08th Jan2016

ນຳຈັບຕົວສອງຜົວ-ເມຍຮ່ວມກັນ ດຶງສາຍຄໍ 10ບາດ

by somchan

ເຈົ້າໜ້າທີ່ຕຳຫຼວດເມືອງສີສັດຕະນາກ ນະຄອນຫຼວງວຽງຈັນ ສາມາດຕິດຕາມ ຈັບຕົວສອງຜົວ-ເມຍເພື່ອດຳເນີນຄະດີ ຕາມລະບຽບກົດໝາຍໃນສະຖານຮ່ວມກໍ່ເຫດ ດຶງສາຍຄໍຄຳໜັກ 10 ບາດ ຂອງນາງ ຈ້ອມ ອາຍຸ 32ປີ ອາຊີບຄ້າຂາຍ ຢູບ້ານຫຼັກ 52 ເມືອງໂພນໂຮງແຂວງວຽງຈັນ ທີ່ພວມຢືນລໍຖ້າຊື້ຂອງກິນຢູ່ແຄມທາງ ບ້ານຄູວຽງ ເມືອງສີສັດຕະນາກໃນ ວັນທີ 3ມັງກອນ 2016ນີ້ ຜູ້ກະທຳຜິດຊື່ທ້າວໂພຄຳ ອາຍຸ 32 ປີ ແລະ ນາງບຸນມີ ອາຍຸ 21ປີ ທັງສອງຜົວ-ເມຍມີອາຊີບກຳມະກອນ ປັດຈຸບັນຢູ່ບ້ານດົງສະຫວາດ ເມືອງສີສັດຕະນາ ນະຄອນຫຼວງວຽງຈັນ.

ນາງຈ້ອມຜູ້ເສຍຫາຍໄດ້ໃຫ້ຮູ້ວ່າ: ໃນວັນທີ 3ມັງກອນ ຕົນເອງກັບລູກຊາຍໄດ້ຢືນລໍຖ້າຊື້ຂອງກິນຢູ່ແຄມເສັ້ນທາງຄູວຽງ ແລະ ໄດ້ມີຄົນຮ້າຍ 2 ຄົນ ຂີ່ລົດຈັກເວບ 100ສີແດງດຳ ໝາຍເລກທະບຽນ ດຍ 6360 ກຳແພງນະຄອນມາຈອດຢູ່ໃກ້ ເຮັດຄືວ່າຊິຊື້ຂອງກິນ ຈາກນັ້ນຜູ້ຊາຍກໍ່ຍ່າງເຂົ້າມາດຶງເອົາສາຍຄໍຂອງຕົນເອງ ແລ້ວແລ່ນໄປຂຶ້ນຊ້ອນທ້າຍລົດຈັກ ທີ່ມີແມ່ຍິງຕິດຈັກລົດລໍຖ້າຫຼົບໜີໄປ ຕົນເອງແລະ ລູກຊາຍ ຈຶ່ງໄດ້ຂີ້ລົດຈັກນຳ ໄດ້ໄລຍະໜຶ່ງລົດຈັກຂອງຄົນຮ້າຍໄດ້ເສຍຫຼັກລົ້ມ ແຕ່ຄົນຮ້າຍໄດ້ເອົາຕົວຫຼົບໜີ. ດັ່ງນັ້ນຕົນເອງຈຶ່ງໄດ້ແຈ້ງເຈົ້າໜ້າທີ່ຕຳຫຼວດເມືອງສີສັດຕະນາກ ພ້ອມທັງສາມາດຕິດຕາມນຳຈັບຄົນຮ້າຍສອງຄົນໄດ້ໃນວັນດຽວກັນ.

 

 

Off

Comments are closed.