31st Mar2016

ຫຼາຍພາກສ່ວນເຂົ້າອວຍພອນ ເນື່ອງໃນໂອກາດວັນສ້າງຕັ້ງກຳລັງ ປກສ ຄົບຮອບ 55 ປີ.

by somchan

ພົນຕີ ກົງທອງ ພົງວິຈິດ ຮອງລັດຖະມົນຕີກະຊວງ ປກສ ພ້ອມຄະນະ ໄດ້ຕ້ອນຮັບການເຂົ້າອວຍພອນ ຈາກອົງການຜູ້ຕາງໜ້ານກະຊວງຕຳຫຼວດ ສສ ຫວຽດນາມ ປະຈຳລາວ ແລະ ກອງບັນຊາການ ປກສ ນະຄອນຫຼວງວຽງຈັນ ໃນຕອນເຊົ້າຂອງວັນທີ 30 ມີນາ 2016 ເນື່ອງໃນໂອກາດຂ່ຳນັບຮັບຕ້ອນ ແລະ ສະເຫຼີມສະຫຼອງວັນສ້າງຕັ້ງກຳລັງ ປກສ ວັນທີ 5 ເມສາ ຄົບຮອບ 55 ປີ ອົງການຜູ້ຕາງໜ້າກະຊວງຕຳຫຼວດ ສສ ຫວຽດນາມ ປະຈຳລາວ ນຳໂດຍ ພົຈວ ຫງວຽນ ວັນ ຮຽນ ຫົວໜ້າອົງການຜູ້ຕາງໜ້າກະຊວງຕຳຫຼວດ ສສ ຫວຽດນາມ ປະຈຳລາວ, ກອງບັນຊາການ ປກສ ນະຄອນຫຼວງວຽງຈັນ ນຳໂດຍ ພັອ ອິນທະລົງ ໄຊຍະບຸດສີ ຫົວໜ້າກອງບັນຊາການ ປກສ ນະຄອນຫຼວງວຽງຈັນ ພ້ອມດ້ວຍຄະນະ. ໃນໂອກາດນີ້ ພົຈວ ຫງວຽນ ວັນ ຮຽນ ໄດ້ຕາງໜ້າໃຫ້ຄະນະອົງການຜູ້ຕາງໜ້າກະຊວງຕຳຫຼວດ ສສ ຫວຽດນາມ ປະຈຳລາວ ສະແດງຄວາມປີຕິຊົມຊື່ນ ແລະ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະທີ່ກຳລັງ ປກສ ຍາດມາໄດ້ຕະຫຼອດໄລຍະ 55 ປີ ຜ່ານມາ ແລະ ເຫັນໄດ້ການພົວພັນຮ່ວມມືລະຫວ່າງສອງພັກ-ລັດ ສອງກຳລັງປ້ອງກັນຄວາມສະຫງົບ ແລະ ກະຊວງຕຳຫຼວດ ສສ ຫວຽດນາມ, ໃນການພົວພັນຮ່ວມມືມິດຕະພາບ ຄວາມສາມັກຄີແບບພິເສດ ການພົວພັນຮ່ວມມືຮອບດ້ານ. ພ້ອມນີ້, ທ່ານຍັງໄດ້ກ່າວສະແດງຄຳອວຍພອນໄຊອັນປະເສີດ ໃຫ້ການນຳພັກ-ລັດ, ກໍ່ຄືການນຳກະຊວງ ປ້ອງກັນຄວາມສະຫງົບ ແລະ ພະນັກງານ-ນັກຮົບ ໃນກຳລັງປ້ອງກັນຄວາມສະຫງົບຈົ່ງມີຄວາມເຂັ້ມແຂງ ມີຄວາມຜາສຸກໃນຄວາມຄົວ ແລະ ມີຜົນສຳເລັດໃນຫນ້າທີ່ວຽກງານ ແລະ ສືບຕໍ່ຊີ້ນຳ-ນຳພາ ກຳລັງ ປກສ ໃຫ້ເຕີບໃຫຍ່ເຂັ້ມແຂງຂຶ້ນໄປເລື່ອຍໆ.

ພ້ອມດຽວກັນນີ້ ຮອງລັດຖະມົນຕີກະຊວງ ປກສ ລາວ ໄດ້ສະແດງຄວາມຂອບໃຈ ຄະນະນຳອົງການຜູ້ຕາງໜ້າກະຊວງຕຳຫຼວດ ສສ ຫວຽດນາມ ແລະ ຄະນະນຳ ກອງບັນຊາການ ປກສ ນະຄອນຫຼວງວຽງຈັນ ທີ່ໄດ້ເຂົ້າອວຍພອນພ້ອມຄະນະໃນຄັ້ງນີ້.

ໃນຕອນບ່າຍຂອງວັນດຽວກັນ ຮອງລັດຖະມົນຕີກະຊວງ ປກສ ກໍໄດ້ຕ້ອນຮັບການເຂົ້າອວຍພອນຈາກ ບໍລິສັດລາວບໍລິການຄວາມປອດໄພ ນຳໂດຍ ພັນເອກ ບຸນໄທ ຊານະວົງ ຜູ້ອຳນວຍການບໍລິສັດ ລາວບໍລິການຄວາມປອດໄພພ້ອມຄະນະ, ແລະ ບໍລິສັດ ຄົງໜານກົວຈີ ຂາເຂົ້າ-ຂາອອກ ສປ ຈີນ ນຳໂດຍທ່ານ ຈູ່ລີ້ມິງ ປະທານບໍລິສັດຄົງໜານກົວຈີ ຂາເຂົ້າ-ຂາອອກ ສປ ຈີນ ພ້ອມຄະນະ ກໍໄດ້ເຂົ້າອວຍພອນເນື່ອງໃນໂອກາດວັນສ້າງຕັ້ງກຳລັງ ປກສ ຄົບຮອບ 55ປີ ເຊັ່ນດຽວກັນ.

 

Off

Comments are closed.