17th Jan2019

ກະຊວງ ປກສ ສຳເລັດກອງປະຊຸມສະຫຼຸບວຽກງານປະຈຳປີ 2018 ແລະ ວາງທິດທາງແຜນການຈຸດສຸມ 2019

by somchan

ກອງປະຊຸມສະຫຼຸບວຽກງານປ້ອງກັນຄວາມສະຫງົບ ທົ່ວປະເທດປະຈຳປີ 2018 ແລະ ວາງທິດທາງແຜນການປີ 2019 ໄດ້ສຳເລັດໃນວັນທີ 16 ມັງກອນ ນີ້ ຢູ່ທີ່ຫ້ອງປະຊຸມກະຊວງ ປກສ ພາຍຫຼັງທີ່ດຳເນີນມາເປັນເວລາ 2 ວັນ ພາຍໃຕ້ການເປັນປະທານຂອງ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ, ມີຄະນະພັກກະຊວງດ ຄະນະພັກກົມໃຫ່ຍ, ກົມກອງອ້ອມຂ້າງກະຊວງ ແລະ ບັນດາຄະນະບັນຊາ ປກສ ແຂວງ ຂອບເຂດທົ່ວປະເທດເຂົ້າຮ່ວມ. (more…)

17th Jan2019

ກັກຕົວພວກຖືກຫາຄ້າ-ຂາຍຢາເສບຕິດ ພ້ອມຂອງກາງຢາບ້າ 80,000 ເມັດ

by somchan

ວັນທີ 09 ມັງກອນ 2019 ນີ້ ເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງວຽງຈັນ ໄດ້ແກ້ໄຂເປົ້າໝາຍຄ້າຂາຍຢາເສບຕິດ ຢູ່ຂອບເຂດເມືອງໂພນ ແຂວງວຽງຈັນ ສາມາດຈັບຕົວເປົ້າໝາຍໄດ້ 2 ຄົນ ພ້ອມຂອງກາງຢາບ້າ 40 ມັດ ເທົ່າກັບ 80,000 ເມັດ ຜູ້ຕ້ອງຫາທັງສອງຄົນ ຄື: ທ້າວ ມະເລົ່າ ອາຍຸ 22 ປີ ອາຊີບ ຊາວນາ ຢູ່ບ້ານ ຫ້ວຍສາລາ ເມືອງ ຫ້ວຍຊາຍ ແຂວງ ບໍ່ແກ້ວ ພ້ອມຂອງກາງຢາບ້າ 40 ມັດ ເທົ່າກັບ 80,000 ເມັດ ແລະ ທ້າວ ກົ່ວເລົ່າ ອາຍຸ 43 ປີ ອາຊີບ ຊາວນາ ຢູ່ບ້ານໂພນແຍງ ເມືອງເຟືອງ ແຂວງວຽງຈັນ (more…)

16th Jan2019

ປີ 2018 ທົ່ວປະເທດມີຄະດີເກີດຂື້ນ 6,000 ກ່ວາ ລາຍ.

by somchan

ພົຈວ ສີສະຫວາດ ແກ້ວມາລາວົງ ຄະນະປະຈຳພັກກະຊວງ ຫົວໜ້າຫ້ອງວ່າການກະຊວງ ປກສ ໄດ້ລາຍງານການຈັດຕັ້ງປະຕິບັດ 4 ຄາດໝາຍ 4 ແຜນງານ ແລະ 41 ໂຄງການທີ່ກະຊວງ ປກສ ວາງອອກຂອງກຳລັງ ປກສ ທົ່ວປະເທດໃນໜື່ງປີຜ່ານມາ (more…)

15th Jan2019

ກະຊວງ ປກສ ຈັດກອງປະຊຸມວຽກງານ ປກສ ປະຈຳປີ 2018 ແລະ ທິດທາງແຜນ ການວຽກງານຈຸດສຸມປີ 2019

by somchan

ກະຊວງ ປກສ ໄດ້ຈັດກອງປະຊຸມສະຫຼຸບ, ຕີລາຄາວຽກງານປ້ອງກັນຄວາມສະຫງົບ ການຮັກສາຄວາມເປັນລະບຽບຮຽບຮ້ອຍທາງສັງຄົມ ທົ່ວປະເທດໃນປີ 2018 ຜ່ານມາ ແລະ ວາງທິດທາງແຜນການ ວຽກງານຈຸດສຸມປີ 2019 ໃນວັນທີ 15 ມັງກອນ ນີ້ ໂດຍພາຍໃຕ້ການເປັນ ປະທານຂອງ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງ ປກສ, ມີບັນດາຄະນະພັກ-ຄະນະນຳກະຊວງ, ກົມໃຫ່ຍ, ກົມ-ກອງອ້ອມຂ້າງກະຊວງ ປກສ ນະຄອນຫຼວງວຽງຈັນ ແລະ ປກສ ແຂວງທົ່ວປະເທດເຂົ້າຮ່ວມ. (more…)

15th Jan2019

ເອກອັກຄະລາຊະທູດຍີ່ປຸ່ນ ຢ້ຽມຂ່ຳນັບລັດຖະມົນຕີ ກະຊວງ ປກສ

by somchan

ໃນວັນທີ 14 ມັງກອນ ນີ້ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ ຕາເຄຊິ ຮິກິຮາຣະ ເອກອັກຄະລາຊະທູດຍີ່ປຸ່ນ ປະຈຳ ສປປ ລາວ ໃນໂອກາດທີ່ ພົທ ວິໄລ ຫຼ້າຄຳຟອງ ໄດ້ຖືກແຕ່ງຕັ້ງເປັນ ລັດຖະມົນຕີກະຊວງປ້ອງກັນຄວາມສະຫງົບຄົນໃໝ່. (more…)

15th Jan2019

ຈັບຜູ້ຂົນສົ່ງເຮໂຣອິນ 180 ແທ່ງ ແລະ ຢາບ້າ 5,700,000 ກວ່າເມັດ

by somchan

ໃນວັນທີ 13 ມັງກອນ 2019 ນີ້ ເຈົ້າໜ້າທີ່ຫ້ອງການ ປກຊ-ປກສ ໄດ້ສົມທົບກັບກອງປະຕິບັດງານສືບຂ່າວ 034 ແລະ ກອງຮ້ອຍຊາຍແດນ 122 ແຂວງບໍ່ແກ້ວ ກວດຄົ້ນລົດກະບະວີໂກ້ ໝາຍເລກທະບຽນ ນຂ 5888 ກຳແພງນະຄອນ ເຊິ່ງເປັນລົດເປົ້າໝາຍຕ້ອງສົງໄສເຄື່ອນໄຫວຂົນສົ່ງຢາເສບຕິດ  ຜ່ານການກວດຄົ້ນລົດຄັນດັ່ງກ່າວພົບເຫັນ ຢາເສບຕິດປະເພດຢາບ້າລວມມີ 2,883 ມັດ ເທົ່າກັບ 5,764,000 ເມັດ, ເຮໂຣອິນ 90 ຄູ່ ເທົ່າກັບ 180 ແທ່ງ, ເງີນບາດໄທ 15,000 ບາດ ລົດຄັນດັ່ງກ່າວ ຂັບຂີ່ໂດຍ ທ້າວຊົງທໍ ອາຍຸ 27 ປີ, ຢູ່ບ້ານ ທ່າບູ້ ເມືອງນ້ຳບາກ ແຂວງຫຼວງພະບາງ.

(more…)

14th Jan2019

ສະຫະພັນແມ່ຍິງ ກະຊວງ ປກສ ໄດ້ປາຖະ ກະຖາວັນສ້າງຕັ້ງສະຫະພັນແມ່ຍິງກຳລັງ ປ້ອງກັນຄວາມສະຫງົບ ຄົບຮອບ 53 ປີ

by somchan

ສະຫະພັນແມ່ຍິງ ກະຊວງປ້ອງກັນຄວາມສະຫງົບ ໄດ້ປາຖະກະຖາ ວັນສ້າງຕັ້ງສະຫະພັນແມ່ຍິງ ກຳລັງປ້ອງກັນຄວາມສະຫງົບ ຄົບຮອບ 53 ປີ ໃນວັນທີ 11 ມັງກອນ ນີ້ ໂດຍການເປັນກຽດເຂົ້າຮ່ວມ ພົຈວ ອາລູ ວາລືຊື່ຄະນະພັກກະຊວງ ຫົວໜ້າກົມໃຫ່ຍການເມືອງ ປ້ອງກັນຄວາມສະຫງົບ ຜູ້ຊີ້ນຳອົງການຈັດຕັ້ງມະຫາຊົນກະຊວງ, ມີຄະນະສະຫະພັນແມ່ຍິງກະຊວງ, ບັນດາກົມກອງອ້ອມຂ້າງເຂົ້າຮ່ວມ.

(more…)

14th Jan2019

ລັດຖະມົນຕີ ກະຊວງ ປກສ ພົບປະໂອ້ລົມ ກົມໃຫ່ຍ 502

by somchan

ວັນທີ 10 ມັງກອນ ນີ້ ຢູ່ທີ່ສະໂມສອນກະຊວງປ້ອງກັນຄວາມສະຫງົບ, ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ, ໄດ້ພົບປະໂອ້ລົມຄະນະພັກ, ຄະນະນຳ ແລະ ພະນັກງານຫຼັກແຫຼ່ງ ກົມກອງອ້ອມຂ້າງກົມໃຫ່ຍສັນຕິບານ ໃນໂອກາດທີ່ທ່ານໄດ້ຮັບການແຕ່ງຕັ້ງໃຫ້ປະຕິບັດໜ້າທີ່ເປັນ ລັດຖະມົນຕີກະຊວງ ປກສ ຜູ້ໃໝ່ ໃຫ້ກຽດ ພົຈວ ບຸນມີ ແສງຄຳຢອງ ຄະນະປະຈຳພັກກະຊວງ,                  ຫົວໜ້າກົມໃຫ່ຍສັນຕິບານ, ກະຊວງປ້ອງກັນຄວາມສະຫງົບ, ພ້ອມດ້ວຍຄະນະພັກ-ພະນັກງານຫຼັກແຫຼ່ງກົມກອງອ້ອມຂ້າງກົມໃຫ່ຍສັນຕິບານ. (more…)

11th Jan2019

ເຊັນບົດບັນທືກມອບ-ຮັບຜູ້ຕ້ອງຫາ ລະຫວ່າງກະຊວງປ້ອງກັນຄວາມສະຫງົບ ແຫ່ງ ສປປລາວ ກັບກະຊວງສັນຕິບານ ແຫ່ງ ສປປ ຈີນ

by somchan

ໃນວັນທີ່ 11 ມັງກອນ 2019 ນີ້ ຢູ່ທີ່ສະໝາມບີນວັດໄຕ ນະຄອນຫຼວງວຽງຈັນ, ຈີນລະຫວ່າງກະຊວງປ້ອງກັນຄວາມສະຫງົບ ແຫ່ງ ສປປລາວ ນຳໂດຍ ທ່ານ ພົຈ ປອ ຄຳມ້າວ ຫຼ້າຈັນເພັດ ຮອງຫົວໜ້າກົມໃຫ່ຍສັນຕິບານ ພ້ອມຄະນະ ,ກັບກະຊວງສັນຕິບານ ແຫ່ງ ສປປ ຈີນ ນຳໂດຍ ທ່ານ ຈ້າວເກີນ ຢວນ ຫົວໜ້າກອງສືບສວນອາຍາ ຮອງກອງບັນຊາການຕຳຫຼວດແຂວງ ເທີໜານ ພ້ອມດ້ວຍຄະນະ ໄດ້ເຊັນບົດບັນທືກມອບ-ຮັບຜູ້ຖືກຫາ ສັນຊາດ-ຈີນ ທີ່ເຄື່ອນໄຫວກໍ່ອາດສະຍາກຳທາງດ້ານໂທລະຄົມ,(CALL CENTER),ຈຳນວນ 191 ຄົນ ເພື່ອນຳໄປດຳເນີນຄະດີຢູ່ກອງບັນຊາການຕຳຫຼວດແຂວງ ເທີໜານ ສາທາລະນະລັດປະຊາຊົນຈີນ. (more…)

11th Jan2019

ປກສ ແຂວງ ໄຊຍະບູລີ ເລີກຮື້ກຸ່ມແກ້ງຂະຫຍາຍຢາເສບຕິດຍຶດຂອງກາງຢາບ້າ 80.000 ກວ່າເມັດ

by somchan

ທ້າຍເດືອນທັນວາ 2018 ຜ່ານມານີ້, ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດຫ້ອງຕໍາຫຼວດ ປກສ ແຂວງ ໄຊຍະບູລີ ໄດ້ສົມທົບກໍາລັງວິຊາສະເພາະ ຂອງກອງບັນຊາການ ປກສ ເມືອງພຽງ ແລະ ປກສ ເມືອງເງິນ. ດໍາເນີນການເລີກຮື້ເປົ້າໝາຍຄ້າຂາຍຢາເສບຕິດສາມາດແກ້ໄຂເປົ້າໝາຍທີ່ເປັນເຄື່ອຂ່າຍກຸ້ມແກ້ງດຽວກັນ ມາດໍາເນີນຄະດີຕາມລະບຽບກົດໝາຍຄື ໄດ້ 5 ຄົນ                 ພ້ອມຂອງກາງຢາເສບຕິດທັງໝົດ 89,000 ກວ່າເມັດ ແລະ ເຄື່ອງອື່ນໆອີກຫຼາຍລາຍການ ເຈົ້າໜ້າທີ່ໄດ້ໃຫ້ຮູ້ວ່າ ໃນເວລາ 21:00 ໂມງ ຂອງວັນທີ 30 ທັນວາ 2018 ໄດ້ກັກຕົວທ້າວ ຊື່ຊົງ ອາຍຸ 32 ປີ ແລະ ທ້າວ ໃຈຊົງ ອາຍຸ 24 ປີ ທັງສອງຄົນຢູ່ ບ້ານນໍ້າປຸຍ ເມືອງພຽງ ແຂວງ ໄຊຍະບູລີ ເຊິ່ງພວກກ່ຽວກຳລັງຂົນສົ່ງຢາເສບຕິດ ພ້ອມວັດຖຸຂອງກາງຢາເສບຕິດ ປະເພດຢາບ້າທີ່ຊຸກເຊື່ອງໄວ້ຢູ່ໃນກະບະລົດໃຫ່ຍ ຈໍານວນ 5 ມັດ ເທົ່າກັບ 10.000 ເມັດ ໂທລະສັບມືຖື 02 ເຄື່ອງ ເງິນກີບ 1.200.000 ກີບ , ເງິນບາດ 500 ບາດ, ລົດຈັກ 01 ຄັນ ຍີ່ຫຍໍ້ HONDA ເວບ 100 ສີປອນດໍາ ໝາຍເລກທະບຽນ ຈຍ 2939 ໄຊຍະບູລີ, ລົດກະບະສີ່ປະຕູ 01 ຄັນ ຍີ່ຫຍໍ້ ແດຣັນ ສີຂາວ; ບໍ່ມີໝາຍເລກທະບຽນ ຈາກນັ້ນໃນເວລາຕໍ່ມາເຈົ້າໜ້າທີ່ຈຶ່ງເຂົ້າກວດຄົ້ນເຮືອນ ຂອງທ້າວ ໃຈຊົງ. ໄດ້ພົບເຫັນວັດຖຸຂອງກາງຢາບ້າເພີ່ມຕື່ມ 1,595 ເມັດ ເຈົ້າໜ້າທີ່ຈິ່ງນຳຕົວພວກກ່ຽວມາສືບສວນ – ສອບສວນ. ຕໍ່ມາຮອດວັນທີ 1 ເດືອນ ມັງກອນ 2019 ເຈົ້າໜ້າທີ່ສາມາດຂະຫຍາຍຜົນ, ກັກຕົວເປົ້າໝາຍທີ່ຮ່ວມຂະບວນການດຽວກັນຄື: ທ້າວ ຜາຫວາ ອາຍຸ 31 ປີ ແລະ ທ້າວ ພາທໍ່ ອາຍຸ 30 ປີ ທັງສອງຄົນຢູ່ ບ້ານ ປົ່ງແປ້ນ ເມືອງ ຊຽງຮ່ອນ ແຂວງ ໄຊຍະບູລີ ຍຶດໄດ້ວັດຖຸຂອງກາງຢາເສບຕິດປະເພດ ( ຢາບ້າ ) ຈໍານວນ 14 ມັດ ເທົ່າກັບ 28.000 ເມັດ, ໂທລະສັບມືຖື 03 ເຄື່ອງ, ເງິນກີບ 9.720.000 ກີບ , ເງິນບາດ 6.600 ບາດ, ສາຍຄໍຄ້າຍຄືຄໍາ 01 ເສັ້ນ ນໍ້າໜັກ 29 ກຼາມ , ລົດຈັກ 02 ຄັນ ຍີ່ຫຍໍ້ ຮອນດາຄິກໄອ 125 ສີຂາວສົ້ມ, ໝາຍເລກທະບຽນ ຈຍ 6773 ໄຊຍະບູລີ. ຮອດເວລາ 15 ໂມງ 00 ນາທີ ຂອງວັນດຽວກັນ ເຈົ້າໜ້າທີ່ໄດ້ສືບຕໍ່ດໍາເນີນການສືບສວນ – ສອບສວນ ສາມາດຂະຫຍາຍຜົນຫາກຸ່ມແກ້ງເຄືອຂ່າຍດຽວກັນທີ່ກໍາລັງເຄື່ອນໄຫວຢູ່ຂອບເຂດເທດສະບານເມືອງເງິນ ແຂວງໄຊຍະບູລີ, ໂດຍສົມທົບກັບກໍາລັງວິຊາສະເພາະຂອງ ປກສ ເມືອງເງິນລົງເຄື່ອນໄຫວຕິດຕາມ ກໍ່ສາມາດເຂົ້າກັກເປົ້າໝາຍໄດ້ເພີ່ມອີກ 01 ຄົນຄື: ທ້າວ ວາ ປໍວາ ອາຍຸ 43 ປີ ຢູ່ບ້ານຊຽງຕອງ, ເມືອງປາກທາ ແຂວງບໍ່ແກ້ວ ຍຶດໄດ້ຂອງກາງຢາເສບຕິດ ປະເພດ ( ຢາບ້າ ) ທີ່ຊຸກເຊື່ອງໄວ້ຢູ່ໃນກະບະລົດໃຫ່ຍ ຈໍານວນ 25 ມັດ ເທົ່າກັບ 50.000 ເມັດ ໂທລະສັບມືຖື 01 ເຄື່ອງ, ສາຍຄໍສີເຫຼືອງຄ້າຍຄືຄໍາ 01 ເສັ້ນ, ນໍ້າໜັກ 45, 22 ກຼາມ, ລົດກະບະຍີ່ຫຍໍ້ ໂຕໂຢຕາ ລີໂວ ໝາຍເລກທະບຽນ ກກ 3901 ອຸດົມໄຊ ເຈົ້າໜ້າທີ່ຈຶ່ງໄດ້ນໍາຕົວຜູ່ກະທໍາຜິດ ພ້ອມທັງຮີບໂຮມວັດຖຸຂອງກາງທັງໝົດມາດໍາເນີນຄະດີຕາມລະບຽບກົດໝາຍ.

Pages:123»