03rd Dec2015

ຄະນະກະຊວງ ປກສ ຢ້ຽມຢາມໂຮງໝໍ 5 ເມສາ

by somchan

ເນື່ອງໃນໂອກາດວັນສະຖາປະນາ ສປປລາວ ຄົບຮອບ 40ປີ. ໃນວັນທີ 30 ພະຈິດ 2015ນີ້ ນຳໂດຍພົຈວ ສົມຫວັງ ທຳມະສິດ ຄະນະປະຈຳພັກກະຊວງ ພ້ອມຄະນະ,ໃຫ້ການຕ້ອນຮັບໂດຍ ພັທ ດຣ ຄຳບານ ຫຼ້າຄູນເຮືອນ ອຳນວຍການ 5 ເມສາ ພ້ອມດ້ວຍພະນັກງານແພດໝໍເຂົ້າຮ່ວມ.

ພັທ ດຣ ຄໍາບານ ຫຼ້າຄູນເຮືອນ ອໍານວນການໂຮງໝໍ 5 ເມສາໄດ້ລາຍງານການເຄື່ອນໄຫວປະຕິບັດໜ້າທີ່ຂອງພະນັກງານແພດໝໍຂອງໂຮງໝໍ 5 ເມສາ ໃນໄລຍະຜ່ານມາຄະນະພັກ-ຄະນະບັນບັນຊາ ໄດ້ເອົາໃຈໃສ່ວຽກງານການບໍລິການຮັບໃຊ້ການປິ່ນປົວໃຫ້ມີຄຸນນະພາບດີຂຶ້ນເທື່ອລະກ້າວ, ເພື່ອຮັບປະກັນສຸຂະພາບຂອງນາຍ ແລະ ພົນຕຳຫຼວດຕະຫຼອດຮອດປະຊາຊົນທີ່ເຂົ້າມາໃຊ້ບໍລິການດ້ານສຸຂະພາບໄດ້ຮັບຜົນດີ. ໄດ້ຖືເອົາວຽກງານການກວດກາຕົວຈິງ, ການບົ່ງມະຕິຊັດເຈນ ແລະ ປິ່ນປົວຢ່າງມີມີນະພາບ ເປັນຈຸດໃຈກາງສຳຄັນ, ເອົາໃຈໃສ່ສ່າງບຸນຄະລາກອນແພດໝໍ ໂດຍການສົ່ງໄປຍົກລະດັບທາງດ້ານວິຊາສະເພາະຕ່າງໆ ໄລຍະສັ້ນແລະ ໄລຍະຍາວ ຢູ່ພາຍໃນແລະ ຕ່າງປະເທດ.ໃນປີ 2015 ນີ້ ໄດ້ເອົາໃຈໃສ່ກວດຄົນເຈັບເຂດນອກ 8ພັນກ່ວາເທື່ອຄົນ, ກວດປິ່ນປົວສຸກເສີນ 3 ພັນກວ່າເທື່ອຄົນ, ຮັບເຂົ້ານອນໂຮງໝໍ 1 ພັນກ່ວາເທື່ອຄົນ, ສົ່ງໄປປິ່ນປົວຢູ່ໂຮງໝໍອື່ນທ 17 ເທື່ອຄົນ, ປິ່ນປົວກາຍະພາບບຳບັດ 2 ພັນກວ່າເທືອຄົນ, ກວດວິເຄາະຕ່າງໆ 9 ໝື່ນກ່ວາເທືອຄົນ, ຜ່າຕັດຕ່າງໆ 671 ຄົນເທື່ອຄົນ, ແລະ ອື່ນໆ

ໂອກາດນີ້ ພົຈວ ດຣ ສົມຫວັງ ທຳມະສິດ ຄະນະປະຈຳພັກກະຊວງຍັງໄດ້ໂອ້ລົມ ແລະ ໃຫ້ທິດຊີ້ນຳຄະນະອຳອວຍການໂຮງໝ 5 ເມສາ ແລະພະນັກງານແພດໝໍໃຫ້ເອົາໃຈໃສ່ດ້ານມະນຸດສຳພັນ, ການປິ່ປົວພະຍາດລະອຽດ ເຂັ້ມງວດ ບໍ່ໃຫ້ຖືເບົາເພາະຊີວິດ, ສຸຂະພາບແມ່ນສິ່ງທີ່ມີຄຸນຄ່າ ໂດຍສະເພາະຜູ້ບົ່ງມະຕິ, ຜູ້ວາງຢາ ແລະຜູ້ບັນຊາໃຫ້ມີນ້ຳໃຈປະຕິວັດ, ຕ້ອງໝັ້ນຊອກຮູ້ຮ່ຳຮຽນ, ມີຄວາມດຸໝັ້ນ ຫ້າວຫັນ ໃນການບລິການແລະຊອກຫາສິ່ງໃຫ່ມໆ ມານຳໃຊ້ໃຫ້ເກີດປະໂຫຍດສູງສຸດ.

Off

Comments are closed.