ້ອມທັງຄົ້ນຄ້ວາປຶກສາຫາລືວຽກງານດ້ານຕ່າງໆ ໂດຍສະເພາະວຽກງານສື່ສັງຄົມອອນລາຍໃນປະຈຸບັນ, ວຽກງານດ້ານການພົວພັນຂອງສື່ມວນຊົນລາວ ແລະ ສື່ມວນຊົບໄທ, ວຽກງານດ້ານສິ່ງແວດລ້ອມ ແລະ ວຽກງານການນຳສະເໜີຂໍ້ມູນຂອງສື່ມວນຊົນຂອງໄທ ໃຫ້ແກ່ສື່ມວນຊົນຂອງ ສປປລາວ ໃນວຽກງານສຳຄັນທີ່ເປັນຜົນດີໃຫ້ແກ່ສອງປະເທດ.

ນອກນັ້ນ, ທັງສອງຝ່າຍຍັງໄດ້ພົບປະແລກປ່ຽນບົດຮຽນເພື່ອໃຫ້ມີຄວາມເຂົ້າໃຈເຊິ່ງກັນ ແລະ ກັນ ໃນການນຳໃຊ້ຂໍ້ມູນຕ່າງໆທີ່ນຳສະເໜີຜ່ານລະບົບອອນລາຍ ກໍຄືສື່ສິ່ງພິມຕ່າງໆເພື່ອບໍ່ໃຫ້ມີຄວາມແຕະຕ້ອງເຖິ່ງພາບພົດທີ່ບໍ່ດີຄືໃນໄລຍະຜ່ານມາ.

Off

Comments are closed.