12th May2016

ຄະນະຜູ້ແທນກະຊວງ ປກສ ລາວ ຕ້ອນຮັບການຢ້ຽມຢາມສັນທະວະໄມຕີ ຂອງຄະນະຜູ້ແທນກະຊວງຕຳຫຼວດ ຫວຽດນາມ

by somchan

ໂດຍປະຕິບັດຕາມຄຳເຊີນຂອງພົນຕີ ສົມແກ້ວ ສີລາວົງ ລັດຖະມົນຕີກະຊວງ ປກສ ສປປ ລາວ. ພົນໂທ ໂຕເລິມ ລັດຖະມົນຕີກະຊວງຕຳຫຼວດ ສສ ຫວຽດນາມ ພ້ອມດ້ວຍຄະນະໄດ້ເດີນທາງມາຢ້ຽມຢາມ ສັນທະວະໄມຕີ ແລະ ພົບປະເຮັດວຽກຮ່ວມ ກັບຄະນະຜູ້ແທນຂັ້ນສູງກະຊວງ ປກສ ລາວ ໃນລະຫວ່າງວັນທີ 10-11 ພຶດສະພາ 2016ນີ້. ເຊິ່ງມີພິທີຕ້ອນຮັບຢ່າງເປັນທາງການ ໄດ້ຈັດຂຶ້ນໃນຕອນບ່າຍຂອງວັນທີ 10 ພຶດສະພານີ້ ຢູ່ທີ່ກະຊວງ ປກສ ນະຄອນຫຼວງວຽງຈັນ.

DSC_8824-(CUT)

ຈາກນັ້ນ ຄະນະຜູ້ແທນຂັ້ນສູງກະຊວງ ປກສ ລາວ ແລະ ກະຊວງຕຳຫຼວດຫວຽດນາມ ກໍໄດ້ເຂົ້າຮ່ວມກອງປະຊຸມພົບປະ ການພົວພັນຮ່ວມລະະຫວ່າງສອງກະຊວງ ໂດຍເປັນກຽດເຂົ້າຮ່ວມຂອງ ພົນຕີ ສົມແກ້ວ ສີລາວົົງ ລັດຖະມົນຕີກະຊວງ ປກສ ລາວ ແລະ ພົນຕີ ໂຕເລິມ ລັດຖະມົນຕີກະຊວງຕຳຫຼວດຫວຽດນາມ ພ້ອມດ້ວຍຄະນະຜູ້ແທນທັງສອງກະຊວງເຂົ້າຮ່ວມ.

DSC_8898-(CUT)

ການພົບປະລະຫວ່າງສອງກະຊວງໃນຄັ້ງນີ້ ແມ່ນໄດ້ສະຫຼຸບ ລາຍງານ ແລະ ຕີລາຄາຜົນສຳເລັດການຈັດຕັ້ງປະຕິບັດ ແຜ່ນການຮ່ວມມືສອງຝ່າຍໃນໄລຍະຜ່ານມາ ພ້ອມທັງຕີລາຄາສະພາບການທັງສອງປະເທດ, ໃນພາກພື້ນ ແລະ ສາກົນ ນັບທັງສິ່ງເອື້ອອຳນວຍ ແລະ ສິ່ງທ້າທ້າຍຕ່າງໆ ທີ່ສົ່ງຜົນຕໍ່ການປົກປັກຮັກສາ ແລະ ສ້າງສາພັດທະນາປະເທດຊາດ ເພື່ອຮ່ວມກັນຄົ້ນຄ້ວາທິດທາງແຜນການຮ່ວມມືໃນຕໍ່ໜ້າ ແນໃສ່ເຮັດໃຫ້ທັງສອງປະເທດມີຄວາມສະຫງົບ, ປອດໄພ ແລະ ເປັນລະບຽບຮຽບຮ້ອຍດີ. ນອກຈາກນີ້ ຍັງເປັນການແນະນຳຕົວຂອງ ພົນຕີ ໂຕເລິມ ໃນໂອກາດທີ່ໄດ້ຮັບການແຕ່ງຕັ້ງມອບໝາຍໜ້າທີ່ຕຳແໜ່ງເປັນ ລັດຖະມົນຕີກະຊວງຕຳຫຼວດຫວຽດນາມຜູ້ໃຫມ່ອີກດ້ວຍ.

DSC_8980-(CUT)

Off

Comments are closed.