29th Jan2016

ກັກຕົວຜູ້ຕ້ອງຫາ 3 ຄົນທີ່ຮັບຈ້າງສົ່ງຢາບ້າໄປເພື່ອນບ້ານ.

by somchan

ຕຳຫຼວດປະຈຳດ້ານກວດຄົນເຂົ້າເມືອງມຸກດາຫານ ລາຊະອານາຈັກໄທໃຫ້ຮູ້ວ່າ: ວັນທີ 24 ມັງກອນ 2016ນີ້ ໄດ້ກັກຕົວຄົນລາວ 3 ຄົນ ຍິງ 2 ຄົນພ້ອມຂອງກາງຢາເສບຕິດ ປະເພດຢາບ້າ ຈຳນວນ 6 ມັດເທົ່າກັບ 24.000 ເມັດ.

ຜູ້ຖືກຫາທັງ 3 ຄົນຄື: ນາງ ມັອກ ອາຍຸ 37 ປີ ແລະ ທ້າວ ຕັດ ອາຍຸ 59 ປີ ປະຊາຊົນບ້ານໄຜ່ ເມືອງຈຳນວນ ແຂວງສະຫວັນນະເຂດ, ນາງ ລັດຕະນະສະຫວັນ ຫຼື ໄກ່ ອາຍຸ 24 ປີ ຢູ່ບ້ານໜອງແວງ ເມືອງຫາດຊາຍຟອງ ນະຄອນຫຼວງວຽງຈັນ.

26.1.2016-(cut)

ຜ່ານການສືບສວນ-ສອບສວນພວກກ່ຽວຮັບສາລະພາບວ່າ: ຢາເສບຕິດຈຳນວນ 24.000 ເມັດ ແມ່ນເປັນຂອງພວກກ່ຽວທັງ 3 ຄົນນີ້ແທ້ ເຊິ່ງຈະເອົາໄປສົ່ງໃຫ້ກັບພໍ່ຄ້າຢາເສບຕິດຢູ່ປະເທດເພື່ອນບ້ານ, ໂດຍແມ່ນນຳໃຊ້ລົດຂອງທ້າວທ້າວ ຕັດ ເປັນລົດໂຕໂຍຕ້າ ວີໂກ້ ໝາຍເລກທະບຽນ ກຄ 2599 ສະຫວັນນະເຂດ ແຕ່ຖືກເຈົ້າໜ້າທີ່ ຈັບຕົວໄດ້ກ່ອນ.

ປັນຈຸບັນເຈົ້າໜ້າທີ່ ພາກສ່ວນກ່ຽວຂ້ອງພວມດຳເນີນຕາມຂັ້ນຕອນຂອງກົດໝາຍ.

 

 

Off

Comments are closed.