29th Mar2016

ກະຊວງ ປກສ ສະຫຼຸບຖອດຖອນບົດຮຽນ ວຽກງານການປ້ອງກັນ ແລະ ການປ່ອນ ບັດເລືອກຕງສະມາຊິກສະພາແຫ່ງຊາດ ຊຸດທີ 8.

by somchan

ກະຊວງ ປກສ ຈັດກອງປະຊຸມສະຫຼຸບຖອດຖອນ ບົດຮຽນການປ້ອງກັຮັກສານຄວາມສະຫງົບ ການປ່ອນບັດເລືອກຕັ້ງສະມາຊິກສະພາແຫ່ງຊາດ ຊຸດທີ 8 ແລະ ສະມາຊິກສະພາປະຊາຊົນ ຂັ້ນນະຄອນຫຼວງ ໃນວັນທີ 22 ມີນາ 2016 ນີ້ ໂດຍການເປັນປະທານຂອງທ່ານ ພົຕ ສິນທະວົງ ໄຊຍະກອນ ກຳມະການສູນກາງພັກ ຮອງລັດຖະມົນຕີກະຊວງປກສ , ມີຄະນະຮັບຜິດຊອບການເລືອກຕັ້ງສະມາຊິກ ສະພາແຫ່ງຊາດ ຊຸດທີ 8, ມີຄະນະພັກ ຄະນະນຳ, ອ້ອມຂ້າງກະຊວງ ປກສ ເຂົ້າຮ່ວມ.

ໃນກອງປະຊຸມໄດ້ສະຫຼຸບຄືນການປະຕິບັດໜ້າທີ່ຂອງກຳລັງປ້ອງກັນຄວາມສະຫງົບ ໃນບັ້ນເລືອກຕັ້ງສະມາຊິກສະພາແຫ່ງຊາດຊຸດທີ 8 ແລະ ສະມາຊິກສະພາປະຊາຊົນຂັ້ນນະຄອນຫຼວງ ເຊີ່ງໄດ້ຍົກໃຫ້ເຫັນຫຼາຍບັນຫາເປັນຕົ້ນ: ຄະນະພັກ ຄະນະບັນຊາໄດ້ເອົາໃຈໃສ່ໃນການຊີ້ນຳ-ນຳພາຢ່າງໃກ້ຊິດຕິດແທດ ກັບພະນັກງານແຕ່ລະຈຸດ, ໄດ້ຈັດຕັ້ງເຜີຍແຜ່ເອກະສານກຽ່ວກັບການເລືອກຕັ້ງ, ເຜີຍແຜ່ໃຫ້ພະນັກງານຫຼັກແຫຼ່ງເພື່ອນຳເອົາເອກະສານເນື້ອໃນຂອງກອງປະຊຸມລົງໄປເຜີຍແຜ່ໃຫ້ແຕ່ລະກົມກອງຮັບຮູ້ ແລະ ເຂົ້າໃຈ, ເອົາໃຈໃສ່ ໂຄສະນາຕາມສື່ຕ່າງໆເຊັ່ນ: ໂທລະພາບ, ວິທະຍຸ, ໜັງສືພິມ ຢ່າງຕໍ່ເນື່ອງ, ຈັດຕັ້ງພະນັກງານ-ນັກຮົບລົງຮັກສາຄວາມສະຫງົບຢູ່ແຕ່ລະເຂດປ່ອນບັດຕາມຄວາມເໝາະສົມ, ດຳເນີນຢາຍບ່ອນຢັ້ງຢືນໃຫ້ຜູ້ທີ່ມີສິດປ່ອນບັດເລືອກຕັ້ງຄົບຖ້ວນສົມບູນ, ເຮັດໃຫ້ຜູ້ມີສິດປ່ອນບັດເລືອກຕັ້ງມີຄວາມຕື່ນຕົວໄປໃຊ້ສິດ ຮັບປະກັນໄດ້ 100%, ຈຸດເລືອກຕັ້ງຂອງກຳລັງ ປກສ ມີທັງໝົດ 9 ຈຸດຄື: ຈຸດທີ 1 ຫ້ອງວ່າການກະຊວງ, ກົມໃຫຍ່ພະລາທິການ, ກົມໃຫ້ຕຳຫຼວດ, ປ້ອງກັນເຄື່ອນທີ່, ໂພນພະເນົາ, ວິທະຍາຄານປ້ອງກັນຄວາມສະຫງົບແຫ່ງຊາດ, ວິທະຍາຄານຕຳຫຼວດເພື່ອປະຊາຊົນ, ໂຮງຮຽນວັດທະນະທຳ ຫຼັກ 67 ແລະ ຄ້າຍຄຸມຄັງດອນທ້າວ-ດອນນາງ. ໃນນັ້ນ ຜູ້ມີສິດປ່ອນບັດເລືອກຕັ້ງທັງໝົດ 11.508, ຍິງ 2.366ຄົນ, ຜ່ານການຈັດຕັ້ງປະຕິບັດສາມາດຮັບປະກັນໄດ້ 300%.

ໃນຕອນທ້າຍ ທ່ານພົນຕີ ສິນທະວົງ ໄຊຍະກອນ ກໍ່ໄດ້ຍ້ອງຍໍຊົມເຊີຍ ເຖິງຜົນງານທີ່ພະນັກງານ-ນັກຮົບສາມາດປະຕິບັດໄດ້ ແລະ ໄດ້ຮັບຜົນສຳເລັດຕາມລະດັບຄາດໝາຍ ເຮັດໃຫ້ບັ້ເລືອກຕັ້ງສະມາຊິກສະພາແຫ່ງຊາດຊຸດທີ 8 ແລະ ສະພາປະຊາຊົນຂັ້ນນະຄອນຫຼວງ ຮັບປະກັນໄດ້ຄວາມສະຫງົບປອດໄພ 100%

Off

Comments are closed.