27th Dec2018

ຖະແຫຼງກ່ຽວກັບຜົນສຳເລັດການດຳເນີນ ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ VIII

by somchan

ທ່ານນາງ ສວນສະຫວັນ ວິຍະເກດ ຄະນະປະຈຳສະພາແຫ່ງຊາດ ເລຂາທິການສະພາແຫ່ງຊາດ ໄດ້ຖະແຫຼງກ່ຽວກັບຜົນສຳເລັດການດຳເນີນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ 8 ເຊິ່ງເລີ່ມແຕ່ວັນທີ 20 ພະຈິກ ເຖິງ 21 ທັນວາ 2018 ລວມໄລຍະເວລາ 23 ວັນ ທ່ານໄດ້ໃຫ້ຮູ້ວ່າ: ກອງປະຊຸມນອກຈາກການເຂົ້າຮ່ວມຂອງສະມາຊິກສະພາແຫ່ງຊາດຊຸດທີ 8 ຍັງມີການນໍາ           ຂັ້ນສູງຂອງພັກ-ລັດຖະບານ, ພະນັກງານອາວຸໂສບຳນານ ແລະ ແຂກຖືກເຊີນເຂົ້າຮ່ວມ ກອງປະຊຸມໄດ້ພິຈາລະນາຮັບຮອງເອົາບັນຫາສຳຄັນພື້ນຖານຂອງຊາດ ໂດຍໄດ້ອອກເປັນມະຕິກອງປະຊຸມຈຳນວນ 21 ສະບັບຄື: ມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງລັດຖະບານກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2018 ແລະ ທິດທາງແຜນການປີ 2019 ມະຕິວ່າດ້ວຍການຮັບຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ 9 ເດືອນ, ຄາດຄະເນປະຕິບັດໝົດປີ 2018 ແລະ ແຜນການປະຈຳປີ 2019 ມະຕິວ່າດ້ວຍການຮັບຮອງເອົາການຊີ້ແຈງຂອງລັດຖະບານຕໍ່ຄຳຊັກຖາມຂອງສະພາແຫ່ງຊາດ ກ່ຽວກັບສະພາບການກໍ່ສ້າງ ແລະ ສ້ອມແປງຖະໜົນຫົນທາງໃນໄລຍະຜ່ານມາ ແລະ ທິດທາງແກ້ໄຂໃນຕໍ່ໜ້າ ແລະ ມະຕິອື່ນໆ ພ້ອມນັ້ນຍັງໄດ້ຮັບຮອງເອົາການສ້າງ ແລະ ປັບປຸງກົດໝາຍຈຳນວນ 8 ສະບັບຄື: ກົດໝາຍວ່າດ້ວຍຄົນພິການ, ກົດໝາຍວ່າດ້ວຍສຳນັກງານຜູ້ຕາງໜ້າ ສປປ ລາວ ປະຈຳຢູ່ຕ່າງປະເທດ, ກົດໝາຍວ່າດ້ວຍລາຍເຊັນເອເລັກໂຕຣນິກ, ກົດໝາຍວ່າດ້ວຍການປະກັນສຸຂະພາບ, ກົດໝາຍວ່າດ້ວຍ ຄວາມປອດໄພຈາກລັງສີ, ກົດໝາຍວ່າດ້ວຍການລົດໄຟ, ກົດໝາຍວ່າດ້ວຍທະນາຄານທຸລະກິດ (ສະບັບປັບປຸງ) ແລະ ຍັງໄດ້ປະກອບຄໍາເຫັນຕໍ່ກົດໝາຍທາບທາມ 1 ສະບັບ ຄື: ກົດໝາຍວ່າດ້ວຍທີ່ດິນ. (more…)

Off
27th Dec2018

ແຂວງອັດຕະປືຈັດກອງປະຊຸມປືກສາຫາລື ແລະ ຊຸກຍູ້ວຽກງານການຈັດຕັ້ງປະຕິບັດ ຄຳສັ່ງຂອງ ນາຍົກລັດຖະມົນຕີ

by somchan

 

ວັນທີ່ 20 ທັນວາ 2018 ນີ້ ພະແນກແຮງງານ ແລະ ສະວັດດີການສັງຄົມ ແຂວງອັດຕະປື ໄດ້ຮ່ວມກັບ ກອງບັນຊາການ ປກສ ແຂວງ ຈັດກອງປະຊຸມປືກສາຫາລື ແລະ ຊຸກຍູ້ວຽກງານ ການຈັດຕັ້ງປະຕິບັດຄຳສັ່ງ ຂອງ ນາຍົກລັດຖະມົນຕີ ວ່າດ້ວຍການອຳນວຍຄວາມສະດວກ ແລະ ໃຫ້ການຮ່ວມມື ໃນການຂື້ນທະບຽນ ແລະ ອອກບັດອະນຸຍາດເຄື່ອນໄຫວຊົ່ວຄາວ ໃຫ້ຄົນຕ່າງປະເທດ ຂື້ນທີຫ້ອງວ່າການປົກຄອງແຂວງອັດຕະປື ໃຫ້ກຽດເຂົ້າຮ່ວມຂອງ ພົຕ ກົງທອງ ພົງວິຈິດ ຮອງເລຂາພັກກະຊວງ ຮອງລັດຖະມົນຕີ ກະຊວງປ້ອງກັນຄວາມສະຫງົບ ມີທ່ານ ພົຈວ ທອງຈັນ ຈັນທະພົງ ຄະນະປະຈຳພັກແຂວງ ຫົວໜ້າກອງບັນຊາການ ປກສ ແຂວງ ຫົວໜ້າຄະນະຊີ້ນຳການຂື້ນທະບຽນ ແລະ ອອກບັດອະນຸຍາດເຄືາອນໄຫວຊົ່ວຄາວໃຫ້ຄົນຕ່າງປະເທດ ພາຍໃນແຂວງອັດຕະປື ມີກຳມະການພັກແຂວງ ຫົວໜ້າພະແນກແຮງງານ ແລະ ສະວັດດີການສັງຄົມ ຄະນະຊີ້ນຳການຂື້ນທະບຽນ ແລະ ອອກບັດອະນຸຍາດເຄື່ອນໄຫວຊົ່ວຄາວໃຫ້ຄົນຕ່າງປະເທດ,ມີພະນັກງານຈາກກະຊວງ ແລະ ພະແນກການທີ່ກ່ຽວຂ້ອງອ້ອມຂ້າງແຂວງເຂົ້າຮ່ວມ. (more…)

Off