29th Nov2018

ກອງປະຊຸມສະໄໝສາມັນເທື່ອທີ່ 6 ຂອງສະພາແຫ່ງຊາດ ຊຸດທີ່ 8 ໄດ້ຮັບຟ້ງບົດລາຍງານ ຂອງລັດຖະບານກ່ຽວກັບການ ຈັດຕັ້ງປະຕິ ບັດມະຕິກອງປະຊຸມສະໄໝສາມັນເທື່ອທີ່ 4 ຂອງສະພາແຫ່ງຊາດ

by somchan

ການດຳເນີນກອງປະຊຸມສະໄໝທີ່ 6 ຂອງສະພາແຫ່ງຊາດຊຸດທີ່ 8 ໃນວັນທີ່ 29 ພະຈິກ ຢູ່ທີ່ຫໍສະພາແຫ່ງຊາດຫຼັກ 6 ນະຄອນຫຼວງວຽງຈັນ ພາຍໃຕ້ການເປັນປະທານ ບຸນປອນ ບຸດຕະວົງ ຮອງປະທານສະພາແຫ່ງຊາດ ຈາກເຂດເລືອກຕັ້ງຕ່າງໆໄດ້ຮັບຟ້ງຈາກການລາຍງານຂອງ ທ່ານ ປອ ລຽນ ທີແກ້ວ ລັດຖະມົນຕີກະຊວງກະຊິກຳ ແລະ ປ່າໄມ້ ກ່ຽວກັບວຽກງານພັດຖະນາຊົນນະບົດ ແລະ ລືບລ້າງຄວາມທຸກຢາກຕິດພັນກັບເປົ້າໝາຍ ການພັດຖະນາແບບຢືນຍົງເຊີ່ງທ່ານໄດ້ຊີ້ແຈງກ່ຽວກັບການຈັດຕັ້ງປະຕິບັດແຜນພັດຖະນາຊົນນະບົດ ແລະ ລືບລ້າງຄວາມທຸກຢາກນັບແຕ່ປີ 2016-2018ລວມທິດທາງ ແລະ ມາດຕະການແຕ່ລະດ້ານຢ່າງລະອຽດ ໂດຍ ສະເພາະການຈັດຕັ້ງຜັນຂະຫຍາຍດຳລັດເລກທີ່ 348 ຂອງນາຍົກລັດຖະມົນຕີວ່າດ້ວຍມາດຕະຖານພັດທະນາທີ່ກະຊວງກະຊິກຳ ແລະ ປ່າໄມ້ໄດ້ອອກບົດແນະນຳເພື່ອຈັດຕັ້ງປະຕິບັດວຽກງານນີ້ຢ່າງເປັນເຈົ້າການໂດຍ ປະສານສົມທົບກັບອົງການຂັ້ນສູນກາງ,ອົງການປົກຄອງຂັ້ນທ້ອງຖີ່ນອົງການຈັດຕັ້ງສາກົນ ແລະ ອື່ນໆສາມາດປະຕິບັດສຳເລັດຫຼາຍດ້ານຕາມທິດຊີ້ນຳຂອງລັດຖະບານ. (more…)

Off
28th Nov2018

ລັດຖະບານປະສົບຜົນສຳເລັດໃນການຈັດຕັ້ງ ປະຕິບັດຄຳສັ່ງເລກທີ່ 15 ຂອງ ນລຕ ວ່າດ້ວຍການ ຂຸດຄົ້ນໄມ້,ການເຄື່ອນຍ້າຍໄມ້,ທຸລະກິດໄມ້ ໃຫ້ຖືກຕ້ອງຕາມກົດໝາຍ

by somchan

 

ທ່ານທອງລຸນສີສຸລິດ ນາຍົກລັດຖະມົນຕີ ໄດ້ລາຍງານຕໍ່ກອງປະຊຸມສະໄໝສາມັນເທື່ອທີ່ 6 ຂອງສະພາແຫ່ງຊາດເທື່ອທີ່ 8 ໃນວັນທີ່ 20 ພະຈິກ 2018 ນີ້ວ່າ ລັດຖະບານໄດ້ປະສົບຜົ 15 ຂອງນາຍົກລັດຖະມົນຕີ ວ່າດ້ວຍການ ຂຸດຄົ້ນໄມ້,ການເຄື່ອນຍ້າຍໄມ້ ແລະ ທຸລະກິດໄມ້ປະຈຸບັນ ທົ່ວປະເທດຍັງເຫຼືອ ໂຮງງານໄມ້ຈຳນວນ 1150 ແຫ່ງ ແລະ ຜ່ານການຈັດຕັ້ງປະຕິບັດ ນັບແຕ່ປີ 2016 ເປັນຕົ້ນມາພາກສ່ວນກ່ຽວຂ້ອງແຕ່ລະສູນກາງ ລົງຮອດ ທ້ອງຖີ່ນລວມເຖີງປະຊາຊົນແມ່ນໃຫ້ການຮ່ວມມືເປັນຢ່າງດີເຮັດໃຫ້ການສັ່ງຍົກເລີກກິດຈະການໂຮງງານໄມ້ທີ່ບໍ່ໄດ້ມາດຕະຖານ ແລະ ຍືດໄມ້ທີ່ຂຸດຄົ້ນບໍ່ຖືກລະບຽບກົດໝາຍໄດ້ຈຳນວນຫຼວງຫຼາຍ.

 

(more…)

Off
28th Nov2018

ບຸນປອນ ບຸດຕະນະວົງ ຮອງປະທານສະພາ ແຫ່ງຊາດ ໄດ້ປະກອບຄຳເຫັນ ຢູ່ໃນກອງປະຊຸມ ສະໄໝສາມັນເທື່ອທີ່ 6 ຂອງສະພາແຫ່ງຊາດຊຸດທີ່ 8

by somchan

ໃນໂອກາດທີ່ທ່ານ ບຸນປອນ ບຸດຕະນະວົງ ຮອງປະທານ ສະພາແຫ່ງຊາດ ໄດ້ປະກອບຄຳເຫັນ ຢູ່ໃນກອງປະຊຸມ ສະໄໝສາມັນເທື່ອທີ່ 6 ຂອງສະພາແຫ່ງຊາດ ຊຸດທີ່ 8 ທ່ານໄດ້ສະເໜີໃຫ້ລັດຖະບານ ເອົາໃຈໃສ່ເພີ່ມເຕີມໃນການປະຕິບັດວຽກງານ ຂອງລັດຖະບານ ເປັນຕົ້ນແມ່ນ ດ້ານເສດຖະກິດມະຫາພາກ ສະເໜີໃຫ້ເອົາໃຈໃສ່ຮັກສາສະຖຽນລະພາບ ດ້ານການເງີນ – ເງີນຕາ ແລະ ແກ້ໄຂຕົວຊີ້ວັດທີ່ມີຄວາມບອບບາງ ແລະ ມີຄວາມສ່ຽງທາງດ້ານເສດຖະກິດ ເປັນຕົ້ນແມ່ນ ຊອກວິທີການສ້າງຖານລາຍຮັບ ທີ່ໜັ້ນທ່ຽງ ແລະ ຫຼຸດຜ່ອນການຂາດດຸນງົບປະມານ, ແກ້ໄຂອຸປະສັກ ແລະ ສິ່ງກີດຂວາງຕໍ່ການຄ້າ-ການລົງທືນ, ມີສະຕິຕໍ່ການປະຕິບັດກົດໝາຍ ແລະ ຄຸ້ມຄອງເສດຖະກິດໃຫ້ມີປະສິດທິພາບ, ປະສິດທິຜົນ ແລະ ກວດສອບໄດ້ ດ້ານງົບປະມານແຫ່ງລັດໃຫ້ເພີ່ມທະວີມາດຕະຖານຈັດເກັບລາຍຮັບໃຫ້ໄດ້ຢ່າງຕ່ຳ 18,6% ຂອງ GDPເປັນຕົ້ນ ຕາມກອບດັດແກ້ຕົວເລກມະຫາພາກ, ຄົ້ນຄວ້າປັບປຸງນິຕິກຳ ທີ່ຕິດພັນກັບການຈັດເກັບລາຍຮັບໃຫ້ແທດເໜາະ ກັບສະພາບການ, ຍຸດທະສາດການພັດທະນາຂອງແຕ່ລະຂະແໜງການ ແລະ ຄວາມຕ້ອງການເຊື່ອມໂຍງເສດຖະກິດໃນປະຈຸບັນຢ່າງສົມເຫດສົມຜົນ, ປະຕິບັດທິດຊີ້ນຳໃນການສ້າງແຜນງົບປະມານໃນການສ້າງແຜນລາຍຈ່າຍບົນພື້ນຖານການມີລາຍຮັບເທົ່ານັ້ນ, ຄົ້ນຄວ້າວິທີການແກ້ໄຂໜີ້ສິນໂຄງການລົງທືນຂອງລັດທີ່ຍັງຄ້າງຊຳລະ (more…)

Off
28th Nov2018

ພິທີລະນືກວັນສາກົນຢຸດຕິການໃຊ້ ຄວາມຮຸ່ນແຮງຕໍ່ແມ່ຍີງ ແລະ ເດັກນ້ອຍ

by somchan

 

ພິທີລະນືກວັນສາກົນຢຸດຕິການໃຊ້ຄວາມຮຸ່ນແຮງ ຕໍ່ແມ່ຍີງ ແລະ ເດັກນ້ອຍ ໄດ້ຈັດໃນວັນທີ່ 27 ພະຈິກນີ້ ທີ່ຫໍວັດຖະນາທຳແຫ່ງຊາດໂດຍການ ເປັນກຽດເຂົ້າຮ່ວມຂອງ ປອ ສອນໄຊ ສີພັນດອນ ຮອງນາຍົກລັດຖະມົນຕີ ປະທານຄະນະກຳມະທິການ ແຫ່ງຊາດເພື່ອຄວາມກ້າວໜ້າ ຂອງແມ່ຍີງ ແລະ ແມ່-ເດັກ,ຈາກກະຊວງອົງການ,ຜູ້ຕາງໜ້າຈາກຄູ່ຮ່ວມພັດຖະນາ ແລະ ອົງການຈັດຕັ້ງສາກົນມີຄູອາຈານ,ນັກຮຽນນັກສືກສາຈາກໂຮງຮຽນແຫ່ງຕ່າງໆເຂົ້າຮ່ວມ.ໃນພິທີ ປອ ສອນໄຊ ສີພັນດອນໄດ້ກ່າວວ່າ: (more…)

Off
28th Nov2018

ປກສ ແຂວງອຸດົມໄຊ ກັກຕົວເປົ້າໝາຍ ຄ້າ-ຂາຍ ຢາເສບຕິດ ພ້ອມຂອງກາງ ຢາບ້າ 210,000 ກວ່າເມັດ

by somchan

ໃນວັນທີ 18 ພະຈິກ 2018 ນີ້ ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊ ສາມາດກັກຕົວເປົ້າໝາຍຄ້າ-ຂາຍຢາເສບຕິດ ໄດ້ 2 ຄົນ ພ້ອມຢຶດຢາເສບຕິດ ປະເພດຢາບ້າ 210,000 ກວ່າເມັດ ໃນຄະນະທີ່ພວກກ່ຽວກຳລັງນັດຊື້-ຂາຍຢາເສບຕິດຢູ່ຄີວລົດໂດຍສານ ເຂດບ້ານນາເລົາ ເມືອງໄຊ ແຂວງອຸດົມໄຊ ຜູ້ຕ້ອງຫາຄື: ທ້າວ ປາໄຊວ້າ ຫຼື ໝູ ອາຍຸ 28 ປີ ຢູ່ບ້ານນ້ຳຖ້ວມ ເມືອງນ້ຳບາກ ແຂວງຫຼວງພະບາງ ແລະ ທ້າວ ເພັງຢາ ອາຍຸ 24 ປີ ບ້ານວັງໄຮ ເມືອງໄຊ ແຂວງອຸດົມໄຊ. (more…)

Off
28th Nov2018

ຂໍ້ສະດວກ ແລະ ຂໍ້ຫຍຸ້ງຍາກ ໃນການ ແກ້ໄຂສິ່ງກີດຂວາງໃນການຄຸ້ມຄອງ ການເຂົ້າ-ອອກເມືອງ

by somchan

ພົຕ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ຊີ້ແຈ້ງ ແລະ ອະທິບາຍຕໍ່ການຊັກຖາມ ຂອງສະມາຊິກສະພາແຫ່ງຊາດ ໃນວັນທີ 27 ພະຈິກ 2018 ນີ້ ໃນກອງປະຊຸມສະໄໝສາມັນເທື່ອທີ່ 6 ຂອງສະພາແຫ່ງຊາດ ຊຸດທີ່ 8 ກ່ຽວກັບຂໍ້ສະດວກ ແລະ ຂໍ້ຫຍຸ້ງຍາກ ໃນການແກ້ໄຂສິ່ງກີດຂວາງໃນການຄຸ້ມຄອງ ການເຂົ້າ-ອອກເມືອງ ຂອງນັກທ່ອງທ່ຽວ ຢູ່ຕາມດ່ານຕ່າງໆ ໂດຍສະເພາະແມ່ນການປັບປຸງ ການບໍລິການເຂົ້າອອກຂອງເຈົ້າໜ້າທີ່ ພ້ອມທັງໄດ້ມີການພັດທະນາ, ເພື່ອຫັນເອົາວຽກງານການກວດກາຄົນເຂົ້າ-ອອກເມືອງ, ຄຸ້ມຄອງຄົນຕ່າງປະເທດ ເຂົ້າສູ່ການຄຸ້ມຄອງຕາມລະບຽບກົດໝາຍ. (more…)

Off
23rd Nov2018

ການປ້ອງກັນງານບຸນນະມັດສະການ ພະທາດຫຼວງວຽງຈັນ 6 ວັນ ມີປະກົດການ ຫຍໍ້ທໍ້ເກີດຂື້ນ 27 ເລື່ອງ

by somchan

ພົຈວ ບຸບຜາ ສີພົມມາ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ໄດ້ໃຫ້ຮູ້ວ່າ ໂດຍຈັດຕັ້ງ ປະຕິບັດຕາມແຜນການປ້ອງກັນງານ ບຸນນະມັດສະການ ພະທາດຫຼວງວຽງຈັນ ແລະ ງານຕະຫຼາດນັດ ສູນການຄ້າລາວ – ໄອເຕັກ ປີ 2018 ນັບແຕ່ໄດ້ເອົາກຳລັງລົງປະຈຳການ ຢູ່ຕາມຈຸດຕ່າງໆທີ່ໄດ້ກຳນົດໄວ້ ເພື່ອຮັກສາຄວາມສະຫງົບ, ປອດໄພ, ຄວາມເປັນລະບຽບຮຽບຮ້ອຍ ແຕ່ວັນທີ 15 ມາຮອດ ວັນທີ 22 ພະຈິກນີ້ ແມ່ນສາມາດ ຮັກສາ ຄວາມສະຫງົບ ແລະ ຄວາມເປັນລະບຽບຮຽບຮ້ອຍ ໄດ້ໂດຍພື້ນຖານ ແຕ່ກໍ່ປາສະຈາກບໍ່ໄດ້ມີພວກຄົນບໍ່ດີ ສວຍໂອກາດກໍ່ຄວາມບໍ່ສະຫງົບ ຢູ່ໃນງານບຸນດັ່ງກ່າວ ໃນນີ້ມີປະກົດການຫຍໍ້ທໍ້ເກີດຂື້ນ 27 ເລື່ອງ ໃນນີ້ລັກຊັບ 4 ເລື່ອງ, ແຫກກະເປົາ 4 ເລື່ອງ, ລ່ວງກະເປົາ 19 ເລື່ອງ ແລະ ອື່ນໆ ເຈົ້າໜ້າທີ່ສາມາດມ້າງໄດ້ຈຳນວນໜຶ່ງ.

Off
22nd Nov2018

ຕັດສິນປະທານ ບໍລິສັດ ພີເອັສ ພ້ມພັກພວກ ທັງໝົດ 12 ຄົນ

by somchan

ໃນວັນທີ 21 ພະຈິກ 2018 ນີ້ ສານປະຊາຊົນ ນະຄອນຫຼວງວຽງຈັນ ໄດ້ຕັດສິນລົງໂທດ ນາງ ສຸກນາລີ ເທບສີເມືອງ ອາຍຸ 48 ປີ , ທ້າວ ປໍເຮີ ຫຼື ຈີເຮີ ອາຍຸ 53 ປີ ອາດີດປະທານ ບໍລິສັດພີເອັສ ແລະ ຜູ້ຮ່ວມຂະບວນການ ອີກ 10 ຄົນ ຖືກເຈົ້າໜ້າທີ່ກັກຕົວໃນວັນທີ 12 ກັນຍາ 2017 ຂໍ້ຫາສໍ້ໂກງຊັບຂອງພົນລະເມືອງ, ການຟອກເງີນ, ໂຄສະນາຕ້ານ ສປປ ລາວ, ການເຕົ້າໂຮມກຸ່ມຄົນປັ່ນປ່ວນ ແລະ ອື່ນໆ ໃນນີ້ມີຜູ້ເສຍຫາຍ ສອງແສນກວ່າຄົນ

ລວມມູນຄ່າ 1 ພັນ 4 ຮ້ອຍຕື້ກວ່າກີບ ຜ່ານການຄົ້ນຄວ້າສຳນວນຄະດີ ແລະ ຄຳຖະແຫຼ່ງຂອງໄອຍະການປະຊາຊົນນະຄອນຫຼວງວຽງຈັນ ສານຂັ້ນຕົ້ນນະຄອນຫຼວງວຽງຈັນ ໄດ້ຕັດສິນລົງໂທດ ທ້າວ ປໍເຮີ ແລະ ນາງ ສຸກນາລີ ຈຳຄຸກ 29 ປີ ປະຕິບັດໂທດ 15 ປີ ພ້ອມປັບໄໝເງີນມູນຄ່າ 4 ຕື້ກວ່າກີບ ແລະ ຕັດສິນລົງໂທດຜູ້ຮ່ວມຂະບວນການອີກ 10 ຄົນຄື: ທ້າວ ຈັນຄຳ ອາຍຸ 35 ປີ ຢູ່ບ້ານຈອມມະນີ ເມືອງໄຊເສດຖາ ຈຳຄຸກ 3 ປີ 3 ເດືອນ ປັບໄໝ 6 ລ້ານກີບ, ທ້າວ ໄມວັນ ອາຍຸ 31 ປີ ຢູ່ບ້ານ ຈອມມະນີ ເມືອງໄຊເສດຖາ ຈຳຄຸກ 2 ປີ 6 ເດືອນ ປັບໄໝ 5 ລ້ານກີບ, ທ້າວ ອານົງສັກ ອາຍຸ 33 ປີ ຢູ່ບ້ານ ຈອມມະນີ ເມືອງໄຊເສດຖາ ຈຳຄຸກ 12 ປີ 3 ເດືອນ ປັບໄໝ 7 ລ້ານກີບ, ທ້າວ ຄຳສິງ ອາຍຸ 30 ປີ ຢູ່ບ້ານຈອມມະນີ ເມືອງໄຊເສດຖາ ຈຳຄຸກ 3 ປີ 3 ເດືອນ ປັບໄໝ 7 ລ້ານກີບ, ທ້າວ ໄຊຊົ່ງ ອາຍຸ 25 ປີ ຢູ່ບ້ານຮ່ອງສຸພາບ ເມືອງໄຊເສດຖາ ຈຳຄຸກ 4 ປີ 9 ເດືອນ ປັບໄໝ 26 ລ້ານກີບ, ທ້າວ ບຸນທຳ ອາຍຸ 43 ປີ ຢູ່ບ້ານນາຊາຍທອງ ເມືອງນາຊາຍທອງ ຈຳຄຸກ 5 ປີ ປັບໄໝ 27 ລ້ານກີບ, ທ້າວ ແກ້ວ ອາຍຸ 46 ປີ ຢູ່ບ້ານໜອງປິງ ເມືອງຈັນທະບູລີ ຈຳຄຸກ 6 ປີ ປັບໄໝ 28 ລ້ານກີບ, ນາງ ຈັນສະໜອນ ອາຍຸ 45 ປີ ຢູ່ບ້ານຈອມມະນີ ເມືອງໄຊເສດຖາ ຈຳຄຸກ 5 ປີ ປັບໄໝ 27 ລ້ານກີບ , ທ້າວ ໄຊດວງສີ ອາຍຸ 38 ປີ ຢູ່ບ້ານ ທາດເມືອງ ເມືອງຊຳເໜືອ ແຂວງຫົວພັນ ຈຳຄຸກ 4 ປີ 6 ເດືອນ ປັບໄໝ 25 ລ້ານກີບ, ທ້າວ ໄຈເຮີ ອາຍຸ 44 ປີ ຢູ່ບ້ານ ນາປ່າໄຜ່ ເມືອງໝຶ່ນ ແຂວງວຽງຈັນ ຈຳຄຸກ 6 ປີ 6 ເດືອນ ປັບໄໝ 30 ລ້ານກີບ ພ້ອມທັງໃຫ້ພວກກ່ຽວຈ່າຍທົດແທນເງີນທັງໝົດໃຫ້ກັບຜູ້ຖືກເສຍຫາຍ.

Off
21st Nov2018

ມື້ທີ່ 2 ຂອງການດຳເນີນກອງປະຊຸມສະໄໝ ສາມັນເທື່ອທີ່ 6 ຂອງສະພາແຫ່ງຊາດຊຸດທີ່ 8

by somchan

ມື້ທີ່ 2 ຂອງການດຳເນີນກອງປະຊຸມສະໄໝສາມັນ ເທື່ອທີ່ 6 ຂອງສະພາແຫ່ງຊາດຊຸດທີ່ 8 ໃນວັນທີ 21 ພະຈິກ 2018 ພາຍໃຕ້ການເປັນປະທານຂອງທ່ານ ແສງນວນ ໄຊຍະລາດ ຮອງປະທານສະພາ ແຫ່ງຊາດ, ສະມາຊິກ ສະພາແຫ່ງຊາດ ຈາກເຂດເລືອກຕັ້ງຕ່າງໆ ໄດ້ສືບຕໍ່ປະກອບຄຳເຫັນ ເຂົ້າໃສ່ບົດລາຍງານຂອງລັດຖະບານ, ອົງການກວດສວບແຫ່ງລັດ ແລະ ອົງການກວດກາ ລັດຖະບານ ທ່ານ ບຸນປັນ ດວງລາຕີ ສະມາຊິກສະພາ ແຫ່ງ ຊາດ ເຂດເລືອກຕັ້ງທີ່ 12 ແຂວງຄຳມ່ວນ ໄດ້ມີຄຳເຫັນຕໍ່ບົດລາຍງານ ຂອງລັດຖະບານ ກ່ຽວກັບແຜນພັດທະນາເສດຖະກິດສັງຄົມ ເປັນຕົ້ນແມ່ນການສົ່ງເສີມການຜະລິດເປັນສິນຄ້າ ແລະ ການພັດທະນາຊັບພະຍາກອນ ທຳມະຊາດ ຍັງບໍ່ທັນກຳນົດໄດ້ເທົ່າທີ່ຄວນ.

(more…)

Off
21st Nov2018

ຫົວໜ້າຫ້ອງການກວດກາ ແລະ ຄອບຄຸມ ຢາເສບຕິດ ໄດ້ຕ້ອນຮັບ ທ່ານ ຈູກວາງໜິງ ແຫ່ງສປຈີນ

by somchan

ໃນວັນທີ 20 ພະຈິກ 2018 ນີ້ ພັອ ອ່ອນຜິວ ໂຄ້ງວຽງທອງ ຫົວໜ້າຫ້ອງການກວດກາ ແລະ ຄອບຄຸມຢາເສບຕິດ ກົມໃຫ່ຍຕຳຫຼວດກະຊວງ ປ້ອງກັນຄວາມສະຫງົບ ພ້ອມດ້ວຍຄະນະ ໄດ້ຕ້ອນຮັບ ທ່ານ ຈູກວາງໜິງ ຫົວໜ້າພະແນກສັງລວມຂໍ້ມູນ-ຂ່າວສານ, ກົມຕຳຫຼວດປາບປາມຢາເສບຕິດ ກະຊວງ ສັນຕິບານ ແຫ່ງ ສປ ຈີນ ພ້ອມດ້ວຍຄະນະ ໃນໂອກາດທີ່ມາຢ້ຽມຢາມ ແລະ ເຮັດວຽກກ່ຽວກັບວຽກງານ ຄວບຄຸມສະກັດກັ້ນ ແລະ ຕ້ານຢາເສບຕິດ ຮ່ວມກັບເຈົ້າໜ້າທີ່ຂອງ ສປປ ລາວ ໃນໂອກາດນີ້ ທັງສອງຝ່າຍໄດ້ພ້ອມກັນ ປຶກສາຫາລື ແລະ ແລກປ່ຽນບົດຮຽນເຊິ່ງກັນ ແລະ ກັນຫຼາຍບັນຫາທີ່ພົວພັນກັບວຽກງານວິຊາສະເພາະ ເປັນຕົ້ນແມ່ນ ການມາລົງທຶນຂອງນັກທຸລະກິດຂອງ ຈີນຢູ່ລາວ ການປະຕິບັດໂຄງການປູກພຶດທົດແທນ ການປູກຝິ່ນ ຢູ່ບັນດາແຂວງພາກເໜືອຂອງລາວ ທີ່ມີຊາຍແດນຕິດຈອດກັບ ສປຈີນ ໃຫ້ໄດ້ຮັບໝາກຜົນດີ ເພື່ອເປັນການ ສ້າງລາຍຮັບ ແລະ ອາຊີບໃຫ້ປະຊາຊົນຖືກຕ້ອງຕາມກົດໝາຍ ແລະ ມີຊີວິດການເປັນຢູ່ທີ່ດີ ພ້ອມທັງແລກປ່ຽນບາງບັນຫາທີ່ພົວພັນກັບການຈັດຕັ້ງປະຕິບັດການສະກັດກັ້ນ ແລະ ຕ້ານຢາເສບຕິດລະຫວ່າງສອງປະເທດ ເພື່ອເຮັດໃຫ້ການຈັດຕັ້ງປະຕິບັດມີປະສິດທິຜົນສູງຂື້ນ.

Off
Pages:123»