19th Feb2016

ເອົາໃຈໃສ່ປ້ອງກັນງານມະຫະກຳບຸນຊ້າງ ໃຫ້ມີຄວາມປອດໄພ

by somchan

ເພື່ອຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ໃຫ້ແກ່ງານມະຫະກຳບຸນຊ້າງປະຈຳປີ 2016 ທີ່ແຂວງໄຊຍະບູລີ ທີ່ຈັດໃນລະຫວ່າງວັນທີ 19-21 ກຸມພາ 2016ນີ້ ເຊິ່ງ ທ່ານ ພັອ ສົມສັກ ພິມກັນຍາ ຮອງຫົວໜ້າກອງບັນຊາການ ປກສ ແຂວງໄຊຍະບູລີ ທັງເປັນຄະນະອະນຸກຳມະການປ້ອງກັນໄດ້ກ່າວວ່າ: ແຂວງໄຊຍະບູລີແມ່ນໄດ້ເອົາໃຈໃສ່ຢ່າງເປັນເຈົ້າການ ດ້ວຍຄວາມຮັບຜິດຊອບສູງ ໂດຍສະເພາະແມ່ນໄດ້ເອົາເຈົ້າໃຈໃສ່ປະສານສົມທົບກັນລະຫວ່າງສອງກຳລັງປ້ອງກັນຊາດ-ປ້ອງກັນຄວາມສະຫງົບ ອົງການຈັດຕັ້ງພາກສ່ວນກ່ຽວຂ້ອງ ຈັດວາງກຳລັງລົງປະຈຳການເຮັດໜ້າທີ່ວິຊາສະເພາະ ຕາມຈຸດສຳຄັນຕ່າງໆເປັນຕົ້ນ ຈຸດສະຖານທີ່ຈັດງານ ສຳນັກງານ ອົງການ ຮາກຖານບ້ານແລະ ອື່ນໆ ເພື່ອຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ໃຫ້ແກ່ງານມະຫະກຳບຸນຊ້າງເພື່ອຮັບປະກັນຄວາມປອດໄພ ໃຫ້ແກ່ແຂກພາຍໃນ ແລະ ຕ່າງປະເທດ ທີ່ຈະມາທ່ຽວຊົມງານບຸນ

 

Off

Comments are closed.