05th Nov2015

ກອງປະຊຸມເຜີຍແຜ່ແນະນຳການລົງກໍ່ສ້າງ ຮາກຖານການເມືອງຢູ່ນະຄອນຫຼວງວຽງຈັນ

by somchan

ຄະນະຊີ້ນຳວຽກງານກໍ່ສ້າງຮາກຖານ ຕິດພັນກັບການແກ້ໄຂປະກົດການຫຍໍ້ທໍ້ ໃນນະຄອນຫຼວງວຽງຈັນ.ໄດ້ຈັດກອງປະຊຸມເຜີຍ ແຜ່ແນະນຳການລົງກໍ່ສ້າງຮາກຖານການ ເມືອງຢູ່ນະຄອນຫຼວງວຽງຈັນໃນວັນທີ 4 ພະຈິກ 2015ນີ້ ໂດຍການເປັນກຽດ ເຂົ້າຮ່ວມຂອງ ພົນຈັດຕະວາ ສົມແກ້ວ ສີລາວົງ ກຳມະການສູນກາງພັກ ລັດຖະມົນຕີວ່າການກະຊວງ ປກສ ມີບັນດາ ກົມກອງອ້ອມກະຊວງແລະ ພະນັກງານກໍ່ສ້າງຮາກຖານນະຄອນຫຼວງ ວຽງຈັນເຂົ້າຮ່ວມ. cut

ພັນເອກ ດຣ ວັນເຮືອງ ນັນທະຈັກ ຫົວໜ້າກົມຄົ້ນຄ້ວາວິທິຍາສາດ-ປະຫວັດສາດກະຊວງ ປກສ ເປັນຄະນະຮັບຜິດຊອບຊີ້ນຳລວມ ວຽກງານກໍ່ສ້າງຮາກຖານ ຢູ່ນະຄອນຫຼວງວຽງຈັນ ໄດ້ຜ່ານແຜນການເຄື່ອນໄຫວຂອງການປະຕິບັດງານການລົງກໍ່ສ້າງຮາກຖານ ຢູ່ນະຄອນຫຼວງວຽງຈັນ, ໃນການລົງກໍ່ສ້າງຮາກຖານຢູ່ ນະຄອນຫຼວງວຽງຈັນໃນຊຸດນີ້ກໍເພື່ອຮັບປະກັນໃຫ້ການກະກຽມດຳເນີນ ການປ້ອງກັນຢູ່ນະຄອນຫຼວງວຽງຈັນ ແລະ ຢູ່ຂອບເຂດທົ່ວປະເທດໃຫ້ມີຄວາມສະຫງົບ, ມີຄວາມເປັນລະບຽບຮຽບຮ້ອຍ ແລະປອດໄພຮ້ອຍສ່ວນຮ້ອຍ ທັງເປັນການເງື່ອນໄຂໃຫ້ແກ່ການພັດທະນະເສດຖະກິດ-ສັງຄົມ ຂອງປະເທດເຮົາ ແລະ ສ້າງຄວາມເຊື້ອໜັ້ນຕໍ່ກຳລັງປະກອບອາວຸດຕໍ່ເວທີສາກົນ, ປະຕິບັດຕາມແນວທາງປ້ອງກັນຊາດ-ປ້ອງກັນຄວາມສະຫງົບຮອບດ້ານ ຂອງພັກໃຫ້ປະກົດຜົນເປັນຈິງ, ສຸມໃສ່ປຸກລະດົມໃຫ້ປະຊາຊົນເຂົ້າຮ່ວມຢ່າງກວ້າງຂວາງ, ທັງມີວິທີແກ້ເປົ້າໝາຍເປັນອັນຕະລາຍໃຫ້ທັນເວລາ, ເຮັດໃຫ້ວຽກງານປ້ອງກັນຊາດ-ປ້ອງກັນຄວາມສະຫງົບກາຍເປັນໜ້າທີ່ແລະພັນທະຂອງໝົດທຸກຄົນ ພາຍໃນສັງຄົມ ແລະເພື່ອເປັນການກະຕຸດຊຸກຍູ້ໃຫ້ທ້ອງຖິ່ນມີການເຄື່ອນໄຫວວຽກງານ ຂອງຕົນໃຫ້ມີຄວາມຫ້າວຫັນໃນໜ້າທີ່ວຽກງານ, ຍົກສູງຄວາມຮັບຜິດຊອບເພື່ອຜັນຂະຫຍາຍແນວທາງປ້ອງກັນຊາດ-ປ້ອງກັນຄວາມສະຫງົບ ລົງສູ່ຮາກຖານ ບ້ານ ອຳນາດການປົກຄອງ ແລະ ປະຊາຊົນປະກອບສ່ວນຢ່າງຕັ້ງໜ້າ.

cut1

Off

Comments are closed.