19th Jul2017

ກະຊວງ ປ້ອງກັນ ຄວາມສະຫງົບ ໄດ້ຈັດຕັ້ງ ປາຖະ ກະຖາ ວັນເຊັນ ສົນທິ ສັນຍາ ມິດຕະ ພາບ – ການຮ່ວມື ພິເສດ ຮອບດ້ານ ຄົບ ຮອບ 40 ປີ ແລະ ວັນ ສ້າງຕັ້ງ ສາຍພົວ ພັນ ການທູດລາວ – ຫວຽດນາມ ຄົບຮອບ 55 ປີ

by somchan

ໃນ​ວັນ​ທີ 19 ກໍລະກົດ 2017 ນີ້ ​ໂດຍ​ການ ​ເຜີຍ​ແຜ່​ ຂອງ ພົຕ ສິນ​ທະ​ວົງ ​ໄຊ​ຍະ​ກອນ ກຳມະການ​ ສູນ​ກາງ​ພັກ ຮອງ​ລັດ ​ຖະມົນຕີ ກະຊວງ ​ປ້ອງ​ກັນ ​ຄວາມ​ສະຫງົບ ມີ​ຄະນະ ​ພັກ – ຄະນະ ​ບັນຊາ ກົມ​​ໃຫ່ຍ, ຫ້ອງ​ວ່າ ການ, ກອງ​ບັນຊາ​ການ, ວິທະຍາຄານ ​ແລະ ພະນັກງານ ນຳພາ ບັນຊາ ອ້ອ​ມຂ້າງ ​ກະຊວງ ປ້ອງ​ກັນ ​ຄວາມ​ສະຫງົບ ​ເຂົ້າ​ຮ່ວມ.

ທ່ານ​ ຮອງ​ ລັດຖະມົນຕີ ກະຊວງ​ປ້ອງ​ກັນ ​ຄວາມ​ສະຫງົບ ​ໄດ້​ກ່າວ​ວ່າ: ລາວ – ຫວຽດນາມ ​ແມ່ນ​ມີ​ມູນ​ເຊື້ອ ການ​ຮ່ວມ​ມື​ ແບບ​ພິ​ເສດ, ມີ​ຄວ​າມ ຜູກ​ພັນ ​ສາມັກຄີ ​ແລະ ຊ່ວຍ​ເຫຼືອ​ ເຊິ່ງກັນ ​ແລະ ກັນ ​ເໜືອ​ນ ກັບ ​ອ້າຍ – ນ້ອງ​ຄິງ ຮ່ວມ​ ສາຍ​ເລືອດ ​ໂດຍ​​ແມ່ນ ປະທານ ​ໂຮ່ຈິ​ມິນ ​ແລະ ປະທານ ​ໄກສອນ ພົມວິຫານ, ປະທານ ສຸພາ​ນຸວົງ ​ເປັນ​ຜູ້​ລິ​ເລີ່​ມ ​ໃນ​ໄລຍະ​ຕໍ່ສູ້ ຕ້ານ​ການ​ຮຸກ​ຮານ ຂອງ​ລັດທິ​ລ່າ​ເມືອງ​ຂື້ນ​ ແບບ​ເກົ່າ ​ແລະ ​ແບບ​ໃໝ່ ຫວຽດ-ລາວ ອ້າຍ​ນ້ອງ  ​ໄດ້​ພ້ອມ​ກັນ ​ຕໍ່ສູ້ ຄຽງ​ບ່າ​ຄຽງ​ໄລ່ ​ໃນ​ຫຼາຍ​ບັ້ນ​ຮົບ ​ເຊັ່ນ: ບັ້ນ​ຮົບ ​ກູ້​ກຽດ, ບັ້ນ​ຮົບ ​ທະ​ນົງ​ກຽດ, ບັ້ນ​ຮົບ ​ພູ​ກູດ, ບັ້ນຮົບ ​ລາມ​ເຊິ​ນ 719 ​ແລະ ບັ້ນ​ຮົບ ອື່ນໆ ຢ່າງ​ດຸ​ເດືອດ ພາຍ​ໃຕ້​ ການ​ນຳພາ ​ຂອງ​ພັກ ຄອມ​ມູ ນິດ​ອິນດູຈີນ ຈົນ​ສາມາດ ​ປົດ​ປ່ອຍ 2 ປະ​ເທດ ອອກ​ຈາກ​ການ ກົດ​ຂີ່​ຂູດ​ຮີດ​ຂອງ​ພວກ​ສັດ​ດີ​ນາ ​ແບບ​ເກົ່າ ​ແລະ ​ແບບ​ໃໝ່ ​ໄດ້​ຢ່າງ​ສົມບູນ, ມິດຕະພາບ ​ອັນ​ຍິ່ງ​ໃຫ່ຍ ​ແລະ ຄວາມ​ສາມັກຄີ​ພິ​ເສດ ລະຫວ່າງ ລາວ-​ຫວຽດນາມ ນັ້ນ ບໍ່​ແມ່ນ​ເກີດ​ຂື້ນ​ໂດຍ​ບັງ​ເອີນ, ຜ່ານ​ການທົດ​ສອບ ​ໃນ​ແປວ​ໄຟ​ຂອງ​ສັງຄົມ ຕໍ່ສູ້​ອັນ​ດຸ​ເດືອດ, ມັນ​ເກີດ​ຈາກ​ເລືອດ ​ແລະ ນ້ຳຕາ ​ແຫ່ງ​ຄວາມ​ເສຍສະຫຼະ ​ແລະ ຄວາມ​ຮັກ​ແພງ ອັນ​ດູດ​ດື່ມ ບົນ​ຈິດ​ໃຈ​ສະຫາຍ​ອ້າຍ​ນ້ອງ ດັ່ງ​ປະທານ ​ໂຮ່ຈິ​ມິນ ​ແລະ ປະທານ ​ໄກສອນ ​ໄດ້​ຂຽນ​ກາບກອນ ພັນລະນາ​ເຖິງ​ຄວາມ​ສາມັກຄີ​ລາວ-ຫວຽດນາມ ວ່າ: “ ຮັກຫອມ​ກັນ ໝາຍ​ໜັ້ນ ຫຼາຍສັນພູ​ກໍ່ປິນ​ໄຕ່, ຫຼາຍ​ນ້ຳ​ໃຫ່ຍ ​ແລະ ​ໂຄກ​ກວ້າງຂວາງ ຂັ້ນ​ກໍ່​ດຸ່ງ​ໄປ, ສອງຊາດ​ລາວ-ຫວຽດ ​ໄດ້​ຝັ່ງ​ຄວາມ​ຮັກ​ຢູ່​ໃນ​ໃຈ ຄົງ​ຄ່າ​ທັງ​ແມ່​ຂອງ​ບໍ່​ເລີກ​ປຸນ​ປານ​ໄດ້ ”.

ການຈັດ​ປາຖະກະຖາ​ໃນ​ຄັ້ງ​ນີ້ ​ເພື່ອ​ເຮັດ​ໃຫ້​ພະນັກງານ​ຫຼັກ​ແຫຼ່ງ ຂອງ​ກຳລັງ ປກສ ​ໄດ້​ຮັບ​ຮູ້​ເຂົ້າ​ໃຈ, ທົບ​ທວນຄືນ​ມູນ​ເຊື້ອ ຄວາມ​ສາມັກຄີ​ພິ​ເສດ, ການ​ຮ່ວມ​ມື​ຮອບດ້ານ ​ແລະ ​ເພື່ອ​ເປັນ​ການສະ​ເຫຼີ​ມສະ​ລອງ 2 ວັນ​ປະຫວັດສາດ ດັ່ງກ່າວ ​ໃຫ້​ມີ​ບັນຍາກາດ​ຟົດ​ຟື້ນ.

Off
19th Jul2017

ສະຫາຍ ບຸນຍັງ ວໍລະຈິດ ເລຂາທິ ການໃຫ່ຍ ຄະນະບໍລິຫານງານ ສູນກາງພັກ ປະທານ ປະເທດ ແຫ່ງ ສປປ ລາວ ໄດ້ເຂົ້າຮ່ວມ ພິທີ ປະດັບ ຫຼຽນໄຊ ຊັ້ນສູງ ຂອງພັກ, ລັດຖະບານ ແຫ່ງ ສ ສ ຫວຽດນາມ ໃຫ້ແກ່ການນຳ ຂັ້ນສູງ ພັກ, ລັດຖະບານລາວ

by somchan

​ເນື່ອງ​ໃນ​ໂອກາດ​ ສະ​ເຫຼີ​ມສະຫຼອງ​ສອງ​ ວັນ​ປະຫວັດ ສາດ ລາວ-ຫວຽດນາມ ຄື: ວັນ​ເຊັນ​ສັນຍາ​ສົນ​ທິສັນຍາ ​ມິດຕະພາບ ​ແລະ ການ​ຮ່ວມ​ມື ຄົບຮອບ 40 ປີ (18/7/1977-18/7/2017) ​ແລະ ວັນ​ສ້າງ​ຕັ້ງ​ ສາຍ​ພົວພັນ​ ການ​ທູດ ຄົ​ບຮອບ 55 ປີ (5/9/1962-5/9/2017) ວັນ​ທີ 18 ກໍລະກົດ 2017 ທີ່​ສູນ​ປະຊຸມ​ແຫ່ງ​ຊາດ ນະຄອນຫຼວງ​ວຽງ​ຈັນ ​ໂດຍ​ແມ່ນ ສະຫາຍ ນາງ ຕ່ອງຖິຟ້ອງ ກຳມະການ ກົມ​ການ​ເມືອງ ສູນ​ກາງ​ພັກ ຮອງ​ປະທານ ​ສະພາ​ແຫ່ງ​ຊາດ ​ໄດ້​ຕ່າງ​ໜ້າ ​ໃຫ້​ແກ່ ພັກ​ກອມ​ມູນິດ ​ຫວຽດນາມ ລັດຖະບານ ສສ ຫວຽດນາມ ປະດັບ ຫຼຽນ​ໄຊ​ ດາວ​ຄຳ, ຫຼຽນ​ໄຊ ​ໂຮ່​ຈິ​ມິນ, ຫຼຽນ​ໄຊ ​ເອກະລາດ ຊັ້ນ I ຂອງ​ພັກ, ລັດ​ຫວຽດນາມ ​ໃຫ້​ແກ່​ການ ​ນຳ​ຂັ້ນ​ສູງ​ພັກ, ລັດຖະບານ​ລາວ ທີ່​ມີ​ຄຸນງາມຄວາມດີ ​ແລະ ຜົນງານ​ອັນ​ດີ​ເດັ່ນ ​ໃນ​ການ​ປະກອບສ່ວນ​ຢ່າງ​ໃຫ່ຍຫຼວງ ​ເຂົ້າ​ໃນ​ການ​ເພີ່ມ​ພູມ​ຄຸນ​ສ້າງ ​ແລະ ​ເພີ່ມ​ທະວີ​ສາຍ​ພົວພັນ​ສາມັກຄີ​ພິ​ເສດ ລາວ -​ ຫວຽດນາມ ຈຳນວນ 10 ສະຫາຍ ຄື:

 

ປະດັບ ຫຼຽນ​ໄຊ​ດາວ​ຄຳ ​ໃຫ້​ແກ່​ສະຫາຍ ທອງ​ລຸນ ສີ​ສຸ​ລິດ ກຳມະການ​ກົມ​ການ​ເມືອງ​ສູນ​ກາງ​ພັກ ນາຍ​ຍົກ​ລັດຖະມົນຕີ​ແຫ່ງ ສປປ ລາວ

ປະດັບ ຫຼຽນ​ໄຊ ​ໂຮ່ຈິ​ມິນ ​ໃຫ້​ແກ່ ສະຫາຍ ຈັນ​ສີ ​ໂພ​ສີຄຳ ກຳມະການ​ກົມ​ການ​ເມືອງ​ສູນ​ກາງ​ພັກ, ​ເລຂາທິ ການ​ສູນ​ກາງ​ພັກ ຫົວໜ້າ ຄະນະ​ຈັດ​ຕັ້ງ​ສູນ​ກາງ​ພັກ, ສະຫາຍ ​ໄຊ​ສົມພ​ອນ ພົມວິຫານ ກຳມະການ​ກົມ​ການ​ເມືອງ​ສູນ​ກາງ​ພັກ ປະທານ​ສູນ​ກາງ​ແນວ​ລາວ​ສ້າງ​ຊາດ, ສະຫາຍ ພົທ ຈັນ​ສະ​ໜອນ ຈັນຍາ​ລາດ ກຳມະການ​ກົມ​ການ​ເມືອງ​ສູນ​ກາງ​ພັກ ລັດຖະມົນຕີ​ກະຊວງ​ປ້ອງ​ກັນ​ປະ​ເທດ, ສະຫາຍ ຄຳ​ພັນ ພົມ​ມະ​ທັດ ກຳມະການ​ກົມ​ການ​ເມືອງ​ສູນ​ກາງ​ພັກ ຫົວໜ້າ​ຫ້ອງ​ວ່າການ​ສູນ​ກາງ​ພັກ, ສະຫາຍ ສິນ​ລະ​ວົງ ຄູດ​ໄພທູນ ກຳມະການ​ກົມ​ການ​ເມືອງ​ສູນ​ກາງ​ພັກ ​ເຈົ້າ​ຄອງ​ນະຄອນຫຼວງ​ວຽງ​ຈັນ, ສະຫາຍ ສອນ​ໄຊ ສີ​ພັນ​ດອນ ກຳມະການ​ກົມ​ການ​ເມືອງ​ສູນ​ກາງ​ພັກ ຮອງ​ນາຍົກລັດຖະມົນ​ແຫ່ງ ສປປ ລາວ.

ປະດັບ​ຫຼຽນ​ໄຊ ​ເອກະລາດ ຊັ້ນ I ​ໃຫ້​ແກ່ ສະຫາຍ ກິ​ແກ້ວ ​ໄຂ​ຄຳ​ພິທູນ ​ເລຂາທິການ​ສູນ​ກາງ​ພັກ ຫົວໜ້າ​ຄະນະ​ໂຄສະນາ​ອົບຮົມ​ສູນ​ກາງ​ພັກ, ສະ​ຫາຍ ພົຕ ສົມ​ແກ້ວ ສີ​ລາ​ວົງ ​ເລຂາທິການ​ສູນ​ກາງ​ພັກ ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ​ແລະ ສະຫາຍ ພົຕ ວິ​ໄລ ຫຼ້າ​ຄຳ​ຟອງ ເລຂາທິການ​ສູນ​ກາງ​ພັກ ຮອງ​ລັດຖະມົນຕີກະຊວງ​ປ້ອງ​ກັນ​ປະ​ ເທ​ດ ຫົວໜ້າກົມ​ໃຫ່ຍການ​ເມືອງ​ກອງທັບ​ປະຊາຊົນ​ລາວ.

ສະຫາຍ ທອງ​ລຸນ ສີ​ສຸ​ລິດ ກຳມະການ​ກົມ​ການ​ເມືອງ​ສູນ​ກາງ​ພັກ ນາຍ​ຍົກ​ລັດຖະມົນຕີ​ແຫ່ງ ສປປ ລາວ ​ໄດ້​ຕາງໜ້າ​ໃຫ້​ບັນດາ​ສະຫາຍ​ການ​ນຳ​ຂັ້ນ​ສູງ​ພັກ, ລັດ ສປປ ລາວ ທີ່​ໄດ້​ຮັບ​ການ​ຍ້ອງຍໍ ກ່າວ​ຄຳ​ເຫັນ ​ເຊິ່ງສະ​ແດງ​ຄວາມ​ຮູ້​ບຸນຄຸນ ​ແລະ ຂອບ​ອົກ​ຂອບ​ໃຈ​ຢ່າງ​ສູງ​ຕໍ່​ພັກ,ລັດຖະບານ​ ສປປ ລາວ​ໃນ​ຄັ້ງ​ນີ້.

 

Off