08th Jun2016

2 ວັນ​ຕິດ​ຕໍ່​ກັນ ​ເຈົ້າ​ໜ້າ​ທີ່​ສະກັດ​ກັ້ນ ​ແລະ ຕ້ານ​ຢ​ເສບ​ຕິດ ປກສ ​ແຂວງ ອຸດົມ​ໄຊ ກັກ​ຕົວ​ພ້ອມ​ຢາ​ບ້າ 128 ມັດ

by somchan

ວັນ​ທີ 25 ພຶດສະພາ 2016ນີ້ ​ເຈົ້າ​ໜ້າ​ທີ່​ຕຳຫຼວດ​ພະ​ແນ​ກສະກັດ​ກັ້ນ ​ແລະ ຕ້ານ​ຢາ​ເສບ​ຕິດ ກອງ​ບັນຊາ​ການ ປກສ ​ແຂວງ ອຸດົມ​ໄຊ ​ໄດ້​ມ້າງ​ຄະດີ​ລັກລອບ​ຄ້າ​ຂາຍຢາ​ເສບ​ຕິດ ຢູ່​ທີ່​ເຮືອນ​ພັກ​ແຫ່ງ​ໜຶ່ງ ​ໃນ​ເທດສະບານ​​ເມືອງ​ໄຊ​ ແຂວງ​ອຸດົມ​ໄຊ ສາມາ​ດຈັບ​ກຸມ​ພວກ​ກະທຳ​ຜິດ​ໄດ້ 4 ຄົນ. ພ້ອມ​ເຄື່ອງ​ກາງ​ປະ​ເພດ​ຢາ​ບ້າ ຈຳນວນ 38 ມັດ, ນ້ຳໜັກ 8,8 ກິ​ໂລກຣາມ, ລົກ​ວີ​ໂກ້ ໝາຍ​ເລກ​ທະບຽນ ບໍ່​ແກ້ວ ກກ 2717: 1ຄັນ, ລົດຈັກ 1 ຄັນ, ​ໂທລະສັບ 5 ​ເຄື່ອງ, ​ເງິນ 900.000 ກີບ, ສາຍ​ຄໍ​ຄ້າຍຄື 1 ​ເສັ້ນ ​ແລະ ​ໂມງ 1 ໜ່ວຍ.

ຜູ້​ກະທຳ​ຜິດ​ທັງ 4 ມີ: ທ້າວ ບຸນ​ນຳ ​ຫຼື​ຊົງ ອາຍຸ 22 ປີ ຢູ່​ບ້ານ​ໄຊຊະນະ ​ເມືອງ​ແບ​ງ, ທ້າວ ບີ​ລີ ອາຍຸ 20 ປີ, ຢູ່​ບ້ານ​ສີ​ບຸນ​ເຮືອງ ​ເມືອງ​ຮຸນ ​ແຂວງ​ອຸດົມ​ໄຊ, ທ້າວ​ບຸນ ຫຼື ​ແປະ ອາຍຸ 30 ປີ ອາຊີບ​ຄ້າຂາຍ ຢູ່​ບ້ານ​ປຸງ​ລາດ ​ເມືອງ​ຜາ​ອຸດົມ ​ແລະ ທ້າວ​ເພັງ​ຊົງ ອາຍຸ 30 ປີຢູ່​ບ້ານ​ດອນ​ລາດ ​ເມືອງ​ຕົ້ນ​ເຜິ້ງ ​ແຂວງ​ບໍ່​ແກ້ວ.

​ໃນ​ວັນ​ທີ 26 ​ເດືອນ​ດຽວ​ກັນ ທາງ​ເຈົ້າ​ໜ້າ​ທີ່ຕຳຫຼວດພະ​ແນ​ກສະກັດ​ກັ້ນ ​ແລະ ຕ້ານ​ຢາ​ເສບ​ຕິ​ດ ປກສ ​ແຂວງ ອຸດົມ​ໄຊ ​ເຂົ້າ​ມ້າງ​ຄະດີ​ລັກລອບ​ຄ້າຂາຍ​ຢາ​ເສບ​ຕິດ​ ຢູ່​ເຂດ​ເມືອງ​ນາ​ໝໍ້ ​ແຂວງ​ອຸດົມ​ໄຊ ສາມາດ​ກັກ​ຕົວ​ຜູ້​ກະທຳ​ຜິດ​ໄດ້ 2 ຄົນ ພ້ອມ​ເຄື່ອງ​ກາງ​ປະ​ເພດ​ຢາ​ບ້າ ຈຳ​ນວນ 90 ມັດ, ນ້ຳໜັກ 21,2 ກິ​ໂລກະ​ກຣາມ, ລົດ​ວີ​ໂກ້​ແຊ້ມ ສີ​ປອນ ໝາຍ​ເລກ​ທະບຽນ ຫຼວງ​ນ້ຳ​ທາ ກກ 2005: 1 ຄັນ, ​ໂທລະສັບ 3 ​ເຄື່ອງ, ​ເງິນກີບ 895.000ກີບ, ​ເງິນ​ບາດ​ໄທ 10.000ບາດ, ​ແຫວນ​ມື​ສີ​ນ້ຳ​ເງິນ 2 ວົງ ​ແລະ ສາຍ​ແຂນ​ສີ​ທອງ​ເຫຼືອງ ຈຳນວນ 1 ​ເສັ້ນ.

ຜູ້​ຕ້ອງ​ຫາ 2 ຄົນ​ຄື: ທ້າວ ທອງ​ດີ ມີ​ປະ​ເສີດ ອາຍຸ 51 ປີ ​ແລະ ທ້າວ ສົມ​ສະ​ນິດ ທິບ​ມະນີ​ວົງ ທັງ​ສອງ​ຢູ່​ບ້ານ​ວຽງ​ໃຕ້ ​ເມືອງ ​ແລະ ​ແຂວງ ຫຼວງ​ນ້ຳ​ທາ ຖືກ​ກັກ​ຕົວ​ໃນ​ຂໍ້​ຫາ​ຄ້າຂາຍ​ຢາ​ເສບ​ຕິດ ​ແລະ ມີ​ຢາ​ເສບ​ຕິດ​ໄວ້​ໃນ​ຄອບ​ຄອງ.

ຕໍ່​ກັບ​ລາຍ​ຄະດີ​ດັ່ງກ່າວ ປັດຈຸບັນ​ຢູ່​ໃນ​ຂັ້ນ​ຕອນ​ການ​ສຶບສວນ-ສອບ​ສວນ ​ຂະຫຍາຍ​ຜົນ​ຫາ​ກຸ່ມ​ແກ້ງ ພັກ​ພວກ ​ແລະ ຄູ່​ຂະ​ບວນການ​ ຂອງ​ເຈົ້າ​ເຈົ້າ​ທີ່ ​ເພື່ອ​ນຳ​ຕົວ​ຜູ້​ກະທຳ​ຜິດ​ມາ​ລົງ​ໂທດ​ຕາມ​ລະບຽບ​ກົດໝາຍ​ຕໍ່​ໄປ.

 

Off

Comments are closed.