07th Mar2016

ປກສ ນະຄອນຫຼວງຖະແຫຼ່ງຂ່າວ ກ່ຽວກັບການແກ້ໄຂກຸ່ມເປົ້າໝາຍ ຄ້າ-ຂາຍອາວຸດເສິກ

by somchan

ທ່ານ ພັທ ຄຳແພງ ໄຊຍະລາດ ຮອງຫົວໜ້າ ກອງບັນຊາການ ປກສ ນະຄອນຫຼວງວຽງຈັນ ອອກຖະແຫຼ່ງຂ່າວການແກ້ໄຂກຸ່ມເປົ້າໝາຍ ຄ້າ-ຂາຍອາວຸຸດເສິກ ຂ້າມຊາຍແດນ ໃນຄັ້ງວັນທີ 24 ພະຈິກ 2015 ທີ່ຜ່ານມາ. ໃນວັນທີ 4ມີນາ 2016ນີ້ວ່າ: ພາຍຫຼັງ ໄດ້ຮັບແຫຼ່ງຂ່າວ ມີການເຄື່ອນໄຫວ ຂອງກຸ່ມຄົນບໍ່ດີ, ມີການນຳເຂົ້າອາວຸດເສິກ ເພື່ອກໍ່ຄວາມບໍ່ສະຫງົບຢູ່ນະຄອນຫຼວງວຽງຈັນ, ເຈົ້າໜ້າທີ່ ປກສ ນະຄອນຫຼວງວຽງຈັນ ໄດ້ແຕ່ງຕັ້ງພະນັກງານວິຊາສະເພາະເພື່ອຊັນນະສູດ, ເກັບກຳຂໍ້ມູນແຫຼ່ງຂ່າວ ແລະ ໄດ້ມີການວິເຄາະວິໄຈແຫຼ່ງຂ່າວ ເຫັນວ່າມີຄວາມເຊື້ອຖື, ຈຶ່ງໄດ້ລາຍງານຂໍການຊີ້ນຳຢ່າງໃກ້ຊິດຈາກຄະນະນຳຂັ້ນເທິງ ນັບແຕ່ເດືອນ ມິຖຸນາ 2015 ເປັນຕົ້ນມາ, ກອງບັນຊາການ ປກສ ນະຄອນຫຼວງວຽງຈັນ, ໄດ້ສົມທົບກັບກົມໃຫຍ່ຕຳຫຼວດກະຊວງປ້ອງກັນຄວາມສະຫງົບ, ຈັດຕັ້ງກຳລັງຕິດຕາມເຮັດໜ້າທີ່ວິຊາສະເພາະ, ຕາມຫຼັກວິຊາສະເພາະຂອງວຽກງານຕຳຫຼວດ, ຈົນຮອດເວລາ 16ໂມງ30ນາທີຂອງວັນທີ 24 ພະຈິກ 2015 ຈຶ່ງສາມາດຈັບກຸ່ມເປົ້າໝາຍດັ່ງກ່າວໄດ້ຈຳນວນ 12ຄົນ, ຍິງ05ຄົນ, ໃນນັ້ນມີຄົນໄທ09 ຄົນ, ຍິງ 04 ຄົນ.

ສືບຕໍ່ຂະຫຍາຍຜົນຮອດວັນທີ 28 ພະຈິກ 2015 ສາມາດຈັບເປົ້າໝາຍທີ່ມີສ່ວນພົວພັນໄດ້ຕື່ມອີກຈຳນວນ 08 ຄົນ ຍິງ 04 ຄົນ, ປະຈຸບັນ ເຈົ້າໜ້າທີ່ສາມາດກັກຕົວຜູ້ຖືກຫາໄດ້ທັງໝົດແລ້ວ ລວມເປັນ 20 ຄົນ, ຍິງ 9 ຄົນ, ໃນນີ້ມີຜູ້ຖືກຫາທີ່ເປັນຄົນໄທ 09ຄົນ, ຍິງ 04 ຄົນ.

IMG_002

ຜ່ານການແກ້ໄຂກຸ່ມນຳເຂົ້າ ແລະ ຄ້າຂາຍອາວຸດເສີກ, ນັບແຕ່ວັນທີ 24 ພະຈິກ 2015 ມາເຖິງປະຈຸບັນເຈົ້າໜ້າທີ່ຕຳຫຼວດສາມາດເກັບກູ້-ທ້ອນໂຮມ ອາວຸດເສີກ ແລະ ວັດຖຸລະເບີດໄດ້ທັງໝົດດັ່ງນີ້:

  1. ປຶນຊະນິດຕ່າງໆ 28 ກະບອກ, (ໃນນັ້ນເປັນປືນຍາວ 17 ກະບອກ, ບືນສັ້ນ 11 ກະບອກ)
  2. ໝາກແຕກຈຳນວນ 24 ໜ່ວຍ.
  3. ລູກປືນຊະນິດຕ່າງໆ 693 ລູກ ແລະ ກະສອບລູກປືນມີແກັບ 53 ກະສອບ.
  4. ໂຄງໃສ່ປືນສັ້ນສຳລັບຍິງໄກຈຳນວນ 03 ຊຸດ (ຊຸດສຳລັບຍິງປືນສັ້ນກັອກ).
  5. ກ້ອງສ່ອງສຳລັບຕິດປືນ 03ໜ່ວຍ.
  6. ສິ້ນສ່ວນປະກອບປືນສັ້ນ 13 ອັນ.
  7. ໜ້າເຮັດດ້ວຍເຫຼັກ 01 ອັນ.
  8. ງ້າວ 03 ດວງ.
  9. ຢາໄອສ 01 ຖົງໃຫຍ່ ແລະ 19 ຖົງນ້ອຍ, ຢາບ້າ 119 ເມັດ ແລະ ເຄື່ອງວັດຖຸອື່ນໆອີກຈຳນວນໜື່ງ.

IMG_016

ຜ່ານການສືບສວນ-ສອບສວນຜູ້ຖືກກ່າວຫາພວກກ່ຽວໄດ້ຮັບສາລະພາບວ່າໄດ້ຮ່ວມກັນຊື້ຂາຍ, ຂົນສົ່ງ, ຄອບຄອງອາວຸດເສີກ, ແລະ ມີຢາເສບຕິດໄວ້ໃນຄອບຄອງຄື: ປະເພດຢາໄອສ, ຢາບ້າ. ດັ່ງທີ່ໄດ້ກ່າວໄປແລ້ວນັ້ນ ແລະ ເຄື່ອງຂອງກາງທີ່ເຈົ້າໜ້າທີ່ກວດພົບນັ້ນເປັນຂອງພວກກ່ຽວແທ້.

IMG_014 IMG_003 IMG_004IMG_7011

 

 

 

 

 

 

IMG_012 IMG_010 IMG_009 IMG_008

 

 

 

 

 

 

IMG_006 IMG_005

IMG_013  IMG_007

 

 

 

 

 

 

ຕໍ່ເຫດການດັ່ງກ່າວ ຄະນະຮັບຜິດຊອບດຳເນີນຄະດີຍັງສືບຕໍ່ເປີດກວ້າງດຳເນີນການສືບສວນ-ສອບສວນເກັບກຳຂໍ້ມູນຫຼັກຖານຂະຫຍາຍຜົນໄປຫາກຸ່ມແກ້ງເຄື່ອຂ່າຍທີ່ຍັງເຫຼືອ, ເພື່ອມາລົງໂທດຕາມລະບຽບກົດໝາຍຢ່າງເຂັ້ມງວດ.

ຕໍ່ຜົນສຳເລັດໃນການແກ້ໄຂປະກົດການຫຍໍ້ທໍ້ໃນສັງຄົມຢູ່ນະຄອນຫຼວງວຽງຈັນ ເວົ້າລວມ ເວົ້າສະເພາະ ການແກ້ໄຂກຸ່ມແກ້ງຄ້າຂາຍອາວຸດເສີກ ໃນຄັ້ງວັນທີ 24 ພະຈິກ 2015 ແມ່ນການປະກອບສ່ວນຂອງພົນລະເມືອງດີ, ອຳນາດການປົກຄອງທ້ອງຖິ່ນ ແລະ ຊາວນະຄອນຫຼວງວຽງຈັນ ແລະ ກຳລັງປ້ອງກັນຄວາມສະຫງົບນະຄອນຫຼວງວຽງຈັນ ຂໍຊົມເຊີຍ ແລະ ຂອບໃຈ ຕໍ່ການປະກອບສ່ວນຂອງພວກທ່ານໃນວຽກງານ ປ້ອງກັນຊາດ-ປ້ອງກັນຄວາມສະຫງົບ.

Off

Comments are closed.