16th Mar2016

ກອງປະຊຸມວິທະຍາສາດສາກົນຮັບຮອງ ໂຄງການນັກຮຽນກຳລັງ ປກສ ລາວ

by somchan

ກອງປະຊຸມວິທະຍາສາດສາກົນຮັບຮອງໂຄງການ ນັກຮຽນກຳລັງປ້ອງກັນຄວາມສະຫງົບລາວ ທີ່ໂຮງຮຽນ 12-75 ສສ ຫວຽດນາມ. ໄດ້ຈັດຂຶ້ນໃນວັນທີ 15 ມີນາ 2016 ນີ້ ທີ່ກົມຄົ້ນຄວ້າວິທະຍາສາດ-ປະຫວັດສາດ ກະຊວງປ້ອງກັນຄວາມສະຫງົບລາວ ເຂົ້າຮ່ວມຝ່າຍລາວໂດຍ ພົນຕີ ສິນທະວົງ ໄຊຍະກອນ ກຳມະການສູນກາງພັກ ລັດຖະມົນຕີຊ່ວຍວ່າການກະຊວງ ປກສ, ຝ່າຍຫວຽດນາມນຳໂດຍພົນຕີ ປອ ຫວງຽນ ຊວນ ເມືອຍ ຮອງຫົວໜ້າກົມກໍ່ສ້າງກຳລັງຕຳຫຼວດ ສສ ຫວຽດນາມ ພ້ອມດ້ວຍຄະນະຜູ້ແທນທັງສອງຝ່າຍເຂົ້າຮ່ວມ.

IMG_8047-(CUT)

ພັອ ປອ ມາລາ ວິລະຈິດ ຕາງໜ້າຄະນະຄົ້ນຄວ້າຮຽບຮຽງຝ່າຍລາວ ໄດ້ລາຍງານຫຍໍ້ຜົນການຄົ້ນຄວ້າຫົວຂໍ້ນັກຮຽນກຳລັງປ້ອງກັນຄວາມສະຫງົບປະຊາຊົນລາວ ທີ່ໂຮງຮຽນ 12-75 ສສຫວຽດນາມ. ໂດຍປະຕິບັດຕາມແຜນການຈັດຕັ້ງປະຕິບັດສັນຍາຮ່ວມມື ລະຫວ່າງກະຊວງ ປກສ ແຫ່ງ ສປປລາວ ແລະ ກະຊວງຕຳຫຼວດ ແຫ່ງ ສສຫວຽດນາມ, ບົດບັນທຶກຊ່ວຍຈຳ ລະຫວ່າງຄະນະຜູ້ແທນສະຖາບັນປະຫວັດສາດ ກະຊວງຕຳຫຼວດ ສສຫວຽດນາມ ກັບກົມຄົ້ນຄວ້າວິທະຍາສາດ-ປະຫວັດສາດ ກະຊວງ ປກສ ລາວ, ທັງຝ່າຍລາວ ແລະ ຫວຽດນາມ ໄດ້ປະສານສົມທົບກັນດຳເນີນການຄົ້ນຄວ້າດ້ວຍຄວາມຮັບຜິດຊອບສູງ, ປຶກສາຫາລື ແລະ ເອກະພາບຮັບຮອງເອົາຊື່ຫົວຂໍ້ວິທະຍາສາດ ນັກຮຽນກຳລັງປ້ອງກັນຄວາມສະຫງົບລາວ ທີ່ໂຮງຮຽນ 12-75 ຫວຽດນາມ, ໄດ້ກຳນົດຮູບແບບບົດຄົ້ນຄວ້າໃນລັກສະນະບັນທຶກເຫດການຕາມລຳດັບເປັນປີຮຽນ ຫຼື ຊຸດຮຽນຕໍ່ເນື່ອງ, ໃນແຕ່ລະປີປະກອບມີ 3 ພາກ, ເຊິ່ງມີເນື່ອງໃນທາງດ້ານວິທະຍາສາດ. ສະແດງໃຫ້ເຫັນປະຫວັດຄວາມເປັນມາຂອງໂຮງຮຽນ 12-75 ສະແດງໃຫ້ເຫັນໝາກຜົນຂອງການຄົ້ນຄວ້າໂຄງການນັກຮຽນປ້ອງກັນຄວາມສະຫງົບລາວ ທີ່ໂຮງຮຽນ 12-75 ສສ ຫວຽດນາມ ແຕ່ປີ 1976-1991 ແລະ ໃຫ້ເຫັນຄຸນນະພາບຄວາມເຕີບໃຫຍ່ຂະຫຍາຍຕົວຂອງອະດີດນັກຮຽນກຳລັງປ້ອງກັຄວາມສະຫງົບລາວ, ເນື້ອໃນທັງສາມພາກນັ້ນໄດ້ສ່ອງແສງເຖິງການຮ່ວມມືທີ່ມີປະສິດທິຜົນ ໃນຂົງເຂດວຽນງານກໍ່ສ້າງກຳລັງ ລະຫວ່າງກະຊວງ ປກສ ແຫ່ງ ສປປລາວ ແລະ ກະຊວງຕຳຫຼວດແຫ່ງ ສສ ຫວຽດນາມ ທັງເປັນມູນເຊື້ອຄວາມເປັນແບບຢ່າງອັນດີ ໃຫ້ແກ່ກຳລັງປ້ອງກັນຄວາມສະຫງົບຮຸ່ນສືບທອດ ແລະ ທັງເປັນພື້ນຖານໃຫ້ແກ່ການກຳນົດທິດທາງ ແລະ ວິທີຮ່ວມມືກັນໃນສະເພາະໜ້າ ແລະ ຍາວນານໃຫ້ມີປະສິດທິຜົນຍິ່ງໆຂຶ້ນ.

IMG_8111-(CUT)

Off

Comments are closed.