08th Jun2020

ກອງປະຊຸມໃຫ່ຍ ຜູ້ແທນຂອງອົງຄະນະພັກ ຫ້ອງວ່າການກະຊວງປ້ອງກັນຄວາມສະຫງົບ ຄັ້ງທີ 6

by somchan

ພົຈວ ສົມວັນ ສາຍລ້ອງພາ ຄະນະພັກກະຊວງ ເລຂາຄະນະພັກ ຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ ໄດ້ລາຍງານຕໍ່ກອງປະຊຸມໃຫ່ຍ ຜູ້ແທນຂອງອົງຄະນະພັກ ຫ້ອງວ່າການກະຊວງປ້ອງກັນຄວາມສະຫງົບ ຄັ້ງທີ 6 ໃນວັນທີ 4 ມີຖຸນາ 2020 ນີ້ ວ່າຜ່ານການຈັດຕັ້ງປະຕິບັດ ມະຕິກອງປະຊຸມໃຫ່ຍຄັ້ງທີ 5 ຂອງອົງຄະນະພັກ ຫ້ອງວ່າການກະຊວງປ້ອງກັນຄວາມສະຫງົບ ໃນໄລຍະ 5 ປີ ຜ່ານມາ ອົງຄະນະພັກຫ້ອງວ່າການ ກະຊວງປ້ອງກັນຄວາມສະຫງົບ ສາມາດສ້າງໄດ້ຜົນງານ, ຜົນສຳເລັດຫຼາຍດ້ານຕາມການມອບໝາຍຂອງພັກ-ລັດ ແລະການຈັດຕັ້ງຂັ້ນເທີງເປັນຕົ້ນວຽກງານກໍ່ສ້າງພັກ-ກໍ່ສ້າງພະນັກງານ ເຊີ່ງຜ່ານມາໄດ້ເອົາໃຈໃສ່ປັບປຸງກໍ່ສ້າງພັກຕາມ 5 ຫຼັກການ 3 ທິດນຳ ເພື່ອເຊີດຊູບົດບາດ ຄວາມສາມາດນຳພາ ແລະ ຄວາມຮັບຜິດຊອບຂອງຄະນະພັກແຕ່ລະຂັ້ນ ໄດ້ປັບປຸງແບບແຜນວິທີເຮັດວຽກ ແລະ ໄດ້ສູ້ຊົນສ້າງຂະບວນການ ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ຕາມ 5 ມາດຖານເຮັດໃຫ້ກົມກອງໜ່ວຍພັກ ໄດ້ຮັບນາມມະຍົດ ກົມກອງເຂັ້ມແຂງ-ໜ່ວຍພັກຮູ້ນຳພາຮອບດ້ານ, ໜ່ວຍພັກປອດໃສ, ເຂັ້ມແຂງ, ໜັກແໜ້ນຫຼາຍໜ່ວຍພັກ, ພ້ອມທຸງໄຊ ພ້ອມດຽວກັນນີ້ຍັງໄດ້ເອົາໃຈໃສ່ຂະຫຍາຍພັກຢ່າງຖືກຕ້ອງ ຕາມກົດລະບຽບຂອງພັກ ແລະ ຮັບປະກັນທາງດ້ານປະລິມານ ແລະ ຄຸນນະພາບ, ເປັນຕົ້ນໄດ້ສະເໜີ ມະຫາຊົນກ້າວໜ້າຮຽນສະໜັບສະໜູນພັກ,ຮຽນກົດລະບຍບພັກ, ພ້ອມທັງໄດ້ອະນຸມັດ ເຂົ້າເປັນສະມາຊິກພັກສຳຮອງ ແລະ ເລື່ອນສະມາຊິກພັກສຳຮອງ ຂື້ນສົມບູນໄດ້ 41 ສະຫາຍ ຍີງ 23 ສະຫາຍ ໄດ້ຄົ້ນຄ້ວາເອົານາຍ ແລະ ພົນຕຳຫຼວດໄປບຳລຸງຍົກລະດັບວິຊາສະເພາະຢູ່ພາຍໃນຕ່າງປະເທດ ມີ 163 ສະຫາຍ, ຍີງ 65 ສະຫາຍ ແລະອື່ນໆ.

 

Off