24th Dec2015

ລມຕ ຊ່ວຍວ່າການ ລາຍງານກ່ຽວກັບການແກ້ໄຂ ຄວາມບໍ່ສະຫງົບຕໍ່ສະພາ

by somchan

ພົຕ ກົງທອງ ພົງວິຈິດ ລັດຖະມົນຕີ ຊ່ວຍວ່າການກະຊວງປ້ອງກັນຄວາມສະຫງົບ ໄດ້ລາຍງານກ່ຽວກັບການແກ້ໄຂຄວາມບໍ່ສະຫງົບ, ການກໍ່ປະກົດການຫຍໍ້ທໍ້, ບັນຫາອາຊະຍາກຳ ກຸ່ມແກ້ງກວນເມືອງໃນຜ່ານໄລຍະ1ປີ ຜ່ານມາ, ຕໍ່ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ 7 ທີ່ດຳເນີນພາຍໃຕ້ການເປັນປະທານຂອງດຣ ໄຊສົມພອນ ພົມວິຫານ ກຳມະການສູນກາງພັກ ຮອງປະທານສະພາແຫ່ງຊາດ ໃນຕອນບ່າຍຂອງວັນທີ23ທັນວານີ້ວ່າ: ກ່ຽວກັບການແກ້ໄຂຄວາມບໍ່ສະຫງົບ ການກໍປະກົດການຫຍໍ້ທໍ້ ບັນຫາການກໍ່ອາຊະຍາກຳ, ບັນຫາກຸ່ມແກ້ງກວນເມືອງ ເຊິ່ງໃນໄລຍະຜ່ານມາ, ພາຍໃຕ້ການນຳພາຂອງພັກ-ລັດ ກໍ່ຄືຄວາມຮັບຜິດຊອບເຄື່ອນໄຫວປະຕິບັດໜ້າທີ່ຂອງກຳລັງປກສໃນທົ່ວປະເທດ ເຫັນວ່າມີຄວາມສະຫງົບທາງດ້ານເມືອງການ ມີຄວາມເປັນລະບຽບຮຽບຮ້ອຍທາງສັງຄົມໂດຍພື້ນຖານ, ເປັນເງື່ອນໄຂໃຫ້ແກ່ການພັດທະນາເສດຖະກິດ-ສັງຄົມພາຍໃນປະເທດຢ່າງຕໍ່ເນື່ອງ, ແຕ່ເຖິງຢ່າງໃດກໍຕາມໃນຊຸມປີຜ່ານມາ, ກໍ່ຍັງມີເຫດການປະກົດການຫຍໍ້ທໍ້ເກີດຂຶ້ນໃນສັງຄົມ ສະເພາະໃນນະຄອນຫຼວງວຽງຈັນກວມເອົາເປັນສ່ວນໃຫຍ່, ເປັນຕົ້ນບັນຫາຢາເສບຕິດ, ບັນຫາປຸ້ນຊັບ,ຊີງຊັບ ລັກຊັບ, ງັດຕູ້ເຊັບ, ກຸ່ມແກ້ງນັກເລງອັນຕະພານ, ກຸ່ມແກ້ງແຂ່ງລັດເປັນພຶງເປັນແພ, ບັນຫາອຸປະຕິເຫດຕາມທ້ອງຖະໜົນ, ການຈາລະຈອນຕິດຄັດແອອັດແລະອື່ນໆ.

DSC_0217-(cut)

ຜ່ານການຈັດຕັ້ງປະຕິບັດໃນໄລະຍະໜຶ່ງປີຜ່ານມາ, ສາມາດແກ້ໄຂບັນຫາການກໍ່ອາດຊະຍາກຳປະເພດຕ່າງໆໄດ້ທັງໝົດ 3.200 ກວ່າເລື່ອງ, ກັກຕົວຜູ້ກະທຳຜິດໄດ້ 2.600ກວ່າຄົນ, ເດັ່ນກ່ວາໝູ່ແມ່ນພວກຄ້າຂາຍຢາເສບຕິດກັກຕົວໄດ້ 1500 ກວ່າ, ສາມາດຍືດລົດໃຫຍ່ໄດ້ 23ຄັນ, ລົດຈັກ 230 ກວ່າຄັນ, ເງິນກີບ 36 ຕື້ກວ່າກີບ, ເງິນບາດ 3 ລ້ານກວ່າບາດ, ເງິນໂດລາ 3 ໝື່ນກວ່າໂດລາ ແລະ ວັດຖຸມີມີຄ່າຈຳນວນໜຶ່ງ, ຍືດຢາບ້າໄດ 345ກວ່າກິໂລກຣາມ, ແຮໂຣອິນ 13 ກວ່າກິໂລກຣາມ.

DSC_0215-(cut)

Off

Comments are closed.