04th Nov2015

ກະຊວງປ້ອງກັນປະເທດຖະແຫຼ່ງຂ່າວ ກ່ຽວກັບການກະກຽມຄວາມພ້ອມ ກອງປະຊຸມອາຊຽນ

by somchan

ໃນວັນທີ 4 ພະຈິກນີ້ ຢູ່ສະໂມສອນກະຊວງ ປ້ອງກັນປະເທດ ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີຊ່ວຍວ່າການກະຊວງ ປ້ອງກັນປະເທດໄດ້ຖະແຫຼ່ງຂ່າວກ່ຽວກັບການ ກະກຽມຄວາມພ້ອມໃນການເປັນເຈົ້າພາບ ແລະ ເປັນປະທານບັນດາກອງປະຊຸຸມປ້ອງກັນປະເທດອາຊຽນ ຂອງກອງທັບປະຊາຊົນລາວໃນປີ 2016ນີ້, ມີລັດຖະມົນຕີຊ່ວຍວ່າການ ແລະ ຕາງໜ້າແຕ່ລະກະຊວງ, ອົງການຈັດຕັ້ງສາກົນ ແລະ ຊື່ມວນຊົນເຂົ້າຮ່ວມ.

ພົນໂທ ຈັນສະໝອນ ຈັນຍາລາດ ລັດຖະມົນຕີຊ່ວຍວ່າການກະຊວງປ້ອງກັນເທດໄດ້ກ່າວວ່າ: ການເປັນເຈົ້າພາບ ແລະ ເປັນປະທານກອງປະຊຸມປ້ອງກັນປະເທດອາຊຽນ(ASEAN) ໃນປີ 2016 ແມ່ນມີຄວາມສຳຄັນ ທັງເປັນຂີດໝາຍອັນໃຫມ່ ໃນການເສີມຂະຫຍາຍການພົວພັນມີດຕະພາບ ແລະ ການຮ່ວມມືໃນພາກພື້ນກໍ່ຄືໃນໂລກ, ເປັນການສ້າງເງື່ອນໄຂອຳນວຍຄວາມສະດວກໃຫ້ແກ່ຂະບວນການປົກປັກຮັກສາສະຖຽນລະພາບທາງດ້ານການເມືອງ, ຄວາມເປັນລະບຽບຮຽບຮ້ອຍໃນສັງຄົມ; ທັງເປັນການພັດທະນາຊັບພະຍາກອນມະນຸດ ແລະ ປະສົບການດ້ານວິຊາສະເພາະຕ່າງໆໃຫ້ແກ່ນາຍແລະ ພົນທະຫານຂອງກອງທັບປະຊາຊົນລາວ ເຊິ່ງປະຈຸບັນກະກຽມຄວາມພ້ອມດ້ານຕ່າງໆ ໃນການເປັນເຈົ້າພາບແລະ ເປັນປະທານບັນດາກອງປະຊຸມປ້ອງກັນປະເທດອາຊຽນ ຂອງກອງທັບປະຊາຊົນລາວໃນປີ 2016 ແມ່ນມີຄວາມພ້ອມແລ້ວໃນທຸກດ້ານ.

Off

Comments are closed.