11th Nov2015

ຮອງຫົວໜ້າກົມໃຫຍ່ການເມືອງ ປກສ ຊີ້ນຳວຽກງານກວດກາ-ກວດການ ທົ່ວປະເທດຄັ້ງທີ V

by somchan

ໃນວັນ 6 ພະຈິກ 2015 ນີ້ ພັນເອກດວງປີ ດາມະນີວົງ ຄະນະພັກກະຊວງຮອງຫົວໜ້າກົມໃຫຍ່ ການເມືອງປ້ອງກັນຄວາມສະຫງົບໄດ້ໃຫ້ທິດຊີ້ນຳ ຕໍ່ຊຸດເຝິກອົບຮົມວຽກງານກວດກາ-ກວດການ ທົ່ວປະເທດຄັ້ງທີ V ເຊິ່ງທ່ານໄດ້ເນັ້ນໜັກ ໃຫ້ພະນັກງານຫຼັກແຫຼ່ງທີ່ເຮັດວຽກງານກວດກາ-ກວດການຕ້ອງຮັບຮູ້ເຂົ້າໃຈຢ່າງເລີກເຊິ່ງຕໍ່ກັບ ພາລະບົດບາດ ສິດ ແລະ ໜ້າທີ່ຂອງຕົນ ເນື່ອງຈາກວຽກງານກວດກາ-ກວດການແມ່ນຫຼັກການພື້ນຖານຂອງການນຳພາຂອງພັກ ແລະແມ່ນໜ້າທີ່ຕົ້ນຕໍ່ຂອງຄະນະພັກ-ຄະນະບັນຊາທຸກຂັ້ນທັງແມ່ນການຕໍ່ສູ້ທີ່ມີລັກສະນະຊົນຊັ້ນ ແລະ ປະເຊີນໜ້າໂດຍກັບບັນດາປະກົດການຫຍໍ້ທໍ້ຕ່າງໆທີ່ເກີດຂຶ້ນໃນສັງຄົມ, ຖັນແຖວພະນັກງານກຳລັງປ້ອງກັນຄວາມສະຫງົບໃນສະເພາະໜ້າ ແລະ ຍາວນານລະຫວ່າງອັນຖືກຕ້ອງກັບອັນຜິດ, ທຸກຄົນຕ້ອງມີຄວາມເອກອ້າງທະນົງໃຈຕໍ່ໜ້າທີ່ຄວາມຮັບຜິດຊອບທີ່ໄດ້ຮັບມອບໝາຍດ້ວຍການຍົກສູງສຄວາມສຮັບຜິດຊອບການເມືອງຂອງຕົນໃຫ້ສູງເດັ່ນ ໃຫ້ໄດ້ຮັບຄວາມເຊື້ອໝັ້ນ, ຄວາມໄວ້ເນື້ອເຊື້ອໃຈຈາກພັກ ແລະ ປະຊາຊົນ. ການຈັດຕັ້ງທຸກຂັ້ນຕ້ອງເອົາໃຈໃສຕັ້ງໜ້າປັບປຸງກົງຈັກການຈັດຕັ້ງຂອງວຽກງານກວດກາ-, ພາລະບົດບາດ, ສິດໜ້າທີ່ ແລະ ໂຄງປະກອບການຈັດຕັ້ງໃຫ້ສອດຄ່ອງກັບໜ້າທີ່ການເມືອງໃນແຕ່ລະໄລຍະ ເພື່ອເປັນບ່ອນອີງໃຫ້ແກ່ວຽກງານກວດກາ-ກວດການປະສານສົມທົບກັບສາຍຕັ້ງ, ສາຍຂວາ ແລະ ພາກສ່ວນກ່ຽວຂ້ອງຕ່າງໆຢ່າງເປັນເຈົ້າການເພື່ອເຮັດໃຫ້ການປະຕິບັດວຽກງານກວດກາ-ກວດການປະສົບຜົນສຳເລັດ.

 

 

Off

Comments are closed.