25th Mar2020

ລັດຖະບານ ອອກຫຼາຍມາດຕະການ ເພື່ອປ້ອງກັນ, ຮັບມື ແລະ ແກ້ໄຂການແຜ່ລະບາດຂອງໂຄວິດ-19

by somchan

ທ່ານ ທອງລຸນ ສີລຸນລິດ ນາຍົກລັດຖະມົນຕີ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ໄດ້ຖະແຫຼ່ງຂ່າວຕໍ່ສື່ມວນຊົນ ທຸກຂະແໜງການອ້ອມຂ້າງສູນກາງ ໃນວັນທີ 25 ມີນາ 2020 ນີ້, ທີ່ຫ້ອງປະຊຸມສຳນັກງານນາຍົກລັດຖະມົນຕີວ່າ ນັບແຕ່ວັນທີ 18 ມີນາ 2020 ມາຮອດປະຈຸບັນນີ້ ລັດຖະບານ ໄດ້ອອກບັນດາມາດຕະການສຳຄັນຕ່າງໆຫຼາຍມາດຕະການ ເພື່ອປ້ອງກັນ, ຮັບມື ແລະ ແກ້ໄຂການແຜ່ລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່ໂຄວິດ-19

ແລະ ຢູ່ໃນສະພາບປະຈຸບັນນີ້, ປະເທດລາວໄດ້ມີຜູ້ຕິດເຊື້ອແລ້ວ 3 ກໍລະນີ ແລະ ແຮງງານລາວຈຳນວນຫຼວງຫຼາຍໄດ້ເດີນທາງກັບເຂົ້າມາປະເທດ ດັ່ງນັ້ນລັດຖະບານຈຶ່ງໄດ້ເພີ່ມທະວີ ຍົກລະດັບມາດຕະການຢ່າງເຄັງຄັດ ເພື່ອສະກັດກັ້ນ ແລະ ຕ້ານການລະບາດຂອງພະຍາດດັ່ງກ່າວ ເຊິ່ງບາງຕອນທ່ານໄດ້ກ່າວວ່າ:

25th Mar2020

ກອງປະຊຸມໃຫຍ່ຜູ້ແທນແມ່ຍີງກະຊວງປ້ອງກັນຄວາມສະຫງົບຄັ້ງທີ VII

by somchan

ກອງປະຊຸມໃຫຍ່ຜູ້ແທນແມ່ຍີງກະຊວງປ້ອງກັນຄວາມສະຫງົບຄັ້ງທີVII ໄດ້ຈັດໃນວັນທີ 24 ມີນາ2020ນີ້ ໂດຍການເປັນປະທານຂອງ ພັອ ນາງ ວັດຊະລີ ສິດທິລືໄຊ ຄະນະບໍລິຫານງານສະ ຫະພັນແມ່ຍີງລາວ ປະທານສະຫະພັນແມ່ຍີງກະຊວງ ປກສ ເປັນກຽດເຂົ້າຮ່ວມຂອງ ພົຕ ບຸນມີ ແສງຄຳຍອງ ຄະນະປະຈຳພັກກະຊວງ ຜູ້ຊ່ວຍລັດຖະມົນຕີກະຊວງ ປກສ ມີທ່ານ ດຣ ນາງ ອີນລະວັນ ແກ້ວບຸນພັນ ປະທານສູນກາງສະຫະພັນແມ່ຍີງລາວ ມີບັນດາແຂກຖືກເຊີນຈາກບັນດາກົມ ກອງອ້ອມຂ້າງກະຊວງ.ບັນດາຮາກຖານ.ຫນ່ວຍແລະຜູ້ແທນສົມບູນເຂົ້າຮ່ວມ.

ໃນກອງປະຊຸມ ພັທ ນາງຄຳຢາດ ວິໄລວັນ ຮອງ ຄະນະບໍລິຫານງານສະຫະພັນແມ່ຍີງກະຊວງ ປກສ ໄດ້ຜ່ານບົດລາຍງານການເມືອງ ໂດຍໄດ້ຍົກໄຫ້ເຫັນຜົນງານທີ່ພົ້ນເດັ່ນຫລາຍດ້ານ. ໃນນິ້, ຄະນະສະຫະພັນແມ່ຍີງແຕ່ລະຂັ້ນໄດ້ເອົາໃຈໃສ່ສຶກສາອົບຮົມການເມືອງແນວຄິດໃຫ້ແກ່ສະມາຊິກຢູ່ໃນຂອບເຂດຄວາມຮັບຜິດຊອບດ້ວຍຫລາຍຮູບຫລາຍແບບ ໄດ້ນຳພາສະມາຊິກເຂົ້າຮ່ວມເຊື່ອມຊືມເອກະສານຕ່າງໆ 592 ຄັ້ງ ມີ 33.889 ເທື່ອຄົນ ເຂົ້າຮ່ວມດຳເນີນຊີວິດການເມືອງນຳອົງການຈັດຕັ້ງພັກ-ລັດແລະມະຫາຊົນເປັນປົກກະຕີໃນແຕ່ລະປີ ໄດ້ຈັດຕັ້ງເຜີຍແຜ່ມະຕິກອງປະຊຸມໃຫຍ່ຄັ້ງທີVIIຜູ້ແທນແມ່ຍີງລາວທົ່ວປະເທດ. ມະຕິກອງປະຊຸມຄົບຄະນະສູນກາງສະຫະພັນແມ່ຍີງລາວແລະມະຕິອື່ນໆໄດ້ເປັນຢ່າງດີ ຜ່ານການສືກສາອົບຮົມເຮັດໃຫ້ສະມາຊິກມີແນວຄິດອຸ່ນອ່ຽງທຸ່ນທ່ຽງມີຄວາມສາມັກຄີພາຍໃນ ຮັກສາແລະເສີມຂະຫຍາມມູນເຊື້ອຂອງແມ່ຍີງລາວ.ວຽກງານກໍ່ສ້າງພະນັກງານເພດຍີງ ໄດ້ເອົາໃຈໃສ່ສ້າງແຜນກຳນົດພະນັກງານສືບທອດປ່ຽນແທນໃນແຕ່ລະຂັ້ນ.ສົ່ງໄປຍົກລະດັບດ້ານຕ່າງໆທັງພາຍໃນແລະຕ່າງປະເທດ 170ສະຫາຍ.ຍົກລະດັບທິດສະດີ123ສະຫາຍ.ພາສາຕ່າງປະເທດ351ສະຫາຍ.ຝຶກອົບຮົມ664ສະຫາຍເຮັດໃຫ້ສະມາຊິກແມ່ຍີງມີຄວາມຫນັກແຫນ້ນເຂັ້ມແຂງມີຄວາມເຕີບໃຫຍ່ຂະຫຍາຍຕົວເປັນກ້າວໆມາ ສະມາຊິກແມ່ຍີງຫລາຍສະຫາຍມີຄວາມກ້າວຫນ້າໄດ້ເຂົ້າຮຽນສະຫນັບສະຫນູນ ລະບຽບພັກ773ສະຫາຍ.ເຂົ້າເປັນສະມາຊິດພັກ598ສະຫາຍໃດ້ຮັບເລືອກເປັນຄະນະພັກກົມໃຫຍ່.ຫ້ອງວ່າການກະຊວງ6ສະຫາຍ.ເປັນຄະນະພັກຮາກຖານ9ສະຫາຍ.ຄະນະຫນ່ວຍຮາກຖານແລະຄະນະຫນ່ວຍພັກ 69ສະຫາຍ ທຽບໃສ່ກອງປະຊູມໃຫ່ຍຄັ້ງທີ6ເພີ່ມຂື້ນ16ສະຫາຍ ໄດ້ຮັບການແຕ່ງຕັ້ງເປັນຫົວໜ້າກົມ ແລະ ຫ້ອງ 7ສະຫາຍ ,ຮອງກົມແລະຮອງຫ້ອງ 18 ສະຫາຍ , ຫົວໜ້າພະແນກຫຼືທຽບເທົ່າ 121 ສະຫາຍ,ຮອງພະແນກຫຼືທຽບເທົ່າ 286ສະຫາຍ, ໄດ້ນຳພາຄົ້ນຄ້ວາປະຕິບັດນະໂຍບາຍດ້ານຕ່າງໆຢ່າງເຫມາະສົມເປັນຕົ້ນຫລຽນໄຊແຮງງານຊັ້ນ2: 153ສະຫາຍ.ຊັ້ນ3: 281ສະຫາຍ.ຫລຽນກາແຮງງານ 104ສະຫາຍ. ໃບຍ້ອງຍໍປະເພດຕ່າງໆ 2.185 ສະຫາຍ.ໃບຍ້ອງຍໍແມ່ຍີງ3ດີ 1.784ສະຫາຍ.ໃບຊົມເຊີຍ 83ສະຫາຍ.ນອກຈາກນັ້ນກໍ່ໄດ້ໃຫ້ຄຳປືກສາຕໍ່ແມ່ຍີງຜູ້ທີ່ພົບຄວາມຫຍຸ້ງຍາກສັບສົນ.ຈັດຕັ້ງກອງປະຊຸມສົ່ງເສີມຄວາມສະເຫມີພາບລະຫວ່າງຍີງ-ຊາຍຕ້ານການໄຊ້ຄວາມຮຸນແຮງຕໍ່ແມ່ຍີງແລະເດັກ.ປຸກລະດົມຊຸກຍູ້ການຈັດຕັ້ງປະຕິບັດ.ຕິດຕາມກວດກາປະເມີນຜົນສະຫລຸບຖອດຖອນບົດຮຽນການຈັດຕັ້ງປະຕິບັດຂໍ້ແຂ່ງຂັນແມ່ຍີງ3ດີຕິດພັນກັບການຈັດຕັ້ງປະຕິບັດ4ແຜນງານ41ໂຄງການ.ປັບປຸງລະບຽບວິໄນແກ້ໄຂປະກົດການຫຍໍ້ທໍ້.ການກໍ່ສ້າງກົມກອງເຂັ້ມແຂງ.ຫນ່ວຍພັກປອດໄສ ເຂັ້ມແຂງຫນັກແຫນ້ນ.ຂະບວນການແຂ່ງຂັນຮັກຊາດແລະພັດທະນາ ໄລຍະ5ປີຜ່ານມາມີສະມາຊິກເຂົ້າຮ່ວມແຂ່ງຂັນທັງຫມົດ 2.994ສະຫາຍ.ຄັດເລືອກໄດ້ພົນລະເມືອງດີ 2.139 ສະຫາຍ, ພັດທະນາດີ2.098ສະຫາຍ, ສ້າງຄອບຄົວດີມີຄວາມຜາສຸກ2.131ສະຫາຍ, ສາມດີປະເພດ1ມີ2063ສະຫາຍ. ສາມດີປະເພດ 2 ມີ 90 ສະຫາຍ, ຫນ່ວຍແມ່ຍີງສາມດີ117ຫນ່ວຍ, ສະຫະພັນແມ່ຍີງ3ດີມີ16ຮາກຖານ, ຈາກນັ້ນບັນດາຜູ້ເຂົ້າຮ່ວມກອງປະຊຸມກໍ່ໄດ້ພ້ອມກັນປະກອບຄຳຄິດຄຳເຫັນໄສ່ບົດລາຍງານການເມືອງ ເພື່ອໃຫ້ມີເນື້ອນໃນຄົບຖ້ວນສົມບູນ ເພື່ອພ້ອມກັນສຸມໃສ່ຈັດຕັ້ງປະຕິບັດໃນຕໍ່ໜ້າໃຫ້ມີຜົນສຳເລັດ

25th Mar2020

ຮອງຫົວໜ້າຕຳຫຼວດກວດຄົນເຂົ້າ-ອອກເມືອງ ປະຈຳດ່ານສາກົນວັດໄຕ ໄດ້ໃຫ້ສຳພາດຕໍ່ສື່ປ້ອງກັນຄວາມສະຫງົບ

by somchan

ພັຕ ຄຳພຽງ ສາລະພູຄຳ ຮອງຫົວໜ້າຕຳຫຼວດກວດຄົນເຂົ້າ-ອອກເມືອງ ປະຈຳດ່ານສາກົນວັດໄຕ ໄດ້ໃຫ້ສຳພາດຕໍ່ສື່ປ້ອງກັນຄວາມສະຫງົບ ໃນວັນທີ 24 ມີນາ ນີ້ວ່າ: ໃນການປ້ອງກັນ, ສະກັດກັ້ນພະຍາດອັບເສບປອດ ຈາກເຊື້ອຈຸລະໂລກສາຍພັນໃໝ່ ໂຄວິດ 19 ທີ່ໄດ້ແຜ່ລະບາດ ຢູ່ໃນຫຼາຍປະເທດໃນທົ່ວໂລກ ເຮັດໃຫ້ພົນລະເມືອງຫຼາຍປະເທດຕິດເຊື້ອ ແລະ ເສຍຊີວິດຈຳນວນຫຼວງຫຼາຍ ແລະ ໄດ້ສົງຜົນກະທົບໂດຍກົງຕໍ່ການສັນຈອນ ທາງອາກາດ ແລະ ທາງບົກ ຫຼາຍປະເທດໃນໂລກ ໄດ້ມີການປິດສາຍການບີນໃນການຂົນສົ່ງຜູ້ໂດຍສານທາງອາກາດ ແລະ ທາງບົກເພືອພ້ອມກັນປ້ອງກັນສະກັດກັ້ນການແຜ່ລະບາດຂອງພະຍາດດັ່ງກ່າວ ໃນນີ້ທາງເຈົ້າໜ້າທີຕຳຫຼວດຄົນເຂົ້າ-ອອກເມືອງປະຈຳດ່ານສາກົນສະໝາມບີນສາກົນວັດໄຕ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ປະສານສົມທົບກັບພາກສ່ວນສາທາລະນະສຸກ ເອົາໃຈໃສ່ໃນການປ້ອງກັນສະກັດກັ້ນຕໍ່ເຊື້ອພະຍາດດັ່ງກ່າວ ດ້ວຍຄວາມເອົາໃຈໃສ່ຮັບຜິດຊອບສູງ ໃນການກວດກັ່ນຕອງຜູ້ໂດຍສານທີ່ເດີນທາງເຂົ້າມາ ສາທາລະນະລັດ ປະຊາທິປະໄຕ ປະຊາຊົນລາວ ເຊີ່ງຄຳເຫັນສຳພາດ ທ່ານ ໄດ້ກ່າວ:

25th Mar2020

ປະເທດລາວກວດພົບຜູ້ຕິດເຊື້ອພະຍາດໂຄວິດ-19 2 ກໍລະນີ

by somchan

ຮອງ ສຈ ດຣ ພູທອນ ເມືອງປາກ ຮອງລັດຖະມົນຕີ ກະຊວງສາທາລະນະສຸກ ໄດ້ຖະແຫ່ງຂ່າວໃນຕອນບ່າຍຂອງວັນທີ 24 ມີນາ 2020 ວ່າ: ປະເທດລາວໄດ້ກວດກາ ແລະ ເຝົ້າລະວັງ ການແພ່ລະບາດຂອງພະຍາດໂຄວິດ-19 ຢ່າງຈິງຈັງ ໂດຍມາຮອດ ວັນທີ 24 ມານີ ນີ້, ແມ່ນໄດ້ກວດກໍລະນີສົງໄສລວມທັງໝົດ 131 ກໍລະນ ແລະ ພົບຜູ້ຕິດເຊື້້ອພະຍາດດັ່ງກ່າວແລ້ວ 2 ກໍລະນີ.

ເຊິ່ງກໍລະນີຕິດເຊື້ອຜູ້ທີ 1: ແມ່ນເປັນເພດຍິງ ອາຍຸ 36 ປີ ອາຊີບນຳພານັກທ່ອງທ່ຽວຕ່າງປະເທດ, ສ່ວນກໍລະນີຜູ້ທີ 2: ແມ່ນເພດຊາຍ ອາຍຸ 28 ອາຊີບ ອາຊີບພະນັກງານຢູ່ໂຮງແຮມ ແລະ ມີປະຫັວໄປສຳມະນາຢູ່ຕ່າງປະເທດ.

ເຊິ່ງປະຈຸບັນແມ່ນໄດ້ຮັບການປິ່ນປົວຕິດຕາມອາການຢ່າງໃກ້ຊິດ ຈາກແພດໝໍຜູ້ຊ່ຽວຊານ ຢູ່ໂຮງແຮມມິດຕະພາບ-150 ຕຽງ.