11th Jun2020

ພິທີມອບ-ຮັບຫົວໜ້າຫ້ອງການ ປກສ ແຂວງສະຫວັນນະເຂດລະຫວ່າງຜູ້ເກົ່າແລະຜູ້ໃໝ່.

by somchan

ພິທີມອບ-ຮັບຕຳແໜ່ງຫົວໜ້າຫ້ອງການກອງບັນຊາການ ປກສ ແຂວງສະຫວັນນະເຂດລະຫວ່າງທ່ານພັທ ກອງມະນີ ຊົມມີໄຊ ຫົວໜ້າຫ້ອງການກອງບັນຊາການ ປກສ ແຂວງຜູ້ເກົ່າແລະທ່ານພັທ ໄຊພອນ ພວງດວງບຸດດີ ຫົວໜ້າຫ້ອງການກອງບັນຊາການ ປກສ ແຂວງຜູ້ໃໝ່ ໄດ້ຈັດຂຶ້ນ ໃນວັນທີ 9 ມີຖຸນາ2020 ນີ້ ທີ່ຫ້ອງປະຊຸມຊັ້ນສອງກອງບັນຊາການ ປກສ ແຂວງ,ມີຫົວໜ້າພະແນກ,ຮອງພະແນກແລະພາກສ່ວນກ່ຽວຂ້ອງເຂົ້າຮ່ວມ

(more…)

Off
11th Jun2020

ກັກຕົວເປົ້າໝາຍຄ້າ-ຂາຍ ຢາເສບຕິດ 2.000 ກວ່າເມັດ

by somchan

ວາງບໍ່ດົນມານີ້ ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງໄຊຍະບູລີ ໄດ້ກັກຕົວທ້າວ ວາ ເຮີ ອາຍຸ 21 ປີ ອາຊີບປະຊາຊົນ ບ້ານລາວສະໂນ ເມືອງຊຽງຮ່ອນ ແຂວງໄຊຍະບູລີ ພ້ອມຂອງກາງ ຢາບ້າຈໍານວນ 2.080 ເມັດ ລົດຈັກຮອນດາ ເວບໄອ້ ສີດໍາ – ແດງ ບໍ່ມີໝາຍເລກທະບຽນ 01 ຄັນ ໂທລະສັບ 01 ເຄື່ອງ ເງິນກີບ 200,000 ກີບ, ເງິນໂດລາ 2 ໂດລາ ໂມງໃສ່ແຂນ 1 ໜ່ວຍ ສາຍຄໍຄ້າຍຄືເງິນ 1 ເສັ້ນ

ຂ່າວຍັງໃຫ້ຮູ້ຕື່ມວ່າ ໃນກາງພຶດສະພາ  ເຈົ້າໜ້າທີ່ພະແນກຕໍາຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງໄຊຍະບູລີ ໄດ້ກັກຕົວນາງ ສົມໝີ ທໍ ອາຍຸ 44 ປີ ອາຊີບປະຊາຊົນບ້ານລ້ອງປໍ ເມືອງໄຊຍະບູລີ ແຂວງໄຊຍະບູລີ ພ້ອມດ້ວຍຂອງກາງຢາບ້າ 453 ເມັດ ອຸປະກອນເສບຢາບ້າ 01 ຊຸດ, ລົດຈັກ 1 ຄັນ ຍີ່ຫໍ້ຈົ່ງເຊີນ ສີດໍາ – ແດງ ໝາຍເລກທະບຽນ ຈຂ 9073 ໄຊຍະບູລີ  ໂທລະສັບ 01 ເຄື່ອງ ເງິນກີບ 1.000.000 ກີບ

ປະຈຸບ້ນ ຄະດີທ້ງສອງລາຍນີ້ ເຈົ້າໜ້າທີພວມດຳເນີນຄະດີຕາມລະບຽບກົດໝາຍ

 

Off
11th Jun2020

ກອງປະຊຸມໃຫຍ່ຜູ້ແທນອົງຄະນະພັກ ກອງບັນຊາການປ້ອງກັນສູນກາງ ຄັ້ງທີ VI

by somchan

ກອງປະຊຸມໃຫຍ່ຜູ້ແທນອົງຄະນະພັກ ກອງບັນຊາການປ້ອງກັນສູນກາງ ຄັ້ງທີ VI ໄດ້ຈັດໃນວັນທີ 11 ມິຖຸນານີ້ ໂດຍການ ເປັັນທານຂອງສະຫາຍ ພັອ ສົມພົງ ຂຳວິລຸນ ເລຂາຄະນະພັກ ຮັກສາການຫົວໜ້າກອງບັນຊາການປ້ອງກັນສູນກາງ, ເປັນກຽດເຂົ້າຮ່ວຂອງ ສະຫາຍ ພົຕ ວັນທອງ ກອງມະນີ ຄະນະປະຈຳພັກກະຊວງ ເລຂາຄະນະພັກ ຫົວໜ້າກົມໃຫຍ່ການເມືອງປ້ອງກັນຄວາມສະຫົງບ, ມີແຂກຖືກເຊີນ ແລະ ຜູ້ແທນສົມບູນ ເຂົ້າຮ່ວມ. (more…)

Off
11th Jun2020

ນາຍົກລັດຖະມົນຕີ ປະກາດໄຊຊະນະ ໃນການຕໍ່ສູ້ຕ້ານພະຍາດໂຄວິດ 19

by somchan

ໃນວັນທີ 10 ມີຖຸນາ 2020 ນີ້ທີຫໍປະຊຸມແຫ່ງຊາດ ນະຄອນຫຼວງວຽງຈັນ ທ່ານ ທອງລຸນ ສີສຸລິດ ນາຍົກລັດຖະມົນຕີພ້ອມຄະນະ ສະເພາະກິດເພື່ອປ້ອງກັນຄວບຄຸມ ແລະ ແກ່ໄຂການແຜ່ລະບາດ ຂອງເຊື້ອພະຍາດໂຄວິດ 19 ໄດ້ຖະແຫຼງຂ່າວກ່ຽວກັບສະພາບການສະກັດກົັ້ນ ແລະ ຕ້ານການແພ່ລະບາດຂອງພະຍາດໂຄວິດ 19 ຢູ່ ລາວ ໂດຍທ່ານໄດ້ຊີ້ໃຫ້ເຫັນວ່າ ມາຮອດວັນທີ 10 ມີຖຸນາ ນີ້ ຜູ້ຕິດເຊື້ອໂຄວິດ 19 ຢູ່ປະເທດລາວເຮົາ ໄດ້ກາຍເປັນເລກ 0 ແລ້ວ ໂດຍບໍ່ມີຜູ້ຕິດແລະເສຍຊີວິດ ບໍ່ສະເພາະແຕ່ເປັນຂ່າວດີເທົ່ານັ້ນ ແຕ່ຍັງເປັນຄວາມພາກພູມໃຈຂອງແພດໝໍ ແລະ ຄວາມທະນົງໃຈ ຂອງປະຊາຊົນລາວທົ່ວປະເທດ (more…)

Off
11th Jun2020

ພິທີ ມອບ-ຮັບ ຫົວໜ້າ ແລະ ຄະນະຄຸ້ມຄອງດ່ານສາກົນ ປາກຊັນ ແຂວງບໍລິຄຳໄຊ

by somchan

ວັນທີ 09 ມິຖຸນາ 2020 ນີ້, ຢູ່ທີ່ດ່ານສາກົນ ປາກຊັນ ແຂວງບໍລິຄໍາໄຊ ໄດ້ຈັດພິທີ ມອບ-ຮັບ ໜ້າທີ່ຫົວໜ້າ ແລະ ຄະນະຄຸ້ມຄອງດ່ານສາກົນ ປາກຊັັນ ໂດຍການເປັນປະທານຂອງ ທ່ານ ບຸນສົງ ເພັດຈະເລີນ ວ່າການຫົວໜ້າຄະນະຈັດຕັ້ງແຂວງ ບໍລິຄໍາໄຊ ທັງເປັນຫົວໜ້າຄະນະຄຸ້ມຄອງດ່ານສາກົນ ປາກຊັນ ຜູ້ເກົ່າ, ມີພັນໂທ ກົງຈັນ ໄຊປັນຍາ ຫົວໜ້າກອງບັນຊາການ ປກສ ແຂວງບໍລິຄໍາໄຊ, ພັນໂທ ວົງວິໄລ ອິນທິສານ ຮອງຫົວໜ້າຫ້ອງສັນຕິບານ ປກສ ແຂວງ ທັງເປັນຫົວໜ້າຄະນະຄຸ້ມຄອງດ່ານສາກົນ ປາກຊັນ ຜູ້ໃໝ່, ບັນດາພະແນກການທີ່ກ່ຽວຂ້ອງ, ຕະຫຼອດຮອດພະນັກງານ-ລັດຖະກອນ ທີ່ປະຈໍາຢູ່ດ່ານສາກົນ ປາກຊັນ ເຂົ້າຮ່ວມເປັນ ສັກຂີພະຍານ. (more…)

Off