12th Nov2015

ວປສ ແຫ່ງຊາດ ສະເຫຼີມສະຫຼອງວັນສ້າງຕັ້ງຄົບຮອບ 20 ປີ

by somchan

ວິທະຍາຄານປ້ອງກັນຄວາມສະຫງົບແຫ່ງຊາດ ຈັດພິທີສະເຫຼີມສະຫຼອງວັນສ້າງຕັ້ງຄົບຮອບ20 ປີ. ໃນວັນທີ 11 ພະຈິກ 2015ນີ້ ເປັນກຽດເຂົ້າຮ່ວມໂດຍ ພົຈວ ສົມແກ້ວ ສີລາວົງ ລັດຖະມົນຕີວ່າການກະຊວງປ້ອງກັນຄວາມສະຫງົບ ມີອົງການຜູ້ຕ່າງໜ້າກະຊວງຕຳຫຼວດຫວຽດນາມ ປະຈຳລາວ, ມີກົມກອງອ້ອມຂ້າງກະຊວງ ປກສ, ຄູ-ອາຈານ, ນັກສຶກສາ ແລະ ພາກສ່ວນກ່ຽວຂ້ອງເຂົ້າຮ່ວມ.

cut-02

 

palad-(cut) 

 

ພັອ ດຣ ວັນທອນ ສຸລິສັກ ອຳນວຍການ ວິທະຍາຄານປ້ອງກັນຄວາມສະຫງົບແຫ່ງຊາດໄດ້ຍົກໃຫ້ເຫັນເຖິງການເຕີບໃຫຍ່ຂະຫຍາຍຕົວຂອງວິທະຍາຄານປ້ອງກັນຄວາມສະຫງົບແຫ່ງຊາດຕະຫຼວດໄລຍະ 20 ປີຜ່ານມາ ເປັນຕົ້ນແມ່ນການກໍ່ສ້າງພະນັກງານ-ນັກຮົບໃນກຳລັງປ້ອງກັນຄວວາມສະຫງົບໃຫ້ມີຄວາມເຂັ້ມແຂງທາງດ້ານປະລິມານ ແລະ ຄຸນນະພາບ ໂດຍໄດ້ມີການປັບປຸງຫຼັກສູດການຮຽນ-ການສອນເພື່ອໃຫ້ສອດຄອງກັບສະພາບການໃນແຕ່ລະໄລຍະ ໂດຍພາຍໃຕ້ການຊີ້ນຳ-ນຳພາຂອງຄະນະພັກກະຊວງ, ຄະນະອຳນວຍການວິທະຍາຄານປ້ອງກັນຄວາມສະຫງົບແຫ່ງຊາດ. ໃນພິທີຍັງມີການສະແດງກ້ອນກຳລັງສວນສະຫນາມ ເປັນຕົ້ນແມ່ນກ້ອນກຳລັງຕ່າງໜ້າພະນັກງານ-ຄູອາຈານ, ກ້ອນກຳລັງນັກສຶກສາປະລິນຍາໂທ, ກ້ອນກຳລັງເອື້ອຍນ້ອງຍິງ, ກ້ອນກຳລັງນັກສຶກສາປະລິນຍາຕີລະບົບຕໍ່ເນື່ອງ ແລະ ລະບົບກໍ່ສ້າງ. ນອກນີ້ຍັງມີການສະແດງເຕັກນິກມວຍວິຊາສະເພາະ, ມວຍປະສົມ 38 ຈັງວະແລະ ມວຍເທຄອນໂດ້.

takhondo(cut)

 

Off

Comments are closed.