18th Dec2015

ກອງປະຊຸມສະພາແຫ່ງຊາດຊຸດ7ໄດ້ຄົ້ນຄ້ວາ ແລະ ຮັບຮອງເອົາກົດໝາຍວ່າດ້ວຍ ການຕ້ານການຄ້າມະນຸດ.

by somchan

ກອງປະຊຸມສະໄໝສາມັນເທື່ອທີ10 ຂອງສະພາແຫ່ງຊາດຊຸດ7, ໄດ້ຄົ້ນຄ້ວາ ແລະ ຮັບຮອງເອົາກົດໝາຍວ່າດ້ວຍ ການຕ້ານການຄ້າມະນຸດດ້ວຍຄະແນນສຽງເຫັນດີ ຈາກສະມາຊິກສະພາແຫ່ງຊາດ. ພາຍໃຕ້ການເປັນປະທານຂອງທ່ານ ດຣ ໄຊສົມພອນ ພົມວິຫານ ຮອງປະທານສະພາແຫ່ງຊາດ ເຊິ່ງກົດໝາຍດັ່ງກ່າວສະເໜີໂດຍ ພົນຕີ ສົມແກ້ວ ສີລາວົງ ກຳມະການສູນກາງພັກ ລັດຖະມົນຕີວ່າການກະຊວງ ປກສ ໃນຮ່າງກົດໝາຍໄດ້ລະບຸເຖິງການກຳນົດຫຼັກການ ລະບຽບການ ແລະ ມາດຕະການລະບຽບການ ແລະ ມາດຕະການກ່ຽວກັບການຄຸ້ມຄອງຕິດຕາມ ແລະ ກວດກາວຽກງານຕ້ານການຄ້າມະນຸດເພື່ອເຮັດໃຫ້ວຽກງານຕ້ານການຄ້າມະນຸດໄດ້ເຄື່ອນໄຫວຢ່າງເປັນລະບົບແລະ ມີປະສິດທິຜົນ ແນໃສ່ປົກປ້ອງສິດຜົນປະໂຫຍດ, ຊີວິດສຸຂະພາບ, ເສລິພາບ, ຮີດຄອງປະເພນີອັນດີງາມຂອງຊາດ, ເຮັດໃຫ້ສັງຄົມມີຄວາມສະຫງົບເປັນລະບຽບຮຽບຮ້ອຍ ທັງເປັນການປະກອບສ່ວນໃນການປົກປັກຮັກສາ ແລະ ສ້າງສາພັດທະນາປະເທດຊາດ. ກົດໝາຍດັ່ງກ່າວປະກອບມີ 9ພາກ 12ໝວດ 89ມາດຕາ.

ໃນກອງປະຊຸມບັນດາສະມາຊິກສະພາແຫ່ງຊາດໄດ້ຜັດປ່ຽນກັນຂຶ້ນປະກອບຄຳຄິດຄຳເຫັນໃສ່ໃນຮ່າງກົດໝາຍວ່າດ້ວຍການຕ້ານການຄ້າມະນຸດເປັນຕົ້ນ: ມາດຕາ 9, ມາດຕາ 10 ມາດຕາ 11 ມາດຕາ 12 ທີ່ລະບຸເຖິງອົງປະກອບຂອງການຄ້າມະນຸດ, ຫຼັກການກ່ຽວກັບວຽກງານການຕ້ານການຄ້າມະນຸດ ການປ້ອງກັນການຄ້າມະນຸດ, ຂັ້ນຕອນການດຳເນີນຄະດີຕໍ່ການຄ້າມະນຸດ.

 

Off

Comments are closed.