04th Dec2015

ວາງສີລາລຶກໂຄງການກໍ່ສ້າງທາງລົດໄຟ ລາວ-ຈີນ

by somchan

 

ພິທີວາງສີລາລຶກ ໂຄງການກໍ່ສ້າງທາງລົດໄຟ ລາວ-ຈີນ ໄດ້ຈັດຂຶ້ນຢ່າງເປັນທາງການ ໃນວັນທີ 2 ທັນວາ 2015ນີ້ ທີ່ນະຄອນຫຼວງວຽງຈັນ. ໂດຍການເຂົ້າຮ່ວມຂອງທ່ານຈູມມະນີ ໄຊຍະສອນເລຂາທິການໃຫ່ຍສູນກາງພັກ ປະທານປະເທດ ແຫ່ງ ສປປລາວ ມີສະຫາຍ ຈ່າງເຕີຈ່ຽງ ກຳມະການ ປະຈຳກົມການເມືອງສູນກາງພັກກອມມູນິດຈີນ. ປະທານຄະນະປະຈຳສະພາປະຊາຊົນ ທົ່ວປະເທດຈີນມີການນຳພັກ-ລັດພ້ອມດ້ວຍ ພາກສ່ວນກ່ຽວຂ້ອງທັງ 2 ຝ່າຍເຂົ້າຮ່ວມ.

1230-(cut)

ໂຄງການກໍ່ສ້າງທາງລົດໄຟລາວ-ຈີນ ແມ່ນເປັນເສັ້ນທາງລົດໄຟທີ່ມີລະດັບເຕັກນິກ ແລະມາດຕະຖານສູງສຸດ ເສັ້ນທາງທຳອິດໃນອາຊີອາຄະເນ ເຊິ່ງມີຄວາມຍາວທັງໝົດ 427,2 ກິໂລແມັດ ນັບແຕ່ຊາຍແດນລາວ-ຈີນ ເຖິງນະຄອນຫຼວງວຽງຈັນ ຮອດຈຸດຂົວລົດໄຟ ເຊື່ອຕໍ່ລາວ-ໄທແຫ່ງໃຫມ່ ເຊິ່ງຈັດຂຶ້ນໃນປະເພດເສັ້ນທາງລົດໄຟມາດຕະຖານອັນດັບ 1. ຄວາມກວ້າງຂອງລາງແມ່ນມາດຕະຖານສາກົນຄື: 1.435mm ເປັນປະເພດລາງດຽວ, ຄວາມໄວສຳລັບຂົນສົ່ງໂດຍສານແມ່ນ 160km/h ສຳລັບຂົນສົ່ງສິນຄ້າແມ່ນ 120km/h ລະບອບຂັບເຂື່ອນດ້ວຍໄຟຟ້າ ລວມມີສະຖານນີ 33 ແຫ່ງ, ສະຖານນີໂດຍສານ 11 ແຫ່ງ ແລະ ສະຖານນີສິນຄ້າ 1 ແຫ່ງ, ວຽກງານກໍ່ສ້າງຕົ້ນຕໍມີຄື: ກໍ່ສ້າງຍົກລະດັບທາງຍາວ 175km ຂອງລວງຍາວທັງໝົດ, ກໍ່ສ້າງຂົວ 170ແຫ່ງ ຍາວ 69km, ກໍ່ສ້າງອຸບມຸງ 72 ແຫ່ງ ຍາວ 183km, ການກຳນົດຂອບເຂດ ການນຳໃຊ້ເນື້ອທີ່ດິນທັງໝົດຂອງໂຄງການມີ 2 ປະເພດຄື: ນຳໃຊ້ຖາວອນ ສຳລັບແລວທາງ ແລະ ສະຖານນີລົດໄຟ ລວມມີ 3.058 ເຮັກຕາ ແລະນຳໃຊ້ຊົ່ວຄາວສຳລັບບໍ່ດິນ, ບໍ່ຫີນ ແລະ ສະຖານທີ່ຮັບໃຊ້ເວລາກໍ່ສ້າງ ລວມມີ 803 ເຮັກຕາ. ຂອບເຂດແລວທາງເບື້ອງລະ 50ແມັດ ມູນຄ່າໃນການລົງທຶນທັງໝົດ 38,7 ຕື້ຢວນ.

ໂອກາດນີ້ ສະຫາຍ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ຫົວໜ້າຄະນະຊີ້ນຳໂຄງການກໍ່ສ້າງທາງລົດໄຟລາວ-ຈີນໄດ້ກ່າວວ່າເສັ້ນທາງລົດໄຟລາວ-ຈີນດັ່ງກ່າວນີ້ຄາດວ່າໃຊ້ເວລາໃນການກໍ່ສ້າງ 5 ປີຈຶ່ງຈະສຳເລັດ. ເຊິ່ງປະຈຸບັນພາກສ່ວນກ້ຽວຂ້ອງທັງ 2 ຝ່າຍ ພວມກະກຽມເງື່ອນໄຂຕ່າງໆເພື່ອຮັບປະກັນໃຫ້ແກ່ໂຄງການ ເພື່ອໃຫ້ສຳເລັດຕາມແຜນການທີ່ວ່າງໄວ້.

 

Off

Comments are closed.